هلهول الزعيم لديه مشكله في الكمبيوتر طلعت الشيب في راسه - نادي الهلال السعودي - شبكة الزعيم

هلهول الزعيم · #1 12/01/2006, 04:23 PM

مرحبا بأعضاء الشبكة الذهبيه
مرحبا بالعضو الذهبي رونالد10ينو

بعد ما جن جنوني من هذا الكمبيوتر وجميع المحاولات اللي قمت فيها بتصليح الكمبيوتر
قلت خلني آخذ آرائكم

مشكله ما عرفت لها حل
وما ودي اروح محلات الكمبيوتر ويجي ذاك الهندي ينصب علي ويقول : كمبيوتر الحين ميه ميه

اول شي اقوللكم مواصفات هذا الجهاز الاسطوري

1- نظام اكس بي سيرفير باك 2
2- سرعته 3000
3- المعالج والماذربورد انتل
4- الرام 512
5- الهارديسك 80 قيقا
6- المودم وباطاقة الصوت كريتيف
7- نظام الملفات Nfts

وش رايكم بمواصفات هذا الجهاز الاسطوري
وتراني شاريه قبل اقل من سنه

لكن تصدقون يا اخوان اني من شريته وهو يعلق
تدرون اني من شريته وهو يهنق
ومن شريته وهو بطييييييييئ
ومن شريته والانترنت بطيء ودائما يعلق معي الإكسبلور
سويت فورمات كامله على جميع الاقراص الصلبه وسويت لها تهيئه كامله
وما نفع
ركبت الكاسبر وأحدثه بإستمرار قلت يمكن فيه فيروس لازق
وما نفع
ركبت برنامج تنضيف ريجستري وطلعلي 214 ملف
وما نفع
ركبت برنامج للسباي وير وطلع لي 24 ملف
وما نفع

نفس المشاكل

ودائما وانا اتصفح تطلعلي وحده من الصفحات ( عدم استجابه )
وتعلق لي الكمبيوتر ولما اسوي لها انهاء المهمه ما يسير ولا شي الين اعيد الجهاز

~SaKaB · #2 12/01/2006, 05:12 PM

معـــــنا:..:سنصلح مشكلتكـ في أقل من ساعة :..:

يقولون الشباب مسوين موضوع خاص للمشاكل يا ليت تروح هناك

M O U R I N H O · #3 13/01/2006, 03:46 AM

تأكد إنك تسوي تعريف كرت الفديو وكرت الصوت .. !

ويمكن عندك ملفات تجسس .. اعمل فحص ببرنامج الحماية من التجسس

أبـــ فيصل ـــو · #4 13/01/2006, 05:22 AM

استخدم واحد من برامج ال Utilities وشيك تعارضات السوفت وير

M O U R I N H O · #5 13/01/2006, 06:34 AM

اضغط باليمين على جهاز الكمبيوتر ثم خصائص
روح على قائمة الأجهزه ثم إدارة الأجهزه

عرف كرت الفديو وكرت الصوت من هنــاك

ثم سو فحص كامل للجهاز بالكاسبرسكاي والآد أوير
احتمال يكون عندك ملفات تجسس كثير !!

بالتوفيق ،،

M O U R I N H O · #6 13/01/2006, 07:34 AM

إقتباس

الرسالة الأصلية كتبت بواسطة هلهول الزعيم


	سويت فورمات كامله على جميع الاقراص الصلبه وسويت لها تهيئه كامله وما نفع

معليش هذي توني أشوفها .. كنت مستعجل شوي ..

إذا كنت تستخدم Windows Xp Sp2 (( الحزمة الثانية ))
تأكد إنك تكون مطفي الفايروول الخاص بالوندوز من لوحة التحكم .. يمكن تلقى اسمه الجدار الناري (( الجهاز عندي إنجليزي ))
بعدين تأكد من تعريف كرت الفديو وكرت الصوت .. لأنها صارت معي وكانت المشكلة منها ..

هلهول الزعيم · #7 17/05/2006, 12:13 PM

وانا اسوي بحث عن مواضيعي لقيت هالموضوع وتذكرته
تصدقون يا شباب فرمت الجهاز منبعد ما حطيت الموضوع مرتين
والى الحين المشكله زي ما هي

رونالد10ينو
انا عندي الكاسبر والآدوير وتنظيف الريجستري
يعني انسى حكاية الفيروسات

اما جدار الحمايه انا توني طفيته وراح اقولك النتيجه قريب ان شاء الله

إقتباس


	أبـــ فيصل ـــو زعيــم مميــز استخدم واحد من برامج ال Utilities وشيك تعارضات السوفت وير

لقيت هالبرامج في المشاغب
لكن احجامها كبيره يعني لازم اروح مقهى وانا اخوك
لكن لازم احملها وراح اعطيك النتيجه قريب ان شاء الله

M O U R I N H O · #8 17/05/2006, 01:17 PM

الحين بعد ماطفيت الجدار الناري جرب تسوي إعادة تشغيل ورد علي ..

إذا ماضبط .. أكيد 100 % إنه من كرت الشاشة

طيب علشان نعرف انت معرف كرت الشاشة ولا لا

؟
وضع الاستعداد يشتغل عندك

؟

الزعــــ9ــــيم · #9 17/05/2006, 02:41 PM

سلام عليكم

اخي مشكلتك تكمن في احد هذه الأمور :

تعارض برامج ( انصحك تحذف برامج الحماية لديك وتشوف كيف هل يتغير ولا لا )

تعارض هاردوير ( تأكد انك معرف قطع الجهاز تمام وانها كلها معرفه )

فايروسات ( افحص جهازك من السيف مووود )

=================================

ابداء + تشغيل + prefetch ثم اوكيه

ثم راح يفتح لك ملف تحصله مليان احذف جميع مافيه

كل المنى ............

هلهول الزعيم · #10 17/05/2006, 10:10 PM

إقتباس


	الحين بعد ماطفيت الجدار الناري جرب تسوي إعادة تشغيل ورد علي .. إذا ماضبط .. أكيد 100 % إنه من كرت الشاشة طيب علشان نعرف انت معرف كرت الشاشة ولا لا ؟ وضع الاستعداد يشتغل عندك ؟

يا حسام الله يهديك كل شي عندي معرف
بالنسبه لوضع الإستعدادا انا ما فهمته
ضغطت إيقاف التشغيل بعدين وضع الإستعداد وكأنه سوى إعادة تشغيل ( لكنه ما ما سكر صفحاتي )

سلام عليكم

إقتباس


	اخي مشكلتك تكمن في احد هذه الأمور : تعارض برامج ( انصحك تحذف برامج الحماية لديك وتشوف كيف هل يتغير ولا لا )

قد حذفت الكاسبر قبل كذا وما تغيير شي

إقتباس


	تعارض هاردوير ( تأكد انك معرف قطع الجهاز تمام وانها كلها معرفه )

كلها معرفه وتماااااام

إقتباس


	فايروسات ( افحص جهازك من السيف مووود )

فيروسات انسى .. عندي كاسبر وآدوير
بس ما ادري وش قصدك من السيف مود

=================================

إقتباس


	ابداء + تشغيل + prefetch ثم اوكيه ثم راح يفتح لك ملف تحصله مليان احذف جميع مافيه

سويتها

تصدقون وانا اكتب الرد قاعد يعلق !!!!!

M O U R I N H O · #11 18/05/2006, 05:07 PM

طيب ليش ما تتأكد من حرارة المعالج

؟

هلهول الزعيم · #12 18/05/2006, 09:53 PM

إقتباس


	طيب ليش ما تتأكد من حرارة المعالج ؟

كيف؟؟

بس تصدق !!!انا كانت عندي ملفات كثيره على سطح المكتب وحذفتها وباقي عندي الحاجات الاساسيه
وضبط الجهاز ( ما جربت الا مره وحده ) ضبط في حكاية التعليق اول ما اتصل
لكن باقي التعليق وانا اتصفح الى الحين موجود
وأسأل الله العظيم انا يلهمني الصبر والسلوان وحل هذه المشكله

M O U R I N H O · #13 19/05/2006, 12:29 AM

أكيد حرارة المعالج مرتفعه عندك ..

لمن تعيد الجهاز اضغط زر Delete بيفتح لك شاشة زرقاء .. فيها خيار لحرارة المعالج ..

طبعاً ما أقدر أقولك الخطوات .. لأن كل بيوس يختلف عن الثاني ..

وفيه بعد برامج تقيس حرارة المعالج ..

M O U R I N H O · #14 19/05/2006, 12:40 AM

هذا برنامج يقيس لك حرارة المعالج ..

للتحميل من هنــا
وهذا شرح للبرنامج من نفس موقعه :

اضغط هنــا

واذا مشكلتك من الحرارة عليك تغيير المروحه .. وتركيب مروحة جديدة ..

وفيه كروت للتبريد تركب في الجهاز .. ونوعيات ممتازة ..

هلهول الزعيم · #15 19/05/2006, 01:41 PM

ما اعتقد في الحراره لان عندي مروحتين
لكن حذف الإختصارات ما نفع
قمت سويت كم حاجه
غيرت السرعه القصوى للإتصال من 921600 الى 115200
وألغيت خيار تسجيل الدخول للماسنجر عند الإتصال بالانترنت
وشوي عقل الجهاز لكن باقي التعليق وانا اتصفح
التعليق وانا اتصفح صار له فتره طويله ساكت لكن من بعد ما تصلح التعليق اول ما اتصل رجع التعليق وانا اتصفح

وبالنسبه لبرنامج قياس سرعة المعالج انا قاعد احمله الحين وان شاء الله خير

وشف بأحطل لك صوره للعمليات ما ادري اذا تشوف فيها مشكله
لان واحد قد وريته صورة العمليات وحذفلي خيار منها وتصلح كل شي لكن رجعت وريته صورة العمليات بعد الفورمات ولا عرف