صراحة ... ماني مرتاح لكندينو !!
 

السلام عليكم ورحمة الله


كثر الكلام عن كندينو والكثيرين مبهورين به ..... ويقولون .. عنه كلام كثير ......


بس أنا تابعته مع الهلال فترتين سابقتين كان للهلاليين عليه مآخذ كثيرة ... وخططه الفنية كانت مكشوفة .. ومدري بس أنا ماني مرتاااح للتعاقد معه وأعتقد أن المدربين المعروفين والصاعدين أفضل من المدربين اللي تشبعوا كرة وبطولات .. وماعاد عندهم جديد يقدمونه .... وسلامتكم .

بالعكس المدرب جيد وممتاز وممكن يساعد اللاعبين نفسياً

لا أتوقع المدرب متتاز وإنشاء الله يقدم مايشفع له مع الهلال وإنشاءالله يساعد اللاعبين نفسياً وفنياً

الحين الرجال وقعنا معه وجا وانت تقول منيب مرتاح .
ماقووووووووول الا جعلك ما ارتحت .

لا بالعكس انا اول من طالب به واتمنى له التوفيق مع الهلال

الاعب ان شاء الله ممتاز وبيعجبكم ان شاء الله وشكرا على اهتمامك

اصحاب مواضيع خالف تعرف : )
الكل يعرف تاريخ كاندينو مع الهلال ولكن صاحب الموضوع يبي يقول شوفوني بس ; )

هذا واللة التحطيم من أولها

يا خوي نحتاج دعم كل هلالي بالذات في ها لفترة وخل الانتقاد السنة الجاية

اللة يرحم والديكم اكتبوا مواضيع محفزة للاعبين والمدرب والادارة

واتركو التشكيك والخوف

اتمنى صادقاً ان ندعم هذا المدرب معنوياً الان فعلى قول المثل

(خشمك منك..........................) اكمل الفراغ>>>>>>ايش رايكم في المثل

فحتى لو انه ليس المدرب الناجح فارجو ان ندعمة وان نقف معه لانه الخيار الوحدي الان

ومن هنا لاخر الموسم يحلها الحلال

لكن اتمنا ان نستفيد على الاقل مما نملكه

وهو المساندة فهذا المدرب هو الحل الاخير هذا الموسم فأرجو رجاء خاص

ان نهيئى له الجو النفسي المناسب لاننا اخترنا وخلاص

لك الشكر ياعزيزي

ياخوي العوض ولا القطيعة.....خلاص البطولات قربت والدوري احتمى,,,مو وقته هالكلام.

يا خوفي من المدعو ( كندينو ) على هلال البطولات

من انت حتى تكون مرتاح له والا مانت مرتاح
لايكون ماريو زاجالو وحنى محنى دارين

توه جاي الحين
خلوووووه يلعب لو كم مباراة بعدين قولوا اللي تبون

ما اقول الى الله يوفق الزعيم

السلام عليكم

هدوا أعصابكم ياجماعة .....

وماقصدته كان :

--- البحث عن جديد وإذا كان لابد من مدرب يعرف للأندية السعودية فأعتقد الوطنيين فيهم البركة ...

--- ماكتبته كان شعوري أنا كمشجع هلالي ....... تفائلت بصفقة باكيتا اللي كان فيها تجديد ... والمفروض أن لانرجع للوراء لأن ماهو الهلال اللي ياخذ مدربين مكررين فمعروف عن الهلال أنه صانع المدربين وموصلهم للمنتخبات ....ومدرب جديد على شاكلة باكيتا ( رغم تاريخه في البرازيل .. لكن في المنطقة جديد ) ..كان ودي يكون مدرب جديد وربما نجد العذر للإدارة الهلالية في ضيق الوقت .....وأنا أقول برضه .. أنه ماهو الهلال اللي يكرر نفسه وخلاص خلصنا من أوسكار وكندينو ومن على شاكلته من المدربين اللي عششوا في المنطقة كماتشاللا وغيره ... الهلال لازم تكون آفاقه أوسع وحتى ماريو زاجالو اللي قال عليه بعض الإخوة ماهو مطلب للهلال رغم أنه يدرب البرازيل .....

--- أنا أذكر جيدا الإنتقادات الخططية وتزمته في بعض الآراء وقيل أيضا عن محاربته لبعض النجوم وغيره .. أرجو أن أكون مخطئاً ....


--- ماطالبت أبداً بعدم دعمه مادام جاء.....لابد من الوقوف معه ومحاسبته أيضاً


--- كل التوفيق للهلال الزعيم وإن شاء اللهع من حسن إلى أحسن وكما قلت ...... الهلال مايبي له مدرب ... لعيبته أحسن من أعتى مدرب


وسلامتكم ....