#1  
قديم 03/01/2006, 01:18 AM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
هـلالـي مين قـده00 وقف اتحاد الخبر عنـد حـده

[

الســـلام عليــــكم ورحمـــــــــه اللـــــ..ــه وبـــ.؟.ـركـاته
صبـــآح الخيــــر ايهــآ الشعـــب الهـــلالي العظيـــــم
مــآرح اقــول كــيف الحـآل والصحــه لانـي واثق بعـد تعـدي مرحـله نـادي الهيـاط يوم الاثنين صـرنا بخيـر
نادي الهياط <--- يعني مستغربين من الكلمتين هاذي
لا ياشباب لا تستغربون كلنا قرينا الرياضيه يوم الاثنين وشفنــآ كــلام اليـاقوت ( لعبــه منصور البلوي) وتصريحـه وهيآطه بآقرب معنى
(نادي الهلال نادي كبير لكننا سنفوز وسآخبركم بالسر بعد المباراه وقوه الهلال ستتدفعنا للفوز عليه وسنحرم الهلال من مواصله البطولات المستمره) ومدري وشو
مآعلينــآ حنـآ بنـي هـلال كـلامنــا بالملعـب مـآهو بجـرايد وخط اقـلام واكبـردليـل امس
وصدقـــت يبـو سلطـآن يـوم قـلت تصريحآتي يقولها الاعبون على ارض الميدان والكبير كبير ياسمو الامير

قدمنــآ مبــآراه كبيــره مـع القآدسيـــه مــع هبــوط وقـلة حـظ بعـض لاعبــي فريقنـــآ
يـآسر القحطـــآني _ جيلسون
وتقــدم ملحـوظ فـي مستــوة بعــض الاعبيـــن
مفــرج _ يـآسر اليــآس
عـــن المبـآريآت السآبقــه طبعــآ
بلنتــي يــآســر
اكبـر اكبـر غلـط انـك تهآجـم يآسر على البلنتي الي ضيعه (ليه طيب؟) لانه هو الي تسبب فيه وقدم مجهود رائع ولايلام المرء بعد اجتهاده
فرصه ياسر
ايـه هنـــا نكشـف الهلالـي مـن المنـدس ( قلنا كيف يآطيآر هلالي لان الهلالي الهلالي بينصح ياسر وبينتقده انتقاد هادف
والمنــدس بيقعـد يسفـل فيـه ويختـرع ذبـآت لـه
والغبنـه قبل لا اكتب موضوعـي شـآهدت مندسيـن اصلييــن منهـم الي قـآل مـآيسوى خمسه ريآل
والله انت الي ما تسوى خمسه ريال كانك عشرين ريال بخيل ما تدفعها علشان تروح تنبسط وتغير جو وتشجع فريقك وتستانس

رســـآئــل الــى الاعبيـــن
همســـه فــي اذن يــآســر
انــآطآلبــك اي فـرصه تسجيــل لا تضيعهــآ مس الكـوره مسه خل الشبك ينطق ويقول اوهوه ما لقيتوا تحطوني الا لمرمى ضد الهلال


المفرج
فرحت كثير بمستواك اليوم وربي صلب × صلب وعساها دوم والرياجيل ما يظهرون الا بالشدايد
اليــاس
سنــآيدي والقيـر عآيــدي يالحلــو تعجبنـي بنشبـآتك لقائد الهياط قصــآص وبـردت حرتــي بقطعــآتك للكـوره منــه وعقبــال ما تقطعهــا مـن الكويكبي في دور الاربعــه قـولو اميـن يالهلاليين
جيسلون
بالمباراه هذي اكتشفت فيك عيــب (؟) هو انك تضيع بالملعب اذا كنت تباري فريق ما يعطيك مساحاات
الشلهــوب
وربي من مباراه لمباراه اقول حرام انت تلعب بآي الفرق العربيه انت مكانك اوروبا ياشلهوبونا
( حقوق البث محفوظه اول ما انطلق لقب شلهوبونا طيآر هــلالي احم احـم )
كومــآتشـو
يآليت خبر هواشك مع المدرب اشاعه وربي تمريراتك سحريه وصدق من سماك الساحر
تفـآريس
ما ادري امه حالفه عليه كل مباراه يلعبها ياخذ كرت
دعيع
ياعميد حراس اسيا دام المفرج متآلق وتفارس نفس الحكايه والياس مرتفع مستواه والخثران الرائع وعزيز المقاتل بمستواهم لو تجيب فراشك وتنام بالملعب محد يمك واكبر دليل اليوم فرصتين بس للقادسيه بالمباراه كامله وكلها تسديدات من خارج منطقه الجزاء
وش يدل عليه هاذا


اتمنـــى مــا اكــون طــولت عليكـــم
ورجـآءً كل واحد يقول رائيه الخاص فيه ولا يتركه بقلبه وماعليكم امر قبل لا تضغطون ارسال الرد ادعوا للهلال بالتوفيق ترى الفريق محتاج لدعائنا
والله يوفق الزعيم اينما رحل وكآني حآس ان اللقب بيقعد بالعريجاء بالتحديد نادي الهلال
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:25 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube