سامي الجابر - نادي الهلال السعودي - شبكة الزعيم

عاشق ابو السيم · #1 12/01/2006, 02:18 AM

ابيكم تركزون معاي ....................

بسم الله الرحمن الرحيم.......

تذكرون سامي الموسم الي راح كيف كنا نعشقه الى درجت انه قبل اي مباره نسأل قبل المباره بأربعه خمسه ايام سامي بيلعب ولا لا ؟
تذكرون لمن وليد عبدربه ضرب سامي في بطولة العرب والله اني قعت ابكي لمن شفته يصرخ مانمت اليل .

سامي الموسم الي راح ماشاء الله عليه كان يلعب 90 دقيقه

اختبار عشان نعرف سامي من بداية الموسم:

ابي اعرف لي حبنا لسامي يقل ؟
الجواب مني عارفه

هل ياسر القحطاني نسانا سامي؟
يخسا والله مايقدر

هل الجمهور الهلالي ينظر لسامي نظرة انه خلاص شيبه ؟
لاسامي عنده اكثر واكثر

ياناس مابي منكم الى شي واحد اننا نضغط على الاداره لمن ترجع سامي يلعب 90 دقيقه
وترى لعلمكم سامي لياقته اكتملت له شهرين ونص وهو يتمرن .

سامي الالمعي · #2 12/01/2006, 02:26 AM

كلامك والله مضبوط لكن سامي لا بد ان ينزل جو المباريات بتدرج
وان شاء الله يمسك الفريق اذا راح الدوليين ويكون اساسي هو والجمعان في المقدمة

totti k.s.a · #3 12/01/2006, 02:30 AM

ايه والله صدقت
اخوي سامي الموسم الماااضي غيرر
وانشالله يرجع لنا باحسن من الموسم الماضي

هل ياسر القحطاني نسانا سامي؟
يخسا والله مايقدرصدقت اخوووي ايش جاب لجاب ياخي احنا ما ينسينا سامي الا سامي نفسه

وشكراااا

Wo0oW-1 · #4 12/01/2006, 02:31 AM

إقتباس

الرسالة الأصلية كتبت بواسطة عاشق ابو السيم


	ابيكم تركزون معاي .................... بسم الله الرحمن الرحيم....... تذكرون سامي الموسم الي راح كيف كنا نعشقه الى درجت انه قبل اي مباره نسأل قبل المباره بأربعه خمسه ايام سامي بيلعب ولا لا ؟ تذكرون لمن وليد عبدربه ضرب سامي في بطولة العرب والله اني قعت ابكي لمن شفته يصرخ مانمت اليل . سامي الموسم الي راح ماشاء الله عليه كان يلعب 90 دقيقه اختبار عشان نعرف سامي من بداية الموسم: ابي اعرف لي حبنا لسامي يقل ؟ الجواب مني عارفه عارفه ؟؟؟؟ هل ياسر القحطاني نسانا سامي؟ يخسا والله مايقدر حرام عليك لازم نحترم لاعبي الهلال ومهما كان المفروض ماتطلع كلمه منك مثل كذا سواء لياسر والا غيره ياحلو هل الجمهور الهلالي ينظر لسامي نظرة انه خلاص شيبه ؟ لاسامي عنده اكثر واكثر ياناس مابي منكم الى شي واحد اننا نضغط على الاداره لمن ترجع سامي يلعب 90 دقيقه وترى لعلمكم سامي لياقته اكتملت له شهرين ونص وهو يتمرن .

انا شفت سامي بمباراة الحزم والله الرجال سامن يبي له تخفيف ووزن ولياقه واللي يرحم والديكم بلاش عاطفه زايده كلنا نحب سامي ولكن نحب الزعيم اكثر

ياهلال

الاسـتـثـنائـي · #5 12/01/2006, 02:35 AM

أخوي .. أحيي فيك حبك وعشقك لسامـي ..

بس ياخوي هالكلام مايصلح ..؟

هل ياسر القحطاني نسانا سامي؟
يخسا والله مايقدر

سامي الجابر .. ولا ياسر القحطاني ..

كلهم في الهلال وكلهم نجوم ..

وليس المهم ياسر .. وليس المهم سامي ..

المهم الهـلال ..

وان شا الله نشوف سامي يلعب في المباريات الجاية ..
والله اشتقناله

هلالي و نص · #6 12/01/2006, 02:36 AM

سامي مانسيناه وبعدين الاداراة مالها دخل باللاعب فمستوى سامي بالتدريبات هو اللي يحتم عليه المشاركة من عدمها

عشقي تيماوي · #7 12/01/2006, 02:37 AM

سامي ادرى بمصلحته وان شاء الله يكون على مانبيه ويرجع مثل اول

^THE BEST^ · #8 12/01/2006, 02:38 AM

لانناا مااعاد نشوف ساامي مثل اول...ساااامي كاان ((زمااااان)) يلعب المباراة كلها وكاان يسوي جو

في المباراة وكنت اتحمس واااااااااااااااااجد لما اشوف ساامي لاااعب مع فريقه بس الحين طول المبارياات

اللي فااتت في الاحتياااط او اذاا لعب يلعب نص سااعه ويطلع او يلعب الشوط الثااني وبس..

وهذاا اللي مخليناا نهمل ساامي وننسااااااااااااااااه..

زيزوو الأزرق · #9 12/01/2006, 02:46 AM

لا تذكروني ........ااااااااااه يا سامي

سامي الموسم الماضي على فكرة هداف الفريق

وبعدين اخوي معليش لا تجرح انا معك بس لا تجرح بياسر

&هلالي صميم& · #10 12/01/2006, 02:47 AM

صدقني اخوي سامي هو اللي يرفض النزول الان لانه عارف ان لياقته ما هي مكتمله اما الذيب والله لو اشر بس لا يلعب التسعين دقيقة ومن فوق خشم المدرب بعد

بس انتو اصبروا شوي على ابو عبد الله والجاي احسن