|
النصر لمكتب العمل والهلال للحقوق السلام نادي النصر يراى ان له الحق في الذهاب الى مكتب العمل والعمال لحماية حقوقه ......واذا نحن راينا ان هذا من حقه جدلا فإن للهلال قضايا ومع النصر خاصة اهملها المسؤلين الهلاليين ولااحد يعرف ماهي الأسباب لهذا البرود والإهمال لحقوق النادي وعلى سبيل المثال لماذا الهلال لم يصعد قضية مصطفى ادريس مع سامي الجابر مع انه لو قورنت القضيتين لوجدنا ان قضية سامي يوجد بها جريمه وهي قضيه لو تم تصعيدها لانتهت لصالح الهلال دون جدال والقضيه الثانيه قضية اللاعب فهد الغشيان الا يحق للهلال ان يشتكي الى الحقوق المدنيه وهي الجهه التي تتكفل باستخراج الفلوس من جاحديها ------- حقيقة لاادري لااعلم ماهي الأسباب التي نجعل الهلال يطنش حقوقه الواضحه مع ان غيره يعمل من الحبه قبه ويضخم قضايا مع انها اعرف العارفين انها خسرانه منذ البدايه الحريف |
أخي / الحريف........ يبدو أن المسئولين الهلاليين لا يريدون الدخول مع الجهله و(الأميين) في مهاترات ونزاعات وأكتفوا (بالتطنيش ) عسى أن يعرف الجاهل جهله وحماقته ولكن مافيه أمل في وجود أبو الخرافات والتخلف :D :D تحياتي لك ............. |
ياخوي يالحريف دايم الهلالين مايتحركون لقضاياهم ليه مدري هل هي مثاليه زايده او مدري وش السبب؟؟ بعدين وش ترجي ماتحركوا لوقف الايقاف عن يوسف تبيهم يلجلجون على شان مدرب !!!!صدق شيء ماندري كجمهور وش تفسيره؟؟؟:confused: :eek: |
أناكنت متصور إن النصراويين بعد تعاقد الهلال مع آرثر جورج ( لاقامت ولاقعدت ) أثاري الربع ( مولعين ضو ) خصوصاً بعد ما قرأت المقابلة لرئيسهم في الجزيرة يوم الخميس وأثاري ربعنا مهوب سهلين إذا بغوا يحرقون ( قلبه ) حرقوه ومزعوه بعد . |
أخي الحريف: الهلال معروف بالقمه في الاخلاق بس انا معاك ليش مايرفعون بعض القضايامثل قضيه قليل الخاتمه الغشيان او غيرهافشي اذا زاد عن حده ينقلب ضده اما النثثثثثثثثثر فصك ال50سنه شكله ساري المفعول في قضيه أرثر;) ;) ;) ;) ;) |
صحيح ان ادارة الهلال مثالية وهذا شي راجع لها لكن المثالية مع النصر ما تنفع لانهم ما يستاهلون http://www.mohammed-abdu.com/picture...ow_on_3ood.jpg |
اخي الحريف السلام عليكم ورحمة الله وبركاته الحين أنت تطالب الهلاليين بأن يطالبوا بحقوقهم من النصراوين وتطرقت لقضية مصطفى مع سامي وكذلك مبلغ انتقال الغشيان اخي الكريم / الهلاليين تعودنا منهم السكوت عن حقوق اكبر بكثير من هاتان القضيتان فالهلاليين سكتو عن من قال عن فريقهم العقيم الهلالييون سكتو عن تخبطات الاتحاد الاسيوي والذي عمل بالهلال الافاعيل فكل القارات منحت لقب فريق القرن لاحد فرق القارة ولم يفعل الاتحاد الاسيوي حتى خراب مالطه الهلاليين سكتو عن ايقاف الكاتو والثنيان رغم انه ظلم واضح من الاتحاد الاسيوي الهلالييون سكتو عن ظالم الاتحاد السعودي للهلال ووقوفه الدائم مع فريق النصر وعاش الغالي ولد الغالي اخي الحريف اشكر لك طرحك لهذا الموضوع ولكن لقد اسمعت لو ناديت حيا ولكن لاحياة لمن تنادي فالهلاليين لن يطالبو بحقوق سكتو عن اكبر منها |
اي والله ما ادري سبب ركوود الهلاليين |
السلام اخوي العزيز ابوذكرى نحن لانؤيدهم بالدخول في المهاترات ولكن ماحد يرضى حقه يؤكل وهو يشوف اخوي نايف والله انا مثلك مادري هي مثاليه ولا ؟؟؟؟؟؟؟؟؟؟؟؟؟؟؟؟؟؟؟؟؟؟ اخوي رحمانوف نعم ياخوي مولعين وشابين جعلهم مايبردون وعلى فكره توقيعك حلو وهو صحيح 100% اخوي خيال الهلال والله انك صدقت الغشيان قليل خاتمه اخوي صمام الأمان نعم صدقت المثاليه لاتنفع مع هالأشكال اخوي محمد المصربي كلام جميل وطيب وحقيقي ولكن ماهو الحل ؟؟؟؟؟؟؟؟؟؟؟؟؟؟؟ الحريف |
السلام عزيزي الغالي الشايب فهد آسف طال عمرك لم ارى ردك والظاهر اننا ردينا في وقت واحد وسؤالك هذا هو الشئ الذي يتمنى جميع جماهير الزعيم سماع اجابته من احد المسؤلين الهلاليين الحريف |
والله يا اخوي الحريف ما فيه الا حل واحد وهو انا نستسخ لنا نسختين مثل ابو خالد نسخة نخزنها في كمبيوتر الاتحاد السعودي والثانية في كمبيوتر الاتحاد الاسيوي |
السلام هاه هاه هاها هاه حلو ذا الحل ياستاذ محمد بس صدقني لو يتم الإستنساخ على حسب رايك بمجرد ان يطغي حب الهلال عليه ويجري في عروقه سبحان الله ينقلب الى وديع ومسالم وحبيب ومضيع لحقوقه لكن مانقول الا الشكو لله سلام الحريف |
اخوانى الهلالين واللة مازاد حبى ولاذبحنى فى الهلال الا طيبتة.....جبل لاينظر للاسفل دائما... |
أخي الحريف الدعوة لوكانت نادي النصر ومهابيله كان تهون المشكلة في أعضاء الشرف الهلاليين أولاً والاتحاد السعودي ثانياً :confused: |
أخوي الحرّيف ............. طيّب الله أوقاتك . أضم صوتي لصوت الأخ أبو ذكرى .... ماذا جنو غير الخزي و( الفشيلة ) وربعنا أكيد يطبقون قول الشاعر : إذا أنت لم تعرض عن ( الجهل ) والخنى ** أصبت حليما أو أصابك جاهل وهم خايفين من الثانية ..... والا وش رايك .;) |
تطنيش الجاهل مهم والحقران يقطع المصران |
أخوي الغالي (الحريف) هذا النثر الطفل المدلل . يتخطى المراجع على كيفه :) وش تبيهم يقولون له نشروا تعميم وبس . لو أنه الهلال كان قامت القيامة ومنع الهلال من اللعب لمدة سنتين . و الأتحاد الآسيوي يصدر قرار أن نادي الهلال تخطى المراجع لذلك يتم وقفه عن اللعب في الاتحاد الآسيوي و يمنع من المشاركة في كأس العالم. يعجبني موقف إدارة الهلال (إذا خاطبكم السفهاء فقولوا سلاما) |
السلام السلام اخوي الهلال غير والله انك صادق اخوي مستشار كلهم خطرين والشكوى لله عزيزي جدار الطين والله الحكمه مطلوبه لكن وش تسوي لواحد مايرضى الا بزوال نعمتك اخوي جار الفمر عجزنا وحنا نطنش بالغالي الغالي mksa ولماذا ولحساب من يتم النفرقه بين اندية الوطن الحريف |
أخي الحريف وباقي الأخوان السلام عليكم ورحمة الله وبركاته هذه أول مشاركة لي في منتدى الزعيم الغالي على قلوبنا جميعا أحب أن أعلق على الموضوع بأن الزعيم إدارة ولاعبين وجمهور لا ينزلون إلى سفاسف الأمور والنصر وإدارته من سفاسف الأمور ، وأنت قلت أن قضيتهم مع مكتب العمل خسرانه فكيف تبي إدارة الهلال تدخل معهم في قضية أخرى مع الحقوق بشأن موضوع الغشيان وهي أيضا قضية خسرانه أما قضايا الهلال الأخرى مع الإتحاد الأسيوي فأنا مع الجميع المفترض من إدارة الهلال المثالية أن تدع المثالية في هذا الموضوع وتطالب بحقوقها وإن سكتوا فإن القادم أعظم من هذا الإتحاد المفلس وسلامتكم . |
ياجماعه أنا عندي فيزه أبغى أجيب عامل دلوني وين أروح؟ أكيد بتقولون رح لرعاية الشباب لأن الطاسه ضايعه بس نسيتو شي إني هلالي والهلالي..يعرف وش يسوي مايحتاج له مستشار كديش...قصدي ..دويش |
السلام اخوي الزعيم 2000 يشرفني ان يكون الرد على موضوعي اول مشاركه لك شكرا لك ولكن حتى نضمن حقوقنا يجب التعامل معهم بطريقتهم اخوي أبومشعل 2001 حلووووووووووووووووووووووووووووووووووووه دويش = كديش الحريف |
| الوقت المعتمد في المنتدى بتوقيت جرينتش +3.
الوقت الان » 09:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd