|
بدل من أن يستفيد سامي من المباراة....خسر بسببها الكثير السلام عليكم ورحمة الله وبركاته 7 7 7 7 7 7 يا جمهور الكتيبة الزرقاء فيه بعض الجماهير اللي اعتبرها محسوبة على الهلال تقول ......... ليش يا سامي تغيرت ومو انت سامي الاول الهداف ؟؟ يعني سامي الاول الهداف كان كل ما دخل المباراة يجيب اقوال ؟؟؟ والله ناس ما أدري كيف تفكر احب اقولكم........سواء للي رأى المباراة أم لم يراها سامي بدال ما يستفيد من هذي المباراة و يحاول يتأقلم مع أجواء المباريات صارت عليه عالة يا اخوان بحكي لكم القصة بالتفصيل الشوط الاول لعب الهلال ممتاز......وكنا مقفلين عليهم و المستوى جدا رائع..ومستقر أيضا واحرزنا هدفين في الشوط الثاني المفروض يدخل سامي من بدايته لأنه سامي مو مثل أي لاعب سامي هو سامي ما يلعب خمس دقايق أو عشر ويستنى الحظ إما أنه يلعب من بداية المباراة.....أو أنه مو موجود في دكة الإحتياط بدأ الشوط الثاني انتظرنا انتظرنا جاء الهدف الأول للحزم انتظرنا انتظرنا جاء الهدف الثاني للحزم وارتفع الضغط واشتدت الأعصاب والكل قام من محله والمسكين (( الكبير )) سامي هو الضحية أقحمه ألكسندر في هذا الوقت اللي انكمش فيه دفاع الحزم ليبحث عن بطولته الأولى من عشر سنين هذا إذا ما كان في تاريخ الحزم كله وهي الفوز على الهلال فلما دخل سامي صارت الأضواء عليه الكل يبي منه قول يعني......يا تجيب قول.......يا اطلع برى يا ناس تفاهموا شوي ياهووووووووو ما فيه..الا سامي يجيب هدف والله مصيبة ومصيبة كبرى إذا جمهور الهلال يفكر بهذا التفكير أجل ما نلوم جماهير الأندية الأخرى انتهت المباراة وسامي بدال ما يلعب المباراة في جو هادئ لعبها وهو مضغوط نفسيا وجماهيريا للأسف عملها الكسندر في سامي مثل ما علمها باكيتا في سامي في مباراتنا مع النصر السابقة باختصار شديد سامي لم يستفد من المباراة بل خسر الكثير |
اي والله صدقت ياخوي .. صحيح سامي لاعب كبير ولاعب حسم بس انك تدخله في الدقيقة 30 من الشوط الثاني .. وبعدين والله اني شفته في الملعب وهو يمشي بدون كورة يغطيه لاعبين ..! واذا استلم الكورة مثل الكورة اللي كانت بمنطقة الجزاء غطوه 4 ..!! ياشباب .. سامي ماستفاد شي فعلا من المباراة .. يعطيك العافية اخوي عطر الاماكن .. وهاردلك التعادل |
يااماال العواافي واللــه.. فعلاً.. ماقصــرت.. كفيت ووفيــت.. تحياااتي |
|
يعطيك العافيه اخوي وصدقت... واللي قاهرني ان هذا المدرب تراه حق بطولات وديه جاب كاس الامير فيصل بلاعبيين شباب وشاف نفسه يبي يجيب بطوله الدوري الظاهر بالناشئين والله حرام يركن سااامي احتياط وهو متقدم بفرق اثنين يعني وش قصده يوم نزل سامي بعد التعادل يبي سامي يجيب هدف بسرعه على شان يقول شفتو ان تغيري صحيح الله يعين على تفكير المدرب؟؟؟ |
خلاص راحت الي صار صار |
شكرا |
سامـــــي لاعب معروف فهذا المدرب والله انه مايعرف يدرب ولا يلعب سامي في اخر الدقايق سامي يتمناه اي نادي سواء عربي او اروبي ومشكور على هذا الموضوع هادرك |
صح وانا معك |
إقتباس:
عزيزي مشكور على مرورك انا ما اقول انه سامي لو كان يلعب كان فزنا انا اتكلم عن سامي ..... باستثناء النتيجة اقصد موضوعي يتكلم عن عودة سامي لاجواء المباريات وفي هذي المباراة سامي ما استفاد شيء فكان من الافضل انه يلعب من بداية الشوط او على الاقل لا يلعب من الاساس عالاقل احسن من انه يدخل في وقت مضغوط وفي شحن نفسي تحياتي |
ابو عبدالله ماراح يرتاح سواء لعب زين ولا لا والجمهور المفروض يقدر ان ابو عبدالله صار له وقت بعيد عن جو المباريات . |
كفيت ووفيت موضوع رائع بمعنى الكلمه ومشكور اخوي |
مشكوور اخــوي عطر الاماكن وصدقت سامي مو لاعب يخش في آخر عشر دقائق ويجيب قول مثل حمزه ادريس واشكاله سامي من المفرووض انـه يلعب اساسي او من بدايةالشووط الثاني |
كفيت ووفيت اخوي يعطيك العافية |
اللحمد لله على كل شي ... بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 01:17 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd