مر1111حب يا حلوين ,,,

طبعاً هذا الموضوع هو من الخيال ولا يمت للواقع بصله انما اردت ان ارسم بعض الابتسامه على براطمكم ووجيهكم المنوره ... لانكم اكيد متضايقين من مباراة امس ... مالومكم ؟؟؟؟

البارح قبل ما انام جاتني وحده من بنات افكاري وهم ياكثرهم وماني ناوي اتزوج ولا وحده منهم ... المهم جاتني اصغر وحده فيهم وصكتني بهذا الموضوع ؟؟؟؟

طبعاً الاستاذ الرياضي ومباراه في كورة القدم بين فريق الهلال من الرياض ,, والاتحاد من جده ...

الين هنا الموضوع عادي بس اللي ماهو عادي الجمهور كله من الفتيات والنسوان والصبايا .. ( وش الفرق مدري ؟؟؟ ) وخلونا نشوف المدرجات ايش بيسير فيها من تشجيع !!!
طبعاً جمهور الهلال يصارخن ويغطرفن ويغنون بصوت واحد
وجمهور الاتحاد كل وحده ماسكه علم وهات يارقص وتطبيل

بين المدرجين الهلالي والاتحادي بنتين واقفين قدام ....... بعض الاتحاديه تقول للهلاليه : وجع في شكلك انتِ وعيونك هادي يا بدويه جايبه مضير وتقولين بيتي فور

الهلاليه ترد عليها : الا وجع يرفس بطنتس يا المخيسه يا حضريه يا اكالت العسكريم !!

الاتحاديه : اقولك روحي هناكه ريحتك قارفتني الله يقرفك ريحة لبن وجبنه .. ارجعي ورااا

الهلاليه : اقول يا حرمة بوباي والله لو ما تنطمين لأترفس فوق بطنتس واسوي من جدايلك ذي نبيطه يلعب فيها اخوي سعيدان !!

ترد الاتحاديه : واشبه اخويه فؤاد بيسكتلك انتِ والقرد اخوكِ

فوق هناك في آخر المدرج وحده تبكي والبنات يهدونها ويطيبون خاطرها :
آآآه يا عمري يا نواف طيحوك الوحوش !!!
البنات بريدون عليها : بسك عاد ويش فيك والله ما فيه شيء بس انه يمثل على الحكم !!!

ثنتين قاعدات ما يدرون عن المباراه وحده ماسكه ورقه وقلم والثانيه توصف لها طريقة عمل البسبوسه !!!!

وحد اتحاديه سمرا تناقز وتصيح بصوتها كله ( الهقه اهمد جميل اكسر رجله اليك فيه )
ووحده جنبها هلاليه طاقه البرقع وريحة عطرها معبيه الملعب تصكها ذاك الكف اللي يحبه قلبك ويسود الصمت ؟؟؟؟

عربجيه هلاليه وعربجيه اتحاديه قدام بعض ...
الهلاليه \ اقول يأم صعاقيل كنها صعاقيل جدي وراا ما تروحين تجمعين قواطي الببسي من الزباله ازين لك انتِ وشوشتك
الاتحاديه \ بس يابت اديكِ دحينه ركبه وراس ادخلك في القرطاس وجع يوجع كرشك ويقسمه نصين

وحده من اهل الجنوب تحسب انه فيه عرس ودخلت ما تدري ويش السالفه قاعده تقول : الله ياذا الفغره ... ( تقصد الحكم ) يأخذ عقلك اقول امنعنا من ذا الخبال بقعاء تصوعك ابو العوال ينتظرني تحت والله ليصلخ ظهري اذا درااا انها كوره ما هو زواج !!!

ويطلق الحكم صافرته معلناً انتهاء المباراه بتعادل الفريقين بهدف لكلاً منهما !!!!!


تبي تشوف المباراه ارعص هنا ..
com. باواوااا .www
;)


I'm BoW WoW ....