بلا النمسا بلا خرابيـــــــــــــط !! - نادي الهلال السعودي - شبكة الزعيم

هلالي الى آخر قطره · #1 22/01/2006, 12:58 AM

مرحبا يا زعمــــــــــــــــــــــــاء

بصراحه حاب اهمس في اذن الصويلح . بليز احمد بلا نمسا بلا خرابيط خلك في الريـــــــــاض اصرف لك وش تبي فيهم

انت هالحين لاعب مهم في الهلال ومن فتره يعني مو بعد مباراة الاتفاق الأخيره !!!

وبصراحه اشوف الهلال محتاج لك . خاصه بعد ما شافك كاندنيو في مباراتك الأخيره واللي عرفته انه ارتاح منك

والحقيقه احنا كجمهور مرتاحيين منك مع انك لاعب الخمس دقايق .اللي برمجك عليها باكيتا . ومع هذا تبدع وتسجل

وتربك الخصم !

بصراحه اتمنى انك تعطى الفرصه الكامله بالهلال اللي ان شاء الله بيعوضك عن الفريق النمسااااااااااوي

وأن حسيت انك بتسوي شي بالنمسا يالله وش تحتري ادعـــــــــــس !!

تحياتي لك ولكل الهلاليين المخلصيين وعلى رأسهم سمو الأمير محمد بن فيصل الله يطول بعمره ويحفظه

khalid999 · #2 22/01/2006, 01:01 AM

شكلك ماقريت جرايد اليوم اش يقول كاندينيويقول الصويلح وجوده في الفتره الحاليه ضروري ولن يذهب للنمساوبعوضونه ماديا

عاشـــــــ سامي ـــق · #3 22/01/2006, 01:03 AM

والله محتاااارين !

ودنا يحترف لـ [ الاحتراف ] ..

وودنا يجلس لحاجتنا الكبيرهـ له ..
خصوصا بعد ذهاب ياسر و العنبر ..

اعتقاد شخصي و خااااااااص .. سيكون في المانيا

هلالي الى آخر قطره · #4 22/01/2006, 01:30 AM

يعطيكم العااااااااااااااافيه على المرور

الحقيقه فعلا ماقريت جرايد اخوي خالد

وبالنسبه لأخوي عاشق سامي كلنا ودنا انه يحترف على قولك للأحتراف بس نبيبه يبدع !!

احترفو طيبيين الذكر سامي والغشيان بس هل ابدعو بالشكل المطلوب !!!!!

هذا السؤال !!

والله لايهيينكم على المرور

وتحياتي للزعماء الزرق

إبراهيم بن حسن · #5 22/01/2006, 01:32 AM

الصويلح

لو يفتك من اضاعة الفرص ويركز في تسديداته

لأصبح الا ول من دون منازع

صقر فيصل · #6 22/01/2006, 01:44 AM

والله أنا صراحة أفضل ذهاب الصويلح للنمسا
كذا يكتسب خبرة ويرفع راس السعوديون ويكون ان شالله باكورة الاحتراف الخارجي للاعبين السعوديين

هلالي توب · #7 22/01/2006, 02:19 AM

كل الحب والتقدير للكابتن المبدع والحاسم ((الصويلح))

لكن المصلحه اكبر ماتكون فقط مقتضيه على الماده

القصد من احترافه هو اضافه شي جديد له من حيث الاحتكاك ووو الخ

وايضا رسم صوره جميله لبقية الاعبين السعوديين

مشكوور اخووي

دحومي1 · #8 22/01/2006, 02:38 AM

خلوه يحترف

هلالي المحبة · #9 22/01/2006, 03:36 AM

وانا معهم بلا نمسا بلا خرابيط

خلك جنب ابوك وامك احسن لك

ههههههههه

عــ التمياط ــاشق · #10 22/01/2006, 03:39 AM

إقتباس

الرسالة الأصلية كتبت بواسطة abo sager


	والله أنا صراحة أفضل ذهاب الصويلح للنمسا كذا يكتسب خبرة ويرفع راس السعوديون ويكون ان شالله باكورة الاحتراف الخارجي للاعبين السعوديين

البديري 99 · #11 22/01/2006, 03:54 AM

ياشباب خلو الرجال يشوف مستقبله وبعدين الهلال برجاله لا خوف عليه وأنا أئيد الصويلح للإحتراف في الخارج

لتعم الفائدة للمنتخب والزعيم وتراها كلها سنه وجاي ان شاء الله مثل سامي يوم احتراف في إنكلترا وكان عمره

يوم راح زي عمرالصويلح الحين استفادالمنتخب واستفاد الهلال وسامي صنع المجد للهلال

البديري 99

هلالـ9ـي · #12 22/01/2006, 04:03 AM

لاتعليق

سعيدالقحطاني · #13 22/01/2006, 04:05 AM

نحنوفى حاجته فى الوقت الحالى

شوق 18 · #14 22/01/2006, 04:08 AM

والله على قولتك بلا نمسا بلا خرابيط
يجلس ويستفيد منه النادي بين اهله وربعه احسن له
وبعد ودنا يحترف برا ويكون ثالث لاعب هلالي محترف
وسواء راح والا جلس الله يوفقه

&هلالي صميم& · #15 22/01/2006, 04:13 AM

عشقا للهلال يخلينا ما نقدر نفرط في لاعب مهم زي الصويلح

لكن بعض الاعضاء يردون ردود ملها داعي زي اللي يقولون اننا نحتاج احمد بسبب غياب ياسر والعنبر

ليه يعني اذا رجعوا الشباب من المنتخب ودهم يرجع احمد لدكة الاحتياط احمد بالنسبة لي ودي يكون اساسي دائما في وجود ياسر والعنبر

والقرار يرجع اولا واخيرا لاحمد نفسه اللي متأكد ان عشقه للهلال فوق كل شي عنده وربنا يقدم اللي فيه الخير