نادي الهلال السعودي - شبكة الزعيم - الموقع الرسمي - معادلة(باكيتا+ديسلفا+الكسندر+جيلسون=عنادxعناد)وياقلب لاتحزن

هاردلكم ياشباب التعادل الاشبه با الخسارة..

وهذي كرة القدم فوز وخسارة وتعادل:)

بس الي يرفع الضغط وشي يقهر ان ادارة الهلال اذا وقعت عقد مع مدرب برازيلي يكون من ضمن الشروط الي يفرضها المدرب على الادارة مشاركة الاعبين البرازيلين في التشكيلة اساسين واذا كان الاعب مصاب او موقوف بكروت صفراء يغير المدرب خطته بشكل جذري عشان مايعطي الفرصة للاعب ثاني ويثبت وجوده وتروح الخانة على ابن جلدته البرزيلي!!!

يعني اتمنى يكون فيه سبب او عذر منطقي ان المدرب يلعب با التشكيلة هذي!!

يعني كل المباريات الي راحت كنا نشوف ياسر وجيلسون في الهجوم ليش مباراة اليوم جيلسون مصاب ولا شارك فيها غير المدرب خطته بشكل جذري من 4_4_2 لخطة4_5_1 ليش ماشارك ببداية المباراة بياسر والعنبر مع بعض او ياسر والصويلح او اي لاعبين في خط الهجوم!!

ليش اليوم رضى عن كماتشو وهو الي كان زعلان عليه في مباراتين بس كله عشان عيون برازيلي اخر تهون الخلافات بين ابناء الجلده الواحده!!

اتمنى من الادارة محاسبة المدرب وسبب تغيره الغريب في التشكيله في مباراة نتيجتها كانت في متناول اليد بس بسبب عناد وغباء المدرب ضاعت الصدارة!!

ولا يهون طيب الذكر باكيتا بعد مادبل كبودنا بديسلفا وكان يلعب بمهاجمين اثنين ديسلفا والصويلح او ديسلفا والعنبر بس كان ديسلفا عالة على كبودنا والادارة كان لها تدخل تشكر عليه في اصرار المدرب على مشاركة ديسلفا اساسي رغم انه دبشه في الهجوم بعد ضغوط على المدرب غير طريقة لعبه من 4_4_2 لخطة 4_5_1 عشان مايلعب مهاجم ثاني بجوار العنبر او بجوار الصويلح بديل لديسلفا والظاهر الكسندر يسير ويمشى على نفس خطى باكيتا بس تغير في الاسماء باكيتا تحول لاكسندر وديسلفا تحول لجيلسون مع فارق الامكانيات بين المدربين الاثنين لصالح الداهية باكيتا

في الاخير اتمنى من الادارة التدخل السريع ومسألة المدرب واذا استمر على تخبطاته نتمنى التعاقد مع مدرب ثاني باسرع وقت حتى لو ضاعة صدارة الدوري نضحي فيها بس نكون جاهزين لبطولة اسيا الاهم والدوري سواء تأهلة الاول ولا الرابع مافيه فرق كبير s60s