السلام عليكم

يالله حي الاعضاء


طبعا هذا موضوعي جاء متأخر لكن انا حبيت يكون في وقت انتهى فية كل شيء ..
طبعا الموضوع زي ما سمعنا سامي افضل من ماجد وماجد افضل من سامي ..
سامي جاب اهداف ماجد ما جابها ماججد جاب اهداف سامي ما جابها ..
ومن ها الكلام لكن لو ننظر لها بعين العقل من يبي يقتنع من الطرفين ؟؟
انتم يا جمهور الهلال ام هم جمهور النصر ؟؟
لكن لو نرجع لية صار هذا كلة كل يوم طالع علينا واحد هي بداية ما قالة محمد العبدالله وهي تعد وجهة نظر لا احد يصادرها ولا احد يعممها ...
بالمختصر المفيد ..
سامي افضل لاعب مر على العرب والاسياوين ( عند جمهور الهلال )
وماجد افضل لاعب مر على العرب والاسياوين ( عند النصراويين )

لان على العموم المقارنة ليس لها ضوابط او مقاييس
ولا تقدر تقارن بين اللاعبين لانة ما فية شيء تقول واضح يميز هذا عن ذاكـ ..

في مقابلة مع مردونا أو بيلية ما ادري با الظبط
سئل من افضل لاعب في العالم انت ام بيلية قال انا امي تقول انا افضل لاعب وهو امة تقول هو افضل لاعب ..

يعني حنا عندنا سااامي افضل وهم عندهم ماجد افضل ولنقف هنا وبس ..

وتعليقي للنصراويين بعد ما زعلوا على محمد العبدالله يا ناس هذي وجة نظرة يعني انا ممكن اعجب بلاعب فنان مثل رونالدينهو وفية كثير يكرهون لعبة !

يعني الناس اذواق ..
. . . . . . . . . . . . . . . . . . . . . . . . . . . . . . . . . . . . . . . . . .



ما شريات <== يذب على العمر

& كثرة زلات فهد المفرج وكثرة المطالبات با إبعادة فتوقعوا النكسات بعد المطالبات !!

& سامي يتأخر في برنامجة اللياقي وغاب عن بعض التمارين لظروفة ويجونا النصراويين ويتدخلون في خصوصياتنا !!

& نواف رجعت وان شاء الله العود احمد لاننا الى الحين ما شفنا نواف 2000م ..

& في حال مطالبة نواف مثل مطالبة الدوخي فياليت يا سمو الامير تدق على البلوي على طوول !!

& في حال فكرة الادارة او المدرب بالاستغناء عن المفرج فأتوقع أفضل من يسد المركز من الموجودين هو ياسر الياس وجربوة وحاسبوني بعدها ..

& ياسر الياس بأختصار للمطالبة بإحلالة مكان المفرج فالكل يعرف ان ياسر ميزتة دفاعية اكثر من هجومية يعني بكذا يسمى قلب دفاع .. مو ظهير !!

& الشلهوب بعد كل مباراة يثبت انة قلب الهلال فاذا تحرك تحرك الفريق ذكرنا بنواف ايام السوبر اذا لعب نواف لعب الهلال فلذلك اكرموا ابو بندر بقليل من الانصاف وليس الانتقاد ..

& ظهرت تشكيلة المنتخب وظهر ....... يستغربون من ضم 9 لاعبين من الهلال و 8 لاعبين من الاتحاد !!

& اذا ما ضم من بطل الرباعية وبطل اسياء يضم من خامس الدوري والرابع ؟؟

& يقولون لية ضم الدعيع وخليل ؟؟ وخليل احتياط ولا لعب الا مبارتين ؟؟

& خليل ما لعب الا ثلاث لكن ما يمنع يضمة ولو هو احتياط في الهلال لانة اشرف علية سنة وكم شهر فطبيعي انة انة يضمة ..

& لكن يضم لي فاندرليم سعد الزهراني وهو ما لعب الا مباراة في الدوري ولا لعب الا نص شوط فهذي وين اصرفها والا يوم فاندرليم صغير كان يتدرب في النصر عشان كذا عرف الزهراني ( على ذكرى ديدا )

& والي مختلف على الدعيع فالدعيع هذا الموسم من افضل الحراس ولا يختلف علية الا النصراويين !!

& حضرت مباراة النصر والوحدات مع الصراويين بغرض الوقف معهم لما تبقى من بطولات الي مهب شامين ولا وحدة ان شاء الله فبعد المباراة وبكل رعونة وهمجية وصبيانية تشووف الضعوف المغلوب على امرهم الاردنية يتراكضون فكل مشجع وراه خمسين بزر يبون يطقونة !! بس ما جاء اي ايقاف او عقوبات لانة الابن المدلل ..

& يا رئيس الهلال في الوسط الرياضي ما ينفع الاخلاق والصبر !!

& فنجد أن من لة لسان وسلطة يسب فلان ويطالب برفع الايقافات وتأجيل المباريات فيلبى لة ما يريد ومع ذلك نجدة يسب ويبدي عدم رضاة لينال المزيد ويضمنون سكوتة !!

& يا ابو عبدالله ما كأن ها المرة طالت الغيبة ؟؟

. . . . . . . . . . . . . . . . . . . . . . . . . . . . . . . . . . . . . . . . . .



احس اني طوولت يالله اعذرووني على الاطالة

وكل نقطة في المقال فهي مجرد وجة نظر قابلة لصواب والخطاء ..

وأعذروني على التقصير ..