#1  
قديم 25/01/2006, 01:49 PM
زعيــم مميــز
تاريخ التسجيل: 23/10/2003
مشاركات: 1,612
شكرا يا بلوي شكرا .. والله يعينك على بعض العـقـليات يابو سلطان

الهلالي ابو سارة يعود لكم من جديد .. والأهلي حديد وآآه يا الزمالك ياموج البحر
بسم الله ورحمة الله وبركاته ..

كل عام وانتم بخير بمناسبة عودة الاختبارات وجعلها الله سقيا رحمه .. آمين .

7

7

7

هذي آخرة اللي يكثّـر فول على الصبحيه ..

----------------------------

شباب.. شبابات .. وش اللي حاصل هنا بمنتدياتنا ؟ أبي تفسير واضح ..

كل واحد يجي الحين قدامي ويقول وش سالفته بالظبط ------> احلى يا وكيل مدرستهم :p

والله وانا داخل المنتدى وأقرأ .. انصدمت .. توقعت اننا كهلاليين موقعين مع خالد السلامه أو طارق المولد !!

معقوله هالكلام والنقد اللي قاعد يطلع من بعضنا .. معقوله يكون عن العالمي جيوفاني !!

من جدكم انتم ؟ والله صدق من قال: اللي مايعرف جيوفاني يقول عنه وععع !

بعضنا الله لايهينه .. يجلس ورى الكيبورد وراس ماله عشرة أصابع تنقص أو تزيد قليلا :p ثم يقول:

والله اللاعب كبير !!! شايب !! منتهي مدري وش بعد !!

طيب الله لا يهينك يابعد كل الدنيا وش طموحك ؟ لاعب عشريني عالمي ؟

تبي إيتو أو ادريانو .؟.. اسمح لي أقول : أحبك بس اطلع من مخي ..:p

والثاني طالع لي فيها ويقول: اللاعب تشبع إنجازات وش بنستفيد منه ؟؟

طيب لا عدمتك علىأي أساس قلنا عنه عالمي ؟ مو عشان انجازاته ؟

لاعب دوّخ اليونان بأسرها .. لاعب حصد جوائز الدوري اليوناني وقال : حقتي حلالي بلالي ..

لاعب إذا مسك الكورة في نصف الملعب ما يرده الا الحارس .

لاعب من سوء حظه أنه خرج في وقت كان منتخب السامبا يعج بنجوم الوسط مثل ريفالدو وإلا لكان له مع المنتخب البرازيلي شأن آخر . وحكايه أخرى.
هل تعلمون انه عندما عاد للبرازيل .. عاد لأعرق أنديتها .. سانتوس العريق الذي أخرج بيليه سابقا وربينو حاليا .

هل تعلمون ان تشيكو الاتحادي لم يجد له مكان في سانتوس عندما عاد من الاتحاد والسبب حبيبنا جيوفاني ..

تكفون لا ينط لي واحد منكم ويقول : خير يا طير ومن هو سانتوس يعني يابوسارة ..

ترى وقتها أروح أتسلف عقال بكرمالي اللي كنه سلك مسجل ثم على ظهر هاللي سألني هالسؤال البايخ .

سانتوس هذا الفريق الكبير لا يقل شأنا عن الريال والميلان وتشلسي وفارس نجد (( تحسون خاش غلط بقووة ))

يضم في صفوفه فقط النخبه البرازيليه والمصدر الأول للمواهب البرازيليه في أندية أوروبا ..

بالعربي : معقوله سانتوس العريق يستقبل هذا اللاعب بكل رحابة صدر ويعطيه الرقم 10 ثم نقول عنه كهلاليين لا يصلح لنا !!

لاتزعلون مني لكن والله ان بعضنا وجيه فقر .. حدهم سيفو العملاق وجلسون وانت جاي ..

جلسون - سيفو - بدرا - تراوري - مجيئهم لم يصاحب هذه الضجه والأخذ والرد .. ما قلت لكم أن بعضنا مو وجيه نعمه ..

أسألكم بالله .. لو دخل أبو سلطان المنتدى وشاف هكذا طرح .. وش راح يكون موقفه .. وش راح يقول .؟

يقول : جبت لهم جلسون زعلوا .. جبت لهم هالعالمي وزعلوا.. وش اللي حادني !!

