نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   ماحدث قبل وأثناء وبعد مباراة الهلال والإتفاق (http://vb.alhilal.com/t271627.html)

هلالي أصلي 21/01/2006 11:05 AM

ماحدث قبل وأثناء وبعد مباراة الهلال والإتفاق
 
السلام عليكم
أولا مبروك الصدارة وهاردلك التعادل الي يستحقه الهلال بمستواه هذا..!!
بتحدث لكم بنقاط عن الي حدث قبل وأثناء وبعد المباراة وبدخلكم بالجو كأنكم بالملعب:
1-انطلقت من البيت الساعة 7إلا ربع وأنا أحسب المباراة الساعة 7 دقيت على خويي قلتله بتجي المباراة قال ايه وبالأخير ماجا ودقيت على خويي الثاني وهو أهلاوي هلالي وجا المباراة وكان رابط لفاف الأهلي وفوقه لفاف الهلال
2-وصلت لم الملعب قطعت تذكرة ودخلت داخل المشكلة اني دخلت من جهة جمهور الإتفاق وأحسب فيه باب فاصل أقدر أدخل منه عند جمهور الهلال رحت ادور بالشبك الباب مالقيت قلت بلف لفة كاملة وأروح لجهة جمهور الهلال وأنا طالع إلا يقولي واحد اتفاقي هاردلك الخسارة من أحين قلتله وأنا أبتسم هاردلك الهبوط من أحين وطلعت
3-وصلت جهة جمهور الهلال رحت عند الرابطة وشفت حقوي وحمادة كان جنبي والله حمادة رهيييييييييب ياناس أحين قبل المباراة واللاعبين يتدربون جاء كندينو مر من المضمار والجمهور يحييه ويصفق له قال حمادة من هذا قلتله هذا لقاط الكورقال بالله عليك قلت لا هذا المدرب الجديد كندينو قال أهاا وخليته يضبط اسمه وضبطه بعد ساعة
4-طلع اللاعبين بعد التحمية شوي إلا يتصل علي واحد من القصيم عضو بالشبكة كان يبيني أعلمه بالنتيجة أول بأول يوم اتصل إلا ودخل اللاعبين وماسمعته وقلتله اللاعبين دخلو دخلو وأقفل وأصفق للاعبين وواحد من الجمهور رمى مفرقعة داخل الملعب جات على رج الياس والرابطة جايبين اللفاف الرول
5-حقوي عصصصصب على الي يطقون الطبول بس العضو قلب الشلهوب كان يهديه
6-أدق على خويي الأهلاوي يقول هذاني بالطريق وجاي مفرقعات معي وكنا متفقين نجيب الدخان بس هو ماجابه والي يبي الدخان الأحمر يروح عند أي محل حق الصيد فيه هناك
7-بدت الرابطة تشتغل وأشوف خويي من بعيد دخل الملعب وسلم على واحد رحتله ورحنا عند الرابطة قعدنا نشجع وواحد الله يستر عليه شكل فيه زيران الكل شافه وأنا صورته بالجوال والله عليه رقص تبي تضحك بس شوفه وقلت لخويي عطني من الي معك وأولعها أبي الجمهور يتحمس وأرميها عالمضمار والأمن يطالعون بالجمهور يمين يسار وحنا ناويين على واحد من الأمن
8-كان المستوى بايخ بالشوط الأول
9-شوفو يا اخوان المفرقعة ذي مدري انتوا تسمونها طرطيعة ولا قنبلة ولا أي شي بس الي الكل يعرفه مفرقعة بمسيها كذا أخذ خويي هالمفرقعة ورمينها على المضمار ويلتفتون الأمن ونضحك
10-الي قلتلكم عنه في زيران كان فيه شباب تحت يقولون له ارقص ويضحكون عليه ويربطون الشال على بطنه راح واحد من المجلس ذاك الأسمر الشايب ناسي اسمه والله فالح بن علي أو علي بن فالح راح سحبه طلعه من الملعب شكوا فيه زيران استنزل(الشاب) وطلعه من الملعب على ما أظن خمس دقايق إلا رجع ويرقص
11-حصلت مشكلة بين اللاعبين والجمهور ينادي الجمعان
12-جمهور هلالي موجود بجهة جمهور الإتفاق
13-انتهى الشوط الأول طلعنا من الملعب وأنا كنت أبي عصا للعلم رحت اشتريت واحد جديد وأعطي العلم الي معي لخويي وحنا نمشي سيارة الدوريات تمشي على الرصيف وينادينا واحد قال ارم العصا قلتله ابشر وأرميها بس أدور اللفاف ألاقيه طايح على الأرض عند الدورية قلتله ليه ماقلتلي آخذ اللفاف قلتله انت شكلك نصراوي قال لا أنا مب رياضي قلتله أحسن لك
14-شفت حقوي مع حمادة وسلمت عليهم وسولفت مع حقوي وعرفني من المنتدى وكلمت حمادة قالي مب انت الي كلمتك ببداية المباراة قلتله لا وبدأ يحك راسه
15-دخلنا الملعب بدأ الشوط الثاني قمنا نشجع ورمينا المفرقعة مع بداية المباراة
16-فيه أربع شباب 2 لابسين قناع وواحد الي فيه زيران وواحد رابع قاموا يرقصون تحت ويركضون بالممر جاء واحد منهم وتعلق على الشبك ويأشر لواحد من الأمن على أساس انه معجب فيه ورجل الأمن حاااااقد وحنا نضحك ورجل الأمن مايسوي شي
17- بختصر وش صار بعد جا هدف الإتفاق والجمهور الإتفاقي من جن ويأشر لنا ونأشر لهم جا هدف الهلال وطرطع جمهور الإتفاق ونأشر عليهم ياكلك وهم انقهروا
18-احتفل الجمهور خارج الملعب
هذا الي عندي أتمنى دخلتكم بالجو..!!
سلااام

هلالي من ارض اليمن 21/01/2006 11:35 AM

يعطيك العافيه يا هلالي أصلي

وشكرا على أجواء المباراه

مجــ هلالي ــنون 21/01/2006 11:49 AM

تفصيل و تحليل رائع

ألف شكر لك


و أحلى شئ لما استنزل الشايب خخخخخخخخخخخخخخخخخخ

و لما حمادة يحك راسه هههههههههههههههههههههههههههههههههه


10000000000000شكر لك حبيبي

هلالي أصلي 21/01/2006 12:10 PM

مشكورين على الرد

ازرق+ابيض=زعيم الكل 21/01/2006 12:20 PM

مشكور على الاجواء
لكن منهو حماده

هلالي توب 21/01/2006 12:26 PM

الله يعطيك العافييييييييه على نقل اجوااااااااء المباراة

وماقصروا جمهور الشرقيه دائما مبدعيييين

بالتووفيق للزعيم في المباريات القادمه

هلال؟ 21/01/2006 12:46 PM

يعطيك العافيه يا هلالي أصلي

هلالي للغااايه 21/01/2006 01:14 PM

تصدق كني جالس معكم هههههههههههههههههههههههه
يعطيك العافيه وماقصرت

angel on earth 21/01/2006 01:18 PM

يعطيك العافيه يا هلالي أصلي

وشكرا على أجواء المباراه

ادريانوا الهلال 21/01/2006 01:26 PM

مشكووووووور ويعطيك العافية
بس انك ترمي طرطيعه هذي كثر منها

سابي النظر 21/01/2006 01:51 PM

شكرا أخوي على الوصف الرائع للاحداث ...

وخر عني 21/01/2006 04:55 PM

شفته اللي رابط على راسه شعار الاهلي والهلال يوم دخل الملعب قلت انا عيني عليه بارده

واللي يرقص الشاب اي واحد يقوله ارقص يرقص

xxGOALxx 21/01/2006 06:26 PM

لاحول ولاقوة الا بالله

بأي حق تؤذي خلق الله

بأي حق ترمي المفرقعات

هم يهود أم أعداء الله

هل هي حرب أم سهرة كروية

قليل من الوعي ياجمهورنا الكريم !!

لاتطالبونا بالحضور مادام هناك حروب ومعارك تدار في الملاعب

اتمنى أن نجد حل لهذه الظاهره الغير إنسانية

ومتى ما إندثرت هذه الظاهر -- فلكم الحق في معاتبة الجمهور الواعي بعدم الحضور

الـــوردة الزرقاء 21/01/2006 06:27 PM

مشكور صدق دخلتني في جو المباراه............واشكركم ياجمهور الشرقيه على حضوركم الرووووووعه

aljar7_هلالي 21/01/2006 06:31 PM

مشكوووووووووووووووووووووووووور


الوقت المعتمد في المنتدى بتوقيت جرينتش +3.
الوقت الان » 06:16 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd