هل يفعلها ابو سلطان وينفذ ماعجز عنه عبدالله بن مساعد (( صورة )) - نادي الهلال السعودي - شبكة الزعيم

المشذاب · #1 30/12/2005, 11:12 AM

-

بعد التخاذل الجماهيري المؤسف من جمهور الرياض ..

والاعذار الواهية ..

- بداية الموسم .. اختبارات .. برد .. حر .. وسط اسبوع ... فريق اولمبي .. الفرق المنافسة ضعيفه .. الملعب بعيد .. الصبات توجع ..

وينك عن جمهور 1408 اللي قعد شوط كامل تحت المطر والبرد .. وجابوا كاس الخليج ..

الله واكبر عليكم .. واحد يقول انا ما احضر علشان السب واللعان .. ولا الدخان .. ولاطبل حماده ..

ان شاء الله نرفع للرئاسة يحطون كنب وجلسات وعوازل .. ودفايات عن البرد

وحيث ان المنقذ الوحيد لجمهور الرياض هم جمهور هذا الملعب اللي بالصورة ..

وا اتحدى اي واحد ينكر هالشيء ..

ولم ينقذ حفل الاعتزال الا هم .. والله شاهد على مارأيت من اعلام هلالية على طول 300 كلم ..

ولايفزع بالنهائيات الا هم . ولا انسى جمهور الشرقية ..

الا يستحقون مكافأة مبارة دورية عادية تقام في ملعبهم ..
واتمنى ان تكون مبارة الحزم القادمه .. حيث انها ستقام في وقت الجميع يكونوا مشغولين بالحج ..
واتوقع حضور بسيط للمبارة بالرياض ..

والحزماوين سيوافقون على نقل المبارة بالتأكيد .. لانها كأنها تعتبر على ارضهم ..

ولايخفاكم الحضور الجماهيري والشعبيه الهلالية في مباريات الهلال الذين كانوا اكثر من الحزماويين في عقر دارهم ..

اللاعبون ليسوا مكائن لتطالبوا وتطالبوا بدون حضور ..

انهم يحتاجون جمهور ... ولا شي غير الجمهور ..

ومن يعلم ربما تدخل الفكرة الادارة الهلالية .. ويقتنعون ان عامل الارض ليس مهما بقدر الجمهور ..

يعلم الله انني كنت مترددا في تنزيل مثل هذا الموضوع الذي يطالب بنقل المباريات ..

ويوم عن يوم .. اقول لا .. ان شاء الله بيجي جمهور ..

لكن الحين طفح الكيل عقب مبارة الانصار ..

أسألكم بالله جمهور الفقر ماذاق بطولة من 9 سنين .. وش عليه يجون ؟؟؟

وانتم كل طلباتكم ورغباتكم اوامر فوق راس ابو سلطان اللي ضحى بدراسته علشانكم ..

لهدرجه هان الهلال عليكم ..

تحيتي لعشاق الهلال اللي ماتركوا ولا مبارة الا حضروها .. ولا عزاء لشلة الاعذار والتسدح ..

-

الصورة لاستاد الملك عبدالله ببريدة الذي يتسع لخمس وثلاثين الف متفرج .. (( نفس سعة الملز وملعب جدة ))

وما الوم عبدالله بن مساعد يوم يهدد بنقل المباريات ..

هلالي_ ميلاني · #2 30/12/2005, 11:16 AM

والله جمهور الرياض ماله أي عذر

شوفوا جمهور النصر شلون يدعمون فريقهم وهو ماجاب بطوله من 9 سنين

وحنا كل سنه بطولات بدال البطوله

ومباراه الاعتزال لا تنسى جمهور الشرقيه واللي جاي بالمئات للرياض

هلالي أصلي · #3 30/12/2005, 11:21 AM

جمهور الرياض ماله عذر يجي بس لالاننسى اننا نشكر الي يجون

جمهور الهلال بالمناطق الأخرى لا لعب الهلال يحضر بكثافة لكن إذا لعب الهلال بالرياض

تشوف بالمواضيع بالشبكة أنا بحضر وبجيب 6 وأنا بجيب 5 ووالله ولا أحد منهم يحضر شوفوا جمهور المناطق الأخرى لكن لاننسى جمهور الرياض لما يحضر بالنهائيات والمباريات المهمة المشكلة مباراة الأنصار مهمة والي حضروا (بالدرجة الثانية انت تشوفهم قليل) لكن لو جبت الجمهور الي بالدرجة الأولى مع الرابطة وحطيتهم بالدرجة الثانية شف الفرق جمهور النصر لا شلت الرابطة وحطيتها بالدرجة الأولى بتشوف واحد أوا 2 قاعدين بالدرجة الثانية

Z3EEM ASIA9 · #4 30/12/2005, 11:39 AM

والله ماعندهم اعذار صح يا برد........حر
شنهو اعذار اطفال والله
شوفو الجمهور الهلالي بالشرقية يوم.............الأثنين
يااااااااااااااااااااااااااااااالله ياكريم توفق نادينا الزعيم

هلالي...حتى المووووت · #5 30/12/2005, 11:49 AM

ياخي ودي ادري ليش مايحضرون !!!

مع اني امس حاضر مباراة الهلال مع النثر (درجة الشباب),,,

اذا كان نقل المباراه من فائدة الزعيم ياليت ينقلونها ,,,

هلالي ساامي · #6 30/12/2005, 12:38 PM

ثبت الموضوع ياااامشرف

خل النايمين واصحاب الاعذار الواهيه يشوفون

ومالومك يا ابو مساعد

يوم قلت الظاهر راح نطلب نقل مباريات الهلال الي خارج الرياض بسبب جمهوره

هلالي 9 للابد · #7 30/12/2005, 01:05 PM

باذن الله .. راح تشوفون جمهور الشرقيه الهلالي !!

I'm In The Dark · #8 30/12/2005, 01:13 PM

راح تشوفون جمهور الشرقيه

alzaeemsaleh · #9 30/12/2005, 01:16 PM

الله يعطيك العافيه اخوي المشذاب
وموضوع يستحق التثبيت

هنادي الهلال · #10 30/12/2005, 01:23 PM

اللي ضر الزعيم في الحضور الجماهيري هو نقل المباريات

زيزووو · #11 30/12/2005, 01:26 PM

انا ابي اتكلم عني نفسي
الموسم هذا من بدا مافاتتني ولا مباراه للهلال في الرياض
بعدين اللي مايحضر ويقول ان التلفزيون احسن ماعنده سالفه

واللي برا الرياض من حقكم تتكلمون على جمهور الرياض بس ترا جمهور الرياض يحضر مباريات كثيره يمكن الشخص يمل من الملعب
(( االحمد لله مافيه امل ان اطفش من الملعب))

وكل مباراة نقول المباراه ذي اللي يبي يمتلي الملعب لكن جمهور الرياض بالعربي

مايعرف يحضر صح الا
قدام النصر وفي النهائيات

C a T a L o O n Y · #12 30/12/2005, 01:28 PM

راح تشوفونا احنا جمهور الشرقيه يوم الاثنين ..

الكناري الأزرق · #13 30/12/2005, 01:29 PM

كلام في محله بس جمهور الرياض دايم يلعب عندهم الهلال عكس المدن الثانية اللي نادر ما يلعب الهلال فيها زيي انا

ساكن بالمدينة واذا جا الهلال ما اصدق واكون اول واحد يجي

مارد البطولات · #14 30/12/2005, 01:30 PM

صراحه كلامك جميل وصحيح

جماهير النصر وفيه مع فريقهاوتحضر مبارياته بكثره والهلال يحقق البطولات ولانجد حضور كبير

ومباراه العين قربت وانشاء يمتلاء الملعب بالكامل

ملك سانسيرو · #15 30/12/2005, 01:33 PM

صح كلامك والله

ونحن أول الحاضرين دائما وأبدا