السلام
ما احب اناقش في مواضيع ما تسمن ولا تغني
بس من انتم عشان تقيمون بيكام ؟
والا حتى تنتقدون
وعلى قولهم الشيوخ ابخص
ابقولك الانقليز ابخص
على فكره ... كابتنية بيكام من المسلمات هنا
يعني محد يتجرأ يناقش ولافيه صحيفه او مدرب قد انتقد الشي هذا
أتمنى تكون المواضيع أكثر فائده وواقعيه
مو بيكام وتسريحة شعره والملعب صغير وما يعرف يسحب
ياليت النقاش يكون ارقى شوي

بيـكهام ورقة رابحه في المنتخـب الانـكليـزي ..

يكفي أن المدرب أريـكسون يحسب له ألف حساب .. ولعشاق الأنجليز أكيد تابعتم المباريات التأهيليه لكأس العالم وألي تأهل فيها الانجليز في اللحظات الأخيره .. كان بيكهام الورقة الاولى في المنتخب .. يلعب في أكثـر من مركز وينجح فيه تماماً .. وقـد ذكر اريكسون بأنه يفضـل بيكهام دائـماً لقدرته على المشاركة في أكـثر من مركز .. ( ويعود الفضل لمشاركته مع الريال مدريد )


دائـماً بيكاهم يتألق مع المنتخب في كل مباراة أشاهده يلعب فيها .. بعكس مباريات الريـال .. فالإبداع متفاوت .. لكن هالموسم أعتبـره الأفضل لبيكهام مع الريال بدون شـك ( بحكم متابعتي لريال مدريد ولبيكاهم منذ سنوات لعبه في المان يونايتيد )


الموسم الماضي كلكم شفتوا مباراة ريال والبارشا ألي كانت في البرنباو .. مايحتاج أتـكلم عن إبداع بيكهام الخارق في تـلك المباراة ..


أما بخصوص عارض أزياء ,, قصات ,, عـطورات ,, إعلانات .. فهـذي حرية شخصية ,, اللاعب يقدم المطلوب على أرض الملعب هو المهم .. أما التدخلات في شؤون اللاعب الخاصة فهذي هي ألي تسبب تراجع مستوياته بعض الأحيان ..

يعني أتركوا اللقافة حـول حياته الشخصية ..فإحنا مو مجبريـن نعرف أخر عروضه أو عطوراته ألـــخ ..

يكفي أن زيـدان قبل سنتين قال بأن بيكهام جيـد جداً ويفيـد الفريق والأهم يفيـد منتخب بلاده ,, وحاليــاً سيسيـنهو الداهيـه مُعجب ببيـكهام وقال بأنه يرتاح ويشعر بالثقة لما يلعب بجوار بيكهام ,, ناهيـك عن روبرتوكارلوس وعلاقته مـع بيكهام وووووو ..


بيكهام مستقر ومُبدع مـع الريال .. لكن بعض التـدخلات واللقافة في حياته الخاصة .. لازم تأثر على عطائـه ..


هـذا زيـزو .. بدأ أخيراً يبدع .. وحصل الشي هذا لما قل الكلام حول زيـدان وبدأ يشعر بالراحه والهدوء النفسي ..



خلاصة الكـلام .. بيكهام هو روووح المنتخب الانجليزي وصعبة أشوف انجلترا بدون الفـتى الأول ..

بيكهام هو الأنسب ويستحق كقائد انجلترا

والله انك صادق هالبنيه ياكرهي له


انا اقول روني وبـــــــس

يعني حقيقة أمر هذا اللاعب غريب يعني كيف أفضل لاعب بالريال ابي أفهم الريال ما جاته الصحوة البطيئة الا مؤخراً
و كل هذا بجهود اللاعبين على رأسهم زيدان وروبينهو و روبرتو كارلوس أفضل لاعبي الريال ... بمجرد هدف بالمباراة
الأخيرة للريال قلت ان بيكام فوزنا ... مع احترامي (( يخسي يكون يفوز الريال بوجود لاعبين أفضل منه وهو لا يغني
ولا يسمن " للأسف لاعب خدعه الاعلام وخدعكم .. أتمنى يشترون خواكين .. او لاعب آخر لأنه كراته دايم تنقطع
يا جماعة وشلون تقتنعون و تقولون أفضل لاعب أفضل لاعب نعم يوم كان مع المان كما ذكرت لكن للأسف لاعب
لا يمكن وصفه سوى بالصفقة الفاشلة معنوياً .. الله يعينكم عبى النحس يا ريال

يكفي إن بيكهام لعب في أفضل ناديين في العالم
المان والريال

بيكهام ما يستاهل يكون الكابتن ؟؟؟
حرام عليك يا شيخ وش ذا الكلام بيكهام لاعب مقاتل بالملعب ويبذل كل الي بوسعه علشان يفوز ويرضي الجماهير وأنت تقول ما يستاهل يقود الأنجليز صحيح ان الأسماء الي ذكرتها أسماء قويه لكن بيكهام هو الأجدر بلا منازع أنه يكون كابتن الأسود ...
ومشكور أخوي على موضوعك ...

[align=center]

إقتباس:

الريال ما جاته الصحوة البطيئة الا مؤخراً و كل هذا بجهود اللاعبين على رأسهم زيدان وروبينهو و روبرتو كارلوس أفضل لاعبي الريال ... بمجرد هدف بالمباراة الأخيرة للريال قلت ان بيكام فوزنا

!!!!!!!!!
قاعد تتكلم من جد ؟ يعني انت تنكر جهود بيكهام في الريال !
تنكر انه ماقدم للفريق اي شي يذكر في هذا الموسم ! ,
مع اني اغلب مباريات الريال شفتها , بيكهام كان من ابرز اللاعبين ,
شي يحير :confused:
[/align]

أخي العزيز " آه يا البلوز " أنا مدريدي وولدت مدريدي للنخاع .. لكن يا عزيزي خلني أذكر لك محاسن بيكهام

التسديدات : 9 على 10

عرضيات : 10 على 10

والشيء المطلوب للاعب في الملعب أهم شيء ..

هل اللاعب يقاتل في الملعب " أتكلم الآن و هو في الريال ليس مع المان " ؟

أنا أعترف انه لاعب ممتاز في مانشستر والأولد ترافورد .. حتى بالعكس كان جيجز و سكولز و كين بالفعل
ماكلين جوه باللعب لكن في الإعلام ما شاء الله عليه .. تخيل بيكام مو وسيم ولا تزوج حقت السبايس
يعني زي حالة خويه أبو علوص " بول سكولز " (( اللهم لك الحمد )) أعتبره من أفضل المحاور التي مرت على المان
تخيل يكون بدل بيكهام .. هل بيكام راح يبرز أكيد لا .. كثير من الناس تقول لي ياخي انت تجحف حق بيكام

لكن انا أقول و برأيي المتواضع لاعب لم ينفع الريال إلا من النواحي المادية ..

و الله لو أنا مدرب الريال و رئيس الريال والله راح اخلي بيكام أساسي ويلعب أو ما يلعب لكن أبي فلوس ياخي
صح ولا لا ؟ أستفيد منه ....

لكن إذا أي مدريدي يقدر يجاوب من أفضل حالياً في الريال اللاعب الفنان ديوجو الأوروجواني اللي ما تعطى الفرصة
له ليشارك اساسياً . وإذا شارك شوفوا البلاوي اللي تصير والله ما انكرها لوكسمبورجو ، لوبيز كارو ، وغيرهم
ما أتوقع انهم بيون بيكام أساسي لكن مطلب الرئيس والأعضاء لإستمرارية الدعاية .. وشوفوا كيف الميزانية الحين ؟؟

بيكهام هو اللي يستاهلها

شكراً لكل من رد ووافقني الرد , أو خالفني الرأي
وكما قال أحد الاخوان : الاختلاف في الرأي لايفسد للود قضية
...
تحياتي

ايش سوولك البريطانيين ؟
والله احسن ناس ومافيهم كلام ...
وبعدين وشو عارضة ازياء ومدري ايش ... هذا الاعب كبيير وفي انجلترا لو تتجرا وتقول هالكلام عنه فراحت عليك .. وهوو لاعب له مكانته في المنتخب الأنجليزي وانخفاض مستواه هو لنه يتعرض للكثير من الضغط ومايلعب مرتاح .. كلنا شفناه كيف كان مع المان بس من يوم بدء اعلانات وجزم وعطور اختفا !

مع اني مااحب ذا اللاعب ...

الا اني وبكل صراحه معاك في رأيك :yes:

أعتـقد بيكاهم شاف هالمـوضوع وحب يـرد على منتقديـه في المباراة الأخيره ضد بيتيـس !!

شفتوا الإبداع كيف ؟؟ حتى يوسف سيـف تفاجئ بالإبداع أي ظـهر عليه بيكـس ..

أفضل لاعب في تلك المباراة بدون منازع .. ولاعزاء للحقادين

بيكهام الاجدر