أنا وأعوذ بالله من كلمة انا .. لو جبت هاللاعب لكم ثم شفت انتقاداتكم تدرون وش راح أسوي ؟

اسألوني وش راح أسوي ..؟ ياهوووه بلاش فزلكه اسألوني ؟ اييييه سألتوني :

أقل شيء راح أزعل وأوقف دعمي لكم ولناديكم وأريح راسي -----> يرحم والديك لا يابو سارة ترى بنموت بدونك! ياشيخ فارق

زبدةالهرج : اصبروا . وانتظروا .. وشوفوا إبداعات الساحر جيو . . ووقتها راح تقولون :

والله صدق اخونا الصغير والفاهم والرهيب جدا والعالمي أبو سارة;) -----> شوي ويقول العميد

-------------------------


هلاليات أبو سارة :



** منـ(ثور) البلوي .. تقف كلمات الشكر عاجزه أمامي .. كيف أصوغها وأهديها لك ..أبوسك منين يا بطه .

ليت شعري ويا ويح من أتى بي قل لي : كيف أشكرك على جميل ماصنعت ..

شكرا .شكرا .. شكرا لك .. شكرا أنك استفزيت أعمامك الزرق فغضبوا فصفعوك بجيوفاني وتركوا لك زايري .
شكرا يا هذا والله لا يخلينا منك ..



** الذين ينتقدون جيوفاني حاليا .. هم من سيتزاحمون غد على أخذ الصور معه عندما ينثر ابداعاته أمامهم ..

شكرا.. من القلب .. الى الرجل الذي أصبح النجم الجماهيري الأبرز .. والرئيس الأمهر : محمد بن فيصل ..

يا رجل من أي عالم أتيت .. قسما بالله أنك ملكت القلوب والعقول .. سحرتنا بطيبتك وبخدمتك لزعيمنا ..

أبو سلطان .. أنت البطولة الاغلى والحلقة الأقوى في عالم هذا الهلال .. كل الشكر منا لك جميعا.




** يقولون الهلاليين أنهم الحين متوهقين بجلسون وين يصرّفونه ؟ وأنا شخصيا أرى أن الأمر جدا بسيط :

فيه نادي حولنا .. الله لايبلاكم .. اسمه النصر .. يستقبل كل ماهب ودب من أجانب الأنديه ..

عنده بلانكو العيناوي وعنده العاهة ليما الاتحادي وقريبا الكسيح جوب . .

والرسول صلى الله عليه وسلم وصانا على سابع جار .. يعني عطوهم جلسون يستاهلون ..

(( الحق حق .. إذا راح جلسون لهم فهوالأحق بالكابتنيه لأنه أفضلهم:p ))





** سمعت ان جواد الزايري جمع اخوياه في تمرين منتخب المغرب وقام فيهم خطيبا وقال :

ياشباب .. والله اني منصح لكم .. وأبي لكم الخير .. فيه واحد خبل في السعوديه بيعطيكم اللي تبون من الدراهم بس أنتم قولوا فاوضنا الهلال .. انتهت الخطبه:p
منـ(ثور) الله يفضحك ياشيخ .. فاضحنا حتى في شرم الشيخ ..




** ايضاَ سمعت ( يوووه ياكثر ماتسمع يالنصاب:p )) .. ايه سمعت ان البلوي في هالأيام الأخيره جاه لوثه في عقله ..

والسبب : انه كان ماسك ثلاثة جوالات وماسك خط اتصالات .. مرة يدق على بيت جوفنتوس يبي اوليفيرا ..

مرة يدق على بركات المصري ..ومرة يدق على مدري مين..

الله يسامحكم يا هلاليين غربلتوا الرجال وهو غالي علينا .. ترى قلبه مرررررة طيييب ومايهون علينا الشيخ;)



** زعيم القرن الآسيوي ... فعل الأفاعيل بالفرق الأخرى وهو يعاني في جهته اليمنى ..

الآن بعد التعاقد مع الدهية جيوفاني لاعب الوسط البارع .. ماذا تتوقعون أن يحدث لتلك الفرق ؟ مجزرة ؟ لا لا شووويه وربي ..

