نادي الهلال السعودي - شبكة الزعيم - الموقع الرسمي - أنتم واش تبون بالظبط ؟؟!!! عيب عليكم والله ..

السلام عليكم ورحمة الله وبركاته ..
مساء الخير لكل الهلاليين الغاليين .. ومبروك الفوز وعبقال البطولة .....

حقيقة ما ادري بعض جماهير الهلال واللي موجودين هنا بالشبكة وفي غيرها من مواقع الأنترنت .... ما يعجبهم العجب ... يعني الفريق يلعب ممتاز واللاعبين يؤدون بمستوى وخطة جميلة جدا بالنسبة لمبارايات الكؤوس ... والوضع ما شي تمام لكن بعضهم الله يهديه يحب ينتقد اي شيء يعني ابنتقد وبس ...

ياسر القحطاني ضحى بالملايين من أجل الهلال وعشقه الهلال ولعب ممتاز بالنسبة لي أنا وغيري ما علي منه ... وقاتل حقيقة في المباراة مع انه رأس حربة وحيد قدام مجموعة من المدافعين ومع هذا ما سلم من بعض الجماهير اللي ما ادري واش تبي بالظبط ؟!!!!!!

غريبة حال الجماهير الهلالية حقيقة ياناس احمدوا ربكم على هالفريق وعلى هاللاعبين الكبار حقيقة الهلال يا ناس مسيطر على البطولات المحلية وبطولاته يتمناها أي فريق وفيه ناس خسرت ملايين علشان ربع بطولة مع هذا ما حصلوها وأنتم جالسين متكين في بيوتكم وتنتقدون ياسر وكاماتشو وتفاريس وغيرهم .... لا وفيه ناس بعد طالعين لي الحين بالمدرب ولازم ان ابوسلطان يشيله !!!! ليه ابو سلطان في برنامج ما يطلبه المشاهدون انتم تطلبون وهو ينفذ على طول !!!!!!

ابو سلطان خسر الملايين الكثيرة على الفريق ودفع وناظل علشان الهلال ومن حقه على الجماهير انها تترك الأمور الإدارية لأهلها وتكون في أدوارها وهي مساندة الفريق في لقاءاته ..... وبعدها حاسبوهم كلهم من الرئيس حتى مسئوول الملابس ...

القادسية داخلين في ضغط نفسي رهيب خلاهم فيه المهبول الزامل والياقوت استجابة لولي أمرهم البلوي حتى أن لاعبي القادسية تشوفونهم من بداية اللقاء وهم مكشرين وضايقة صدورهم تقول ميت لهم أحد أو توهم طالعين من خناقة .... بعكس لاعبي الهلال اللي واضح كثير أنهم مهيئين نفسيا للقاء .... هذي ما تعني لكم شيء ؟!!! ما تبين لكم أن فيه جهد إداري مبذول وأن لاعبي فريقكم عندهم من الخبره الكثير واللي يخليهم يتعاملون مع اللقاء بالشكل الصحيح والمهم الفوز في لقاءات الكؤوس ..

حقيقة ألف مليون مبروك للرئيس الهلالي ولكافة اللاعبين ولكل مشجع هلالي وأتمنى من جمهور الهلال ان ينظر بعين الواقعية ونترك المثالية الزائدة والإنتقاد بعد كل مباراة بس لمجرد الإنتقاد .... وأرفعوا من معنويات فريقكم في باقي اللقاءات وخاصة انتم يا جمهور الرياض اللي تارسين المقاهي وبعد المباراة حش بس بالفريق وحقيقة بعضهم مو كلهم علشان ما يزعل الجمهور الوفي ...... ومع السلامة وهذي صراحة خاطرة في قلبي ودي اكتبها من زمان وشفت ان الحين الوقت مناسب واللي يبي يزعل ترضيه البطولة إن شاء الله ....