إبراهيم حقوي..شكراً ولكن لي عليك عتب - نادي الهلال السعودي - شبكة الزعيم

إليساندرو ديلبييرو · #1 03/01/2006, 08:06 PM

أول شي ألف مبرووووك الفوز والحمد لله أولاً و أخيراً

ُثانياً لي عتب على الأخ إبراهيم حقوي
اخوي ابراهيم صحيح ان صوتك ماشاء الله انبح من التشجيع والأهازيج

لكن أغلب الاهازيج مسروقة من أهازيج الإتهاد

والله تفشلت مع اخوياي يعني في المنتدى قاعدين نحش في الاتهاد ليل مع نهااار

وبعدين نسرق أهازيجهم التشجيعية

ماهو من قل الأهازيج اللي قاعدين يحطونها الشباب كل يوم

عالعموم الله يعطيك العافية
والله ما كان عتبي الا للفائدة العامة للزعيم

وتحياتي
اخوكم

الأسطورة الذئب · #2 03/01/2006, 08:14 PM

مشكور

10 الشلهوب الأزرق 10 · #3 03/01/2006, 08:43 PM

ايه والله ياليت يكون لنا اهازيج خاصه فينا

ابوفي · #4 03/01/2006, 08:55 PM

على العموم الله يعطي ابو خليل الف عاافيه ماقصر

وان شالله ابوخليل يتنبه للنقطه هااذي

AmErO · #5 03/01/2006, 09:03 PM

بوخليل إن شاء الله يطلع لنا أهازيج

أحسن من حبه حبه كأنهم بسوق طماط

MILAN_7 · #6 03/01/2006, 10:23 PM

اخووي
ممكن تقولي
الاهازيج اللي على حد كلامك مسروقة
اللي قالها حقوي المباراة

بانتظار ردك!!!

إبراهيم حقوي · #7 03/01/2006, 11:56 PM

مع احترامي لك وتقديري لشخصك الكريم اتحداك انت واخوياك ان الكلام هذا صحيح.

وقلهم لو ابغى اتكلم عن سرقة الاغاني باطلع المستخبي وهم عارفينه زين.

ارجوا انك ماتكتب موضوع قبل ماتتأكد.

وارجوا من الاعضاء المحترمين عدم الانجراف مع اي موضوع.

وشكرآ.

إبراهيم حقوي · #8 03/01/2006, 11:59 PM

إقتباس

الرسالة الأصلية كتبت بواسطة MILAN_7


	اخووي ممكن تقولي الاهازيج اللي على حد كلامك مسروقة اللي قالها حقوي المباراة بانتظار ردك!!!

يعطيك العافية.milan

وهذا الكلام الصح.

مو الاخ يقول تفشل قدام اخوياه.

حمـ(الهلالي)ــد · #9 04/01/2006, 12:02 AM

يابو خليل روق

هلاااااااااالية · #10 04/01/2006, 12:02 AM

لاااااااااا

ابو خليل ما سرق اهازيج الاتهاد

قل لنا اهزوجه مسرووووووووقه من الاتهااااااااااد

كل الاهازيج اللي يقولها في المباريات خااااااااصة في الهلال

ومكتوب عليها((احذروا التقليد))

ابوووو خليل

والله صوتك حلو ويحمس

حتى وانا قدام التلفزيون اتحمس واغني معكم<<<كأني في الملعب

بالتوفيق لك مع الزعيم يا اسد المدرجات

بايوووووووو

هلالي المنار · #11 04/01/2006, 12:08 AM

أشكر أخوي إبراهيم حقوي والله ماقصرت ويعطيك العافيه

بس ياليت تجدد في الأهازيج

تحياتي لك : يا أبو خليل

عاشــــق الياس · #12 04/01/2006, 12:39 AM

ابو خليل

ما قصر كل يوم يجيب اهزوجه جديده من عنده ومن عند الاعضاء

وهو اصلا قال للاعضاء اللي عنده اهزوجه حلوه يعطيني اياها

وشكرا

الطلال15 · #13 04/01/2006, 01:01 AM

يمكن هناك تشابه في لحن بعض الاهازيج ....