#76  
قديم 31/12/2005, 10:34 AM
من شيبان العالمية
تاريخ التسجيل: 01/09/2003
المكان: all"olimpico
مشاركات: 6,500
يعني ياخوووووي المشذاب لو انهم ناقلين مباراة كاس الدوري العام الماضي عندكم في القصيم بيجيون مثل جماهير الرياض لا والف لا
يمكن والله مايمتلي على انه 30الف بس والله مايمتلي
انظر الى جمهور الرياض في مبارتهم مع الاتحاد العام الماضي ومع الشباب ومع النصر
ياشيخ الحين الناس برد واختبارات واللي منهم مريض
والتمس العذر لاخوانك والله لو ان الاستاد عندكم في القصيم والله مايمتلي ربعه
نعم جمهور الرياض مقصرين
ولكن عندما تريدهم تجدهم امامكـ
وانظر الى مباراة اعتزال يوووسف
هذا اكبر رد عليكـ
اما مباره الانصار انا حاضرها ومن بعدها الى الان وانا انفلونزا حاده
ولكن كل شي لعيون الزعيم يهوون
وشكرا
اضافة رد مع اقتباس
  #77  
قديم 31/12/2005, 10:41 AM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
الحمدلله ولا مباراة فوتها من بداية الموسم
بس والله انكم من جمبها ياللي ماتجون
ودي يمنعون النقل من اوربيت واي ار تي والرياضيه عشان تعرفون تجون زي الناس


بالعربي جمهور الرياض
حق نصر
وحق نهائيات
اضافة رد مع اقتباس
  #78  
قديم 31/12/2005, 01:30 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
إقتباس
نعم جمهور الرياض مقصرين
ولكن عندما تريدهم تجدهم امامكـ
وانظر الى مباراة اعتزال يوووسف

لولا الله ثم جمهور القصيم ما امتلى الملعب بالاعتزال ... وكأني بالقصيم من كثر الناس اللي شفتهم بالملعب .. والسيارات اللي بالخط ..
غير اهل الشرقية ... غير النصراويين اللي حضروا .. غير اللي جايين من مناطق بعيده ..


-

ثانيا يا اخوان .. انا ماقلت ان جماهير القصيم تملاء ملعب بريدة .. والله لو انه نهائي اسيوي ..

لكن على الاقل بيمتلي نصفه او اكثر شوي .. ويكفيك حماسهم حيث ان الهلال مبطي عنهم .. وهذا اكيد بيكون من صالح اللاعبين ..

وكلكم لاحظتوا الحماس مع الحزم بالرس وكل اللي بالمدرج واقفين وتشجيع واعلام ..



شكرا لكم ..
اضافة رد مع اقتباس
  #79  
قديم 31/12/2005, 09:07 PM
زعيــم فعــال
تاريخ التسجيل: 08/02/2004
مشاركات: 266
بسم الله الرحمن الـــرحــيــــــم

شاهدنا خلال الأيام الماضية بعض اللوم والعتب من قبل بعض الجماهير تجاه جماهير الهلال في الرياض وأنها مقصرة مع فريقها ولا تسانده تلك المساندة المرجوة ، بل قام البعض ببث شائعة مفادها أن رئيس الهلال يفكر في نقل مباريات الهلال إلى خارج الرياض !!! إلى صلبوخ أو بنبان الظاهر

هذه المعاتبة والتهجم الشديد اللهجة من بعض الهلاليين خارج الرياض ليس له اي مبرر سوى الفراغ والفضاوة التي تجعل البعض يثرثر بل فائدة ويبربر بلا نهاية !!

فجماهير الهلال في العاصمة هي الأصل والأساس وشاهