تفداك كل البلنتيات يا "ياسر"... - نادي الهلال السعودي - شبكة الزعيم

الزعيم-أحمد الصويلح- · #1 02/01/2006, 10:53 PM

السلام عليكم ورحمة الله وبركاته ...

يالله حي الشعب الهلالي كله

..

والف مبروك الفوز واللي صراحة من دون طعم ...لكن هذا حال مباريات الكؤوس وخروج المغلوب ...

نخش في الموضوع سيدا ...

اليوم الكل شاف المباراة والمستوى العادي اللي ظهر فيه زعيمنا في الشوط الاول ...وان كان المستوى تحسن في الشوط الثاني لكن هذا مو مستوى الزعيم المعروف عنه ...ومثل ماقلت في البدايه هذا حال مباريات الكؤوس ...

ارجع لاحداث المباراة واللي صار فيها ...صراحة انا اليوم احيي الكابتن "ياسر القحطاني" ..على روحه ومستواه اللي ظهر فيهما في المباراة ..ووالله اني اول اول مرة اشوف بهذا الحماس من اول ماجاء للهلال ..ما اقول الا الله يديم هالتالق والحماس ...

في الشوط الاول من المباراة تحصل "القناص" على ضربة جزاء بعد ان توغل داخل المنطقة بعد التمرية اللي ارسلت له وضربة جزاء صحيحه لاجدال فيها ....المهم انه تحصل عليها وضيعها

... لكن ماعليه ياياسر الكبير يبقى كبير وتفداك كل ضربات الجزاء اذا كان مستواك بمثل هالمستوى اللي ظهرت عليه في هذه المباراة ...

"القناص" بعد البلنتي اللي ضيعه حاول بكل ما اوتي من قوه تعويض هذا البلنتي اللي كانت بمثابة الفرصه المؤكده وصراحة نجح ياسر في ذلك ...ويكفي انه تسسب في طرد الحارس ..وجهز كرة الهدف الاول بطريقة ولا اروع بعد ان سحب اكثر من مدافع له وجهزها للموهوب الشلهوب اللي ماقصر وحطها في المرمى كهدف اول ...

اللي ابغى اقوله ان ياسر بمستواه هذا حتى لو ما سجل اهداف يكفينا

...فالروح والمستوى كانا في القمه عند ياسر ...وان شاء الله دايم كذا ...

&من المباراة&

- تغيير غريب اجراه الكسندر بالزج بالعنبر في هذه المباراة وفي مثل هذه الاجواء

... وانا اعتقد ان الانسب كان الكابتن "أحمد الصويلح" :nrey: ...والله مو تعصب للصويلح او غيره ولا لكن الصويلح كان الانسب ..ولكن الامر الاول والاخير للمدرب ...وتبقى وجهة نظري الشخصيه ...

- صراحة وبكل امانة ما حسينا بكماتشو الا يوم غاب ...لاعب يقرا الملعب صح يعرف وين يلعب كورته ..بغض النظر عن البرود اللي يتميز به

...

- يعطيكم الف الف عافيه ياجمهو رالشرقيه ماقصرتوا وبيضتوا الوجه وتستاهلون هذا الفوز

..واتمنى من جمهور الرياض ان ياخذ من جمهور الشرقيه قدوة في الحضور والمؤازرة

...

وآسف على الاطاله ...ويبقى الموضوع تعبير عن وجهة نظري الشخصيه لا اقل ولا اكثر ...

ولكم مني احلى تحيه ...."ابوناصر"...

ســـــــــــلام

هلاي سامي · #2 02/01/2006, 11:01 PM

فداه كل البلنتيات
لكن وبكل صراحة مو هذا المستوى الذي كنا ننتظره من ياسر
كل التوفيق لياسر والهلال

الزعيم-أحمد الصويلح- · #3 02/01/2006, 11:18 PM

إقتباس

الرسالة الأصلية كتبت بواسطة هلاي سامي


	فداه كل البلنتيات لكن وبكل صراحة مو هذا المستوى الذي كنا ننتظره من ياسر كل التوفيق لياسر والهلال

يعطيك الف عافيه اخوي على مرورك اللي تشرفت به صراحة

..

واكيد احنا نطمح للافضل واكيد ياسر عنده افضل من كذا ....بالتوفيق ان شاء الله لياسر والزعيم ...

ولك مني احلى تحيه ..."ابوناصر"...

ســـــــــــلام

ساميو حضر · #4 02/01/2006, 11:23 PM

فـــــداك 100 بلنتي يـا يـــــــاســــــــر
..
بالعكــس انا اشوف ان الزج بـ العنبـــــــر كان مناسب جداً
..
يعطيك العافيه على الموضوع ..

nasoory · #5 02/01/2006, 11:25 PM

يفدااااااك 1000 بلنتي يا ياسر

الرزونيري · #6 02/01/2006, 11:26 PM

..بالعكــس انا اشوف ان الزج بـ العنبـــــــر كان مناسب جداً
..
يعطيك العافيه على الموضوع ..

C a T a L o O n Y · #7 02/01/2006, 11:33 PM

تفداك البلنتيات كلها بس نبي مستوى افضل من هذا بمراحل ,,

عبدالله707 · #8 02/01/2006, 11:52 PM

لو ضيع البلنتي واحد ثاني لقامة القيامه

عموماااا مشكور وتسلم يديك

LiJ dJJI · #9 02/01/2006, 11:58 PM

تفداااك كل البلنتيااااااااااات

وألف مبروووووووووووووووك الفوز

والدور ع الوحده

هلالي شقراء · #10 03/01/2006, 12:16 AM

ايه والله صدقت تفداك كل البلنتيات ياياسر اذا كان يبي يضيع ويطلع بمثل هذا المستوى

اما بخصوص اشراك العنبر انا كنت افضل الصويلح لكن المدرب اعرف مني ومنك

مشكور

السيف العارض · #11 03/01/2006, 12:20 AM

يفداه 1000000 بلنتي

وان شاء الله نشوف الزعيم رافع الكاس

دمتم

فيصل707 · #12 03/01/2006, 12:24 AM

يفداك 20 بلنتي يالقناص

جمجوووم..} · #13 03/01/2006, 12:40 AM

والله ابداع ياياسر

ما قصرت اليوم

الألـمـعـي · #14 03/01/2006, 03:28 AM

جعل البلنتي فدوى عيونك يا قناص