قصة سامي يوم مباراة المنتخب مع اوزباكستان ..... - نادي الهلال السعودي - شبكة الزعيم

هلالي من يومه صغير · #1 21/01/2006, 01:40 AM

السلام عليكم جميعا .....
هذي القصة احكيها لكم بعد مرور وقت كبير من تأهل منتخبنا لكأس العالم لكن ما عرفتها الا قريب من احد الاعبين في المنتخب وهو لاعب توه منضم للمنتخب المهم كنت جالس في احد المجالس وكان موجود هذا اللاعب وحبيت اسأله عن وضعهم ايام الفوز والتأهل وعن شعورهم المهم تكلم ولكن اللي اثارني نقطه مهمه بعد ما خلص من كلامه قلتله طيب وش كان دور سامي معاكم هل كان قائد فعلي ويستهال القياده .... قالي تبيني اكون صريح معاك .... صار موقف قبل ما تبدا المباراة وحنا في الملعب فجا سامي عندي قال هاه كيف وضعك جاهز ؟!! قلتله ايه الحمد لله ولا خايف من شي بعدين راح لياسر القحطاني قال هاه ياسر كيف وضعك قال والله ياسامي اني خايف من هالجمهور ومرتبك ناظر فيه سامي وقال يا ياسر شفت هالجمهور وهالناس اللي في المنصه وكل اللي هنا .؟! قال : ايه ... قاله سامي :: لايهمونك كثر ( وبعدين مسك الشعار اللي على فانيلة ياسر حق المنتخب ) لايهمونك كثر خوفك من رفع هاشعار ولاتخاف منهم اذا تبي تخاف على شي اعرف ان وراك هالشعار يقول ياسر القحطاني عقبها رفع معنوياتي ولا اهتميت وفكرت بكلامه زين وعرفت ليش وصل سامي لها المنزله ....
وشكر لكم ...

عزوز الهلااالي · #2 21/01/2006, 01:45 AM

الكبير كبير

قلب تابوت الهلال · #3 21/01/2006, 01:53 AM

ذيبان ..

سامي 9 ياسر 20

الله يحفظهم لهلالنا الغالي ..

المستبد · #4 21/01/2006, 01:59 AM

اااااااااه ياسامي كل صفات العظاء تجمعت فيك .
ياخييييييي خف علينا حاول تخلي محبتك بقلوبنا تخف على الاقل شوي تراك اكلت الاخضر واليابس .
من الحين بقولها الله يعيننا يوم اعتزالك ...... هو صحيح عالم الره سيفتقدك .
ااااااه ثم اااااااااه .

الاماكن كلها لك · #5 21/01/2006, 02:01 AM

عزيزي اذا كلامك صحيح ومعذره ماهو تشكيك فيه بس

ما هو شي جديد على سامي
هذا هو سامي الجابر

الله يخليه لعين ترجيه

راعدالصوت · #6 21/01/2006, 02:02 AM

ارجوا ان تصل هذه الرسالة الى كل من ينكر دور الخبرة في المحافل الدولية

فقد ظهر مؤخراً من يتبجحون بالقول ان سامي لا يستحق الذهاب الى المانيا

مع المنتخب فانظروا يا ناس الى هؤلاء الحاقدين

لك الشكر ياعزيزي ولا غريب على ساميو