الله يعينهم على الهلال .. وبالذات ذاك النادي اللي في بالي .. ----> مايقصد إتي لحالوو



** أعرف جيوفاني قبل نوقع معه.. ولما وقعنا معه وشفت الفيديو اللي يضم لقطاته وأهدافه ..

طقني الحماس بشكل رهيب .. شوي وأشيل عفشي وأروح أعسكر في الاستاد أحتري أقرب مباراة .

يقولون أنهم بيعطونه رقم 15 وأنا أقول : أنعم به من قرار .. فهذا الرقم يجب أن لايرتديه إلا الجهابذة فقط .


--------------------------


تفضلوا هذا إهداء بهذه المناسبه الجيوفانيه :


جيوفاني ينطلق من الجهة اليمنى .. على يساره كماتشو .. شكله راح يمررها .. لا لا ينطلق ويعدي من واحد والثاني الله الله ومن الحارس بعد ياساحر قووووول ..

هذا الهدف أهديه لكم وأرجوا أنكم تقبلونه. مشاهده ممتعه :p ------> ياخوي محشش أنت ؟

آسف للإطاله وهذي ظغطه على نشرالمووضوع

اخر تعديل كان بواسطة » الهلالي- ابوسارة في يوم » 25/01/2006 عند الساعة » 03:32 PM
اضافة رد مع اقتباس
  #2  
قديم 25/01/2006, 01:52 PM
مشرف سابق في منتدى الرياضه السعوديه
ومنتدى المنتخب السعودي
ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
مشكوووووور يا افضل كااتب شفته بحياااتي

و الله انك مبدع !!!!!!!!!!!!!!
اضافة رد مع اقتباس
  #3  
قديم 25/01/2006, 01:54 PM
زعيــم مميــز
تاريخ التسجيل: 27/04/2005
المكان: الرياض
مشاركات: 1,929
مرحبًا بم

كيف حالك يابو ساره

بصراحه استغربت بعض الانتقادات في المنتديات الهلاليه لتعاقد الادارة مع جيوفاني !!

بعض الجماهير الله يهديهم مادري وش يبون !

حتى ان واحد من المشرفين في هذا المنتدى قال " نصبر ونفطر على بصل " !!

جيوفاني نجم كبير وسيكون له شأن في الدوري السعودي

والمباريات القادمه ستثبت ذلك

إن شاء الله




بما انك جبت طاري فارس نجد

بكره مباراة ديربي الهبوط بين النصر وأبها


وشكرًا لك يابو ساره ..


اخر تعديل كان بواسطة » سلمان بن محمد في يوم » 25/01/2006 عند الساعة » 02:40 PM
اضافة رد مع اقتباس
  #4  
قديم 25/01/2006, 01:59 PM
زعيــم مميــز
تاريخ التسجيل: 01/03/2005
مشاركات: 8,426

هلا والله ..
مشكور
و الله
يعطيك العافية يابو ساره عالموضوع الحلـو ,,

و جيـوفاني لاعب كبير عالمي << افهموها صح عالمي يعني لاعب كبير ..
مو كل من ينقال له عالمي عالمي .. فـ هناك من العالميين من ينافس على البقاء
و لقاءهـ القادم مع ابها و كلاهما اصحاب مركز متدني بالدوري
يعني مباراة ديربي الهبوط مثل ما قال سلمان
الله يعينهم << تراني ما اقصد احد .. ..
و ان شاء الله نشوف ابداااعاته مع زعيمـنا ,, ,,

و بالنسبة لـ منصور ..
احس انه مطنقررررر الحيـن .. بيروح يخربها يفاوض
رونالدينو
و بيخلص كل هـ الفلوس عليه .. اهم شي يقولون احسن من الهلال
ارحمه ياخي ما ترحموووونه !!
..
يا حليله بس ..

..
مشكور مرتن اخرى .. و بالتوفيق


اضافة رد مع اقتباس
  #5  
قديم 25/01/2006, 02:00 PM
زعيــم مميــز
تاريخ التسجيل: 18/05/2005
مشاركات: 6,509
هه
والله ما لي خلق اضحك توني جاي من الجامعه ومزفت في الامتحاااااان

بس علشانك هههههههههههههههههههههههههههههههههههههههههههههههههههههههههههههههههههههههه

ههههه


تسلم وما قصرت

بس الهدف اللي جابه جيوفاني على اي فريق ؟؟؟؟

صوتك حلووووووووووووووووووووووووووفي التعليق وخاصة يوم قلت قوووووووووووول



مشكووووووووووووور ولاهنت
اضافة رد مع اقتباس
  #6  
قديم 25/01/2006, 02:01 PM
زعيــم مميــز
تاريخ التسجيل: 19/05/2004
مشاركات: 2,027
هلا وغلا

ابو سارة

انت الي تستحق رقم 15 يا الغالي

المشكله بالمنتدى فيه (بعض) الكتاب صغار السن هذا الواقع يكتب اي شي ولا يعرف ماذا يكتب

وان شا لله يكون المحترف الجديد عند طموحات الزعيم والله يكتب الي فيه الخير ان شا لله

والله يعطيك العافيه. يا الغالي.
اضافة رد مع اقتباس
  #7  
قديم 25/01/2006, 02:03 PM
زعيــم نشيــط
تاريخ التسجيل: 01/07/2005
المكان: الرياض ياملا الحر
مشاركات: 807
والله أنت ألي من أي عالم جآآي
تسلم ولاتطول مرة ثانية
امممممممممووووووووووووووووووووووووووووووااااااااااااااح على راسك
اضافة رد مع اقتباس
  #8  
قديم 25/01/2006, 02:05 PM
زعيــم مميــز
تاريخ التسجيل: 23/10/2003
مشاركات: 1,612
يا الربع . . يامشرفين .. يا النشامى يا وجيه الخير إلحقوني .. إلحقوا علي يا المسلمين :


الموضوع مع الحماس نزل مرتين ..



اقشعوا واحد منهم الله لا يهينكم
اضافة رد مع اقتباس
  #9  
قديم 25/01/2006, 02:06 PM
الصورة الرمزية الخاصة بـ الصقر الهلالي
زعيــم مميــز
تاريخ التسجيل: 24/12/2000
المكان: ][وهل غيـر الشمـال أعشـق .!!.][
مشاركات: 10,798
يا هلا والله يا ابو سااارة ..

منور كالعادة ... وتئبرني شو محلاتك

وسلملي على الاتي لحالووو .. ولايهووون العالمي ..

لك التحية

ثقوووري
اضافة رد مع اقتباس
  #10  
قديم 25/01/2006, 02:07 PM
زعيــم نشيــط
تاريخ التسجيل: 10/05/2005
مشاركات: 568
هلا والله بابوسارة وينك يالقاطع

موضوع بالصميم وصدق والله قهروني اللي ينتقدون جيو

ماشافوه مع البرسا ما شافوه مع اولمبياكوس واخيرا ماشافوه مع سانتوس؟؟؟؟

اللاعب موهوب وعالمي يكفي بس مثل السامبا تعرفون وش يعني سامبا

موضوع في الصميم وبوقته يابوساره

يعطيك العافيه
اضافة رد مع اقتباس
  #11  
قديم 25/01/2006, 02:10 PM
زعيــم مميــز
تاريخ التسجيل: 21/03/2005
المكان: جدة
مشاركات: 3,282
مشكور أبو سارة على الموضوع ...
وإن شاء الله يكون البلوي أستفاد من الدرس ...
اضافة رد مع اقتباس
  #12  
قديم 25/01/2006, 02:11 PM
موقوف
تاريخ التسجيل: 25/05/2005
مشاركات: 813
إقتباس
الرسالة الأصلية كتبت بواسطة الهلالي- ابوسارة
سانتوس هذا الفريق الكبير لا يقل شأنا عن الريال والميلان وتشلسي وفارس نجد (( تحسون خاش غلط بقووة ))

هههههههههههههههههههههههههه
ههههههههههههههههههههههههههههههههه

وربي انك خفيف دم يالغااالي

إقتباس
الرسالة الأصلية كتبت بواسطة الهلالي- ابوسارة
شكرا.. من القلب .. الى الرجل الذي أصبح النجم الجماهيري الأبرز .. والرئيس الأمهر : محمد بن فيصل ..

يا رجل من أي عالم أتيت .. قسما بالله أنك ملكت القلوب والعقول .. سحرتنا بطيبتك وبخدمتك لزعيمنا ..

أبو سلطان .. أنت البطولة الاغلى والحلقة الأقوى في عالم هذا الهلال .. كل الشكر منا لك جميعا.



اناااا اشهد وعسى الله لا يحرمنااا منه



إقتباس
الرسالة الأصلية كتبت بواسطة الهلالي- ابوسارة
يقولون الهلاليين أنهم الحين متوهقين بجلسون وين يصرّفونه ؟ وأنا شخصيا أرى أن الأمر جدا بسيط :

فيه نادي حولنا .. الله لايبلاكم .. اسمه النصر .. يستقبل كل ماهب ودب من أجانب الأنديه ..

عنده بلانكو العيناوي وعنده العاهة ليما الاتحادي وقريبا الكسيح جوب


خ خ خ خ خخ خاااااااااااااااااي

<<<<< تسدح من الضحك
_________



مشكووووور يالغاااالي على هالموووضوع المميز

ولا تحرمنا من طلااتك الحلوه


اخووووووووك .. مجنووون الهــ ــلااال
اضافة رد مع اقتباس
  #13  
قديم 25/01/2006, 02:13 PM
زعيــم نشيــط
تاريخ التسجيل: 09/07/2005
المكان: المدينة المنورة -الدمام حالياً
مشاركات: 893
مبـــــــــــــــــــــــــــــــــــــــــدع ياأبــــــــــــو ســـــــــــــــــــــــــــــــــــارة
اضافة رد مع اقتباس
  #14  
قديم 25/01/2006, 02:14 PM
زعيــم مميــز
تاريخ التسجيل: 15/06/2003
المكان: قلب سام6
مشاركات: 1,698
كعادتك راااائع مثل روعة الهدف اللي من قبل شوي


بس أتمنى أن الله يوفق جيوفاني مع الزعيم



أوه نسيت


سلامات صوتك وانت تقول قووووول مبحوح عسى ما شر
اضافة رد مع اقتباس
  #15  
قديم 25/01/2006, 02:14 PM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
إقتباس
حدهم سيفو العملاق

المصارع سيفو اللي قطع شريان الحمدان يوم بغى يمزح معه
إقتباس
..أبوسك منين يا بطه

ههههههههههههههههههههه الله يرجك ياشيخ ماعرفت اوقف ضحك اجل بطه اجل
إقتباس
(( الحق حق .. إذا راح جلسون لهم فهوالأحق بالكابتنيه لأنه أفضلهم ))

صدقت ياابو سارة الحق حق ويحطونه مدرب بعد افضل من يوسف خميس يعني كابتن ومدرب ورجل خط
إقتباس
فيه واحد خبل في السعوديه بيعطيكم اللي تبون من الدراهم

اجل خبل وبطة ههههههههههههههههههههههههه
إقتباس
ايه سمعت ان البلوي في هالأيام الأخيره جاه لوثه في عقله ..
والسبب : انه كان ماسك ثلاثة جوالات وماسك خط اتصالات .. مرة يدق على بيت جوفنتوس يبي اوليفيرا ..
مرة يدق على بركات المصري ..ومرة يدق على مدري مين

البلوي هالاربعة ايام والهلال يدورون محترف ماجاه النوم المسيكين
وفي الاخير طلعت لنا الرياضي وحاطة الصفحة الاولى كلها الهلال يتعاقد مع اوليفيرا يعني انا صايدينكم والهلال متعاقد مع جيوفاني من ثلاثة ايام اجل مسوي تستذيب علينا يابــــــــــطــــــــة
يعطيك العافية اخوي ابو سارة ضحكتنا في الظهرية المباركة



ونذكركم بماكتبة اخوي سلمان بن محمد

ديربي الهبوط

النصر xابها

لاتفوتكم المباراة ومشاهدة ممتعة

ساهم في نشرها

اخر تعديل كان بواسطة » BLUEHUNTER في يوم » 25/01/2006 عند الساعة » 02:37 PM
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube