تعاطفا مع بل غتس الكبير شعبان عبد الرحيم ينطق بهذه (الرائعة)


و تهنئة له بقبول استئنافه و بطلان الدعوة المرفوعة ضده





حاشوفلى كمبيوتر كويس نص عُمر
وأخودلى كورس ويندوز عند المهندس عمرو
ـــــــ
بعدين على طول أضربلى نسخة أوفيس كمان
وأفّل ع الإكسل حسابات الدكان
ـــــــ
ولما يجيلى زاير أعمله أحلى شو
بريزينتيشن الطاير باور بوينت يا هوو
ـــــــ
ولما أبعت رسالة لحبيبتى فى الصعيد
أفتحلى الوورد وأكتب والليلة تبقى عيد
ـــــــ
ولما أحب واحدة مودرن م السويس
أبعتلها الإيميل بالأوت لوك إكسبريس
ـــــــ
ولما البلية تلعب واتخرج بأه م الجيش
أعمل سايت يجنن ويّا الفرانت بيج
ـــــــ
بعدين أفتح لى شركة بتعمل داتا بيزات
بالأكسس بس يابنى حا نكسب الألوفات
ـــــــ
باحبك يا بيل جيتس واكره مين يعاديك
خليت حياتنا و الله بالأوفيس حاجة شيك
ـــــــ
برامجك حلوة يابنى ويحميك ربنا
كلامهم وجعلى ودنى وزهقنا كلنا
ـــــــ
ماسكين فى الهايفة دايما ماشيين دوران ولف
إيه يعنى الويندوز تضرب بدال المرة ألف
ـــــــ
لأ ما يهمكشى منهم ولا تتعب ولا تحتار
ما خلاص ربنا نصرك فى قضية الاحتكار
ـــــــ
يا كايد عدوينك وهاريهم يا بيل ياخويا
قرفوك لاكن فى الآخر لبسوا منديل بأوية
لبسوا منديل بأوية -
لييبسووو منديل بأوية - هيييييييييه
الجمهور:
هيه هيه هيه
قول يا جيتس قول و لهلب العزول
كلنا كنا زيك لولاش أكل الفول
هيه هيه هيه