#1  
قديم 01/01/2006, 03:19 AM
زعيــم مميــز
تاريخ التسجيل: 15/02/2005
المكان: الرياض
مشاركات: 1,836
اقتراح اريد منكم التفكير فيه

بسم الله الرحمن الريحم

السلام عليكم ورحمه الله وبركاته



اخواني اخواتي اقتراح اتنمى ان يحوز على رضاكم واتمنى ايضا ان يكون له اصداء في الاتحاد السعودي




سعد الحارثي هلالي سامي الجابر او ياسر القحطاني نصراوي
محمد نور اهلاوي حسين عبد الغني اتحادي


عارف انكم تقولون وش يبي هذا وش قصته شكله مخرف لا والله ماخرفت ولا شي لكن انا ابقولكم وش اقصد من هذا الكلام

مباراه في استاذ الملك فهد جماهير النصر والهلال تشجع فريق واحد والاتحاد والاهلي تشجع فريق واحد او جماهير الهلال والاتحاد تشجع فريق واحد وجماهير النصر والاهلي تشجع فريق واحد

عارف بعد انكم تقولون والله انه خرف وبعضكم يبي يدق على شهار يجي يضفني لكن اصبروا شوي

الجميع يعلم ان مجتمعنا فيه تعصب كروي وفيه ناس فقيره واجده عارف انكم تقولون وش دخل الفقر في الكوره

كل هذي الاشياء نجمع بينها في مباراه وحده كل سنه

تقولون وشلون انا اقولكم وشلون

يكون فيه مباراه كل نهايه موسم رياضي تجمع بين فريقين الاول من حقق بطوله الدوري والثاني من حقق بطوله ولي العهد

فرضا الهلال حقق بطوله الدوري والاتحاد حقق بطوله ولي العهد نسوي بينهم مباراه الهلال ياخذ لاعبين من النصر مثلا سعد الحارثي بدر الحقباني الاتحاد ياخذ لاعبين من الاهلي مثلا حسين عبد الغني محمد مسعد

وانا اقصد ان الهلال ياخذ لاعبين من النصر والاتحاد ياخذ لاعبين من الاهلي لكي ننبذ التعصب يعني ان جالس وجنبك نصراوي وكلكم تشجعون فريق واحد لان هذا فريقك وهو يشجعه لان فيه لاعب من فريقه وايضا لكي نضمن اكبر حضور جماهيري

ولاتكون مباراه على كاس او شي ثاني لا تكون مباراه الدخل المادي حقها يكون للفقراء يعني قيمه التذاكر النقل التلفزيون و الاعلانات

لايوجد سلبيات فيها لان اللاعبين لا تكلفهم شي مباراه وحده مهب ضاره

ايضا لايمنع من حضور شخصيات ممثله او شخصيات رياضيه معتزله مثل يوسف الثنيان او ماجد عبد الله ناصر القصبي او اشخاص اخرون لكي يضيفون نكهه على هذه المباراه

اتمنى ان يكون الاقتراح اعجبكم ولا نبخل من انقادكم البناء وشكرا لكم

اخوكم هلالي شقراء
اضافة رد مع اقتباس
  #2  
قديم 01/01/2006, 03:46 AM
الصورة الرمزية الخاصة بـ DR.NO
زعيــم نشيــط
تاريخ التسجيل: 16/04/2002
المكان: Riyadh
مشاركات: 906
اقتراحك حلو اخوي هلالي شقراء
بس صـــــــــــــــــــعب شوي ..

لأسباب كثيرة ..
منها (( ضيق الوقت ورانا كااس عالم ;) ))

وبعدين قووول سووها بعد كااس العالم ..
الفائدة منها ضعيفة جدا اذا كان الهدف هو " نبذ التعصب " لأن الحل في التعصب ليس في لعب نجم فريق في الفريق المنافس له وامام جماهير ( ربما تكرهه ) وتبيهم يرضون انه هاللاعب ( اللي يكرهونه ) يلبس فانيلتهم او يلبس رقم يمكن يكون غالي عليهم ؟؟ + المشاكل بين الاندية الكبيرة مع بعضها و بين اللاعبين (( وصلت للمحاكم )) مع بعضهم وبين الجماهير ايضا (( ماودك تقعد بالملعب وجمبك واااحد
" متعصب و معصب " من الفريق المنافس ))..

ما اظن


================
هذا رأيي الشخصي وتقبل تحياتي
dr.no
اضافة رد مع اقتباس
  #3  
قديم 01/01/2006, 03:49 AM
زعيــم نشيــط
تاريخ التسجيل: 15/11/2005
المكان: القصيم
مشاركات: 730
اقتراح جميل لكن اطعني اذا نفذ حنا عندنا مرض التعصب زي انفلونزا الطيور ماله علاج وقريبا جدا راح نحصل اضراره
اضافة رد مع اقتباس
  #4  
قديم 01/01/2006, 04:12 AM
زعيــم مميــز
تاريخ التسجيل: 01/05/2005
المكان: الرياض
مشاركات: 2,274
اخوي اقتراحك حلو بس الاسلوب اللي ذكرته بيزيد التعصب ولن يقلل منه ..
لو تغير اشياء بسيطة .. مثل ان المباراة تكون بين نجوم المنطقة الوسطة ونجوم المنطقة الغربية.. ويجمعون من نجوم الهلال والنصر والشباب في فريق .. ويجمعون من الاتحاد والأهلي و الوحدة مثلا في فريق .. وتكون المباراة خيرية ..
أما انك تلعب المباراة الخيرية بشعارات الأندية هذا اللي بيزيد التعصب .. شكرا لك على الموضوع
اضافة رد مع اقتباس
  #5  
قديم 01/01/2006, 04:24 AM
زعيــم مميــز
تاريخ التسجيل: 15/02/2005
المكان: الرياض
مشاركات: 1,836
اخواني شاكر لكم مروركم وبخاصه انتقادكم لان الفكره جتني وقلت احطها لكم وانا عارف ان فيها اخطاء وشكرا على انكم صححتوا اخطائي

ولكن اخوي الغالي dr.no

الفائد ليست فقط في نيذ التعصب ولكن فيه ايضا مساعده للفقراء
اما زياده التعصب فما اعتقد لان الدعوى كلها مباراه خيريه لا تقدم ولاتاخر وهذا حل من بعض الحلول لكي ننبذ التعصب الي طغى وبشكل كبير على مجتمعنا

واكرر شكري لكم جميعا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:07 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube