#1  
قديم 07/01/2006, 10:57 PM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
ابو سلطان افعلها + فرح الجمهور بهدف الوحدات فسجل الحزم التعادل

بسم الله الرحمن الرحيم


بهدوء وبكل عقلانية هاردلكم على التعادل اللي اخس من الخسارة


نبدا بالتشكيلة

حراسة المرمى

الدعيع ماعليه كلام

الدفاع

غياب تفريس اول خطا ونقول ماعليه يمكن المدرب يبي يريحة وخليل توه منظم للمنتخب بيرفع معنوياته

المحاورة

الغنام وعزيز لوكنا نلعب مع الاتحاد وعلى ارضهم او الشباب يمكن القى عذر للمدرب اما انه يلعب مع ( الحزم )

وعلى ارض الهلال فهذه ام المصائب محورين دفاعيين ومساندتهم اقل من الضعيفة للهجمة ..... ليه ؟؟؟


نواف وكماتشو والشلهوب

انا لاحظت شئ من رجعة نواف من الاصابة نواف وكماتشو مايصلح انهم يجتمعون

كلهم يحبون يحتفظون بالكورة كثير كلهم يحبون ان ياخذوا راحتهم في النص اما اذا اجتمعوا كلهم يضيعون

وارجعوا لمباريات الهلال كلها اللي لعب فيها كماتشو والتمياط وتتاكدون من كلامي

والشلهوب طبعا ماعليه كلام وفوق اني اتكلم عنه


الهجوم

العنبر وحيدا واما الحزم وفي الرياض ... عيب والله عيب !!!!!

ان تلعب بمهاجم واحد وبمحورين دفاعيين عيب والله عيب !!!

خلصنا من التشكيلة ملاحظاتي عليها

اولا : اتمنى من ابو سلطان ان يكون اكثر شجاعة وان ( يشرط ) على مدرب الهلال اللعب بمهاجمين خاصة اذا كانت

المباريات في الرياض وكلنا يذكر برلسكوني يوم ( امر ) انشلوتي بان يلعب بمهاجمين واللي صار بعدها للميلان خصوصا

ان ابو سلطان من عشاق الميلان

ثانيا : اتمنى ان يتم مناقشة المدرب في التشكيلة قبل كل مباراة وفق المعقول وليس بالتدخل في عملة

ثالثا :اتمنى ان يتم مسائلة المدرب عن سبب الهبوط في المستوى وضمان النتيجة

رابعا : ان تلعب بمهاجم واحد وبمحورين وامام الحزم وفي الرياض اجل اذا لعبنا مع الاتحاد في جدة بتلعب بدون مهاجم

وباربعة محاورة

اخيرا : فريق يمتلك ياسر والصويلح والجابر والعنبر والخراشي ويلعب بمهاجم واحد قمة التخلف !!!!!!!!!!!!!


هذا بالنسبة للتشكيلة

اما بالنسبة للاعبين انفسهم

فيابو سلطان اللاعبين بداو يتدلعون

وكلنا شفناهم بعد الهدفين كيف كانو يتمشون كانهم في رحلة سياحية

فكما عرفناك انك ماتقصر معهم في الفوز من مضاعفة المكافات والهديا وغيرها

اتمنى اننا نشوف عقوبات وخصم وحرمان لاننا صراحة تهزينا بالاتحاد وصرنا مثلهم


ابشتري تذكرة شريت 13 تذكرة

وصلت اليوم للملعب قبل اذان العشاء بخمس دقائق واصف في الطابور ويوم جيت ابوصل يطفي الزول النور ويسكر

الشباك ويلطع اكثر من 3000 متفرج عند الشباك قمة التخلف والادراة الغبية لاحس ولاخبروالروتين ذابحهم وجلست انتظر وكل شوي جايني واحد الله

لايهينك تذكرة تكفى تذكرتين الى ان جمعت 260 ريال سولت لي نفسي اني ( افقع ) بس خفت تفوتني المباراة

وش الاحسن انك تدخل هالبشر ويصلون جوا او انك تخليهم عند البوابة يتجمهرون !!!!!!!!


لكل من يتكلم على جمهور الرياض


جمهور المدينة جمهور القصيم جمهور حائل جمهور الجنوب جمهور الشرقية اشوف لسانكم طايل على جمهور الرياض وكل وحدة والثانية

جمهور الرياض وجمهور الرياض

والمشكلة انكم مايجي الهلال عندكم الى مرة في السنة وتروحون تفصلون ثياب وكباكات وشمغ جديدة وتلبقونها جمب

السرير الى وقت المباراة ( كنها العيد مايجي الا مرة ) ويحضر الف ولا الف وخمس وتقعدون تزعجونا جمهور الرياض

وجمهور الرياض شوفوا الجمهور شوفوا الجمهور

ياحبيب قلبي انت وياه اذا كان انتوا عندكم مباراة وحدة بس وحنا عندنا 11 في الدوري و5 على الاقل في فيصل

و3 الى 4 في ولي العهد غير المشاركات الخارجية

كل هذا واتحداكم اتحداكم ان يكون جمهور في اي مباراة من المباريات اللي خارج الرياض كان اكثر من جمهور الرياض

في اي مباراة ماعدى مباراة القادسية الاخيرة ومباراة الاتحاد في كاس ولي العهد العام مع العلم ان اكثرهم من نصهم

من الرياض


عقوبة بسبب فرحة الهلال بنتيجة النصر

اليوم والنتيجة كانت 2 صفر او 2 -1 قام واحد وزعق وقال "هدف للوحدات" قلت للي جمبي صدقني عقوبتكم في

الطريق وماامداني اكمل كلامي الا جابوا التعادل فقلت سبحان الله الهزوى عدوى




اخر تعديل كان بواسطة » BLUEHUNTER في يوم » 08/01/2006 عند الساعة » 01:13 AM
اضافة رد مع اقتباس
  #2  
قديم 07/01/2006, 11:44 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
يعطيك العافية اخوي بلو هنتر

اما بالنسبة للتشكيلة صراحة كانت غريبة !!!

اسبشرنا خير بعد مباراة ابها وقلنا الكسندر يحب الهجوم ولكن للاسف بدت تبين علومة !!!


واما بالنسبة لجمهور الرياض فللاسف جمهور الهلال اصبح ينهش بعضه بعضا

وصاروا كنهم جارات كل واحد يتهزى بالثاني ولكن يبقى حب الهلال هو اللي يجمعنا ولافرق بين جمهور الهلال في

القريات او في شرورة او في الخبر او في ينبع او في الرياض فحب الهلال يجمعنا كلنا

إقتباس
فيابو سلطان اللاعبين بداو يتدلعون

تحس انهم مالهم نفس يلعبون
اضافة رد مع اقتباس
  #3  
قديم 07/01/2006, 11:52 PM
زعيــم نشيــط
تاريخ التسجيل: 21/10/2005
مشاركات: 698


كلامك كله حلو وصحيح الا على الجمهور مع احترامي لك ولجمهور الرياض
اضافة رد مع اقتباس
  #4  
قديم 08/01/2006, 12:00 AM
زعيــم متواصــل
تاريخ التسجيل: 01/12/2005
مشاركات: 188
المدرب بدا يلعب في منهجيت الفريق
اللاعبون بعضهم يلعب وكان النتيجه5
اضافة رد مع اقتباس
  #5  
قديم 08/01/2006, 12:01 AM
زعيــم فعــال
تاريخ التسجيل: 23/06/2005
المكان: نــادي الهـــلال
مشاركات: 251
مع إني ما شفت المباراة إلا إن الكتاب واضح من عنوانه ...

الهلال أغلب الأحيان يستصغر الأنديه اللي بيلعب معها ...

هذا الأسلوب أكبر غلط ...

والغلط الأكبر من المدرب ...

العنبر ما يصلح أساسي لأن بداية المباراة لازم تكون سريعه وهجوميه والعنبر

مب سريع يعني ما يصلح لبداية المباراة ...

تلعب أمام نادي مثل الحزم له مفاجأت غير متوقعه ... بمهاجم واحد والله عيب ...

الكساندر رغم ذكائه إلا أنه طلع غبي بذي المباراة ...

كان من المفترض أن يدخل ياسر وسامي على أقل تقدير ...

لأن الحزم راح يتحفظ في الدفاع وبكذا راح ينفتح اللعب لا سيما بوجود الموهوب محمد الشلهوب ...

وكماتشو ونواف التمياط ... لا بد من المدرب أن يحتفظ بأحدهما في الإحتياط ويحل بعدها بديلاً له ..

لأنهما كثيري الإحتفاظ بالكره وإبراز المهارات ...

رغم ذلك ........



يبقى الهلال هو الزعيم
اضافة رد مع اقتباس
  #6  
قديم 08/01/2006, 12:15 AM
زعيــم جديــد
تاريخ التسجيل: 02/01/2006
مشاركات: 32
هذا المدرب اللي نقول انه بيوصلنا للعالمية000
اقول زين ان تاهلنا عن مجموعتنا بهذا الوضع 00
لاحد يقول محققين 5 بطولات
لاتنسى ان المدرب باكيتا مو اليكسندر
باكيتا يقرى المباراة بفكر عالي ويعرف نقاط القوة والضعف عند الفرق
بس الله لايستر من الفرق المنافسة على الصدارة بتاكلنا اكل
اضافة رد مع اقتباس
  #7  
قديم 08/01/2006, 01:22 AM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
FhOoOoO

إقتباس
ولكن يبقى حب الهلال هو اللي يجمعنا


كلمة تكفي عن موضوع كامل

هلالي_ ميلاني


إقتباس
كلامك كله حلو وصحيح الا على الجمهور مع احترامي لك ولجمهور الرياض

حياك اخوي والاختلاف في الراي لايفسد للود قضية


منصور العلي


إقتباس
اللاعبون بعضهم يلعب وكان النتيجه5

اي والله هذي كانت واضحة للعميان اللاعبين من بعد الهدف الثاني وهم يلعبون بدون نفس
اضافة رد مع اقتباس
  #8  
قديم 08/01/2006, 01:33 AM
زعيــم مميــز
تاريخ التسجيل: 25/09/2005
المكان: مقلط بيرلو
مشاركات: 1,809
مو بس بيرلكسوووووني




حتى سلطان الرياضه سلطان بن فهد قال لكالديرون


لازم تلعب بمهاجمين قدام كورياااااااا ولعب وفزنا



لاتخلون المدرب على كيفه يالاداره
اضافة رد مع اقتباس
  #9  
قديم 08/01/2006, 01:40 AM
زعيــم فعــال
تاريخ التسجيل: 29/07/2002
المكان: الريـــــــاض
مشاركات: 478
كله كوم وهالمقطع كوم ثاني 00

((
والمشكلة انكم مايجي الهلال عندكم الى مرة في السنة وتروحون تفصلون ثياب وكباكات وشمغ جديدة وتلبقونها جمب

السرير الى وقت المباراة ( كنها العيد مايجي الا مرة ) )




اضافة رد مع اقتباس
  #10  
قديم 09/01/2006, 12:27 AM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
احـبـك_مـيلان

الخبردس

شكرا لمروركم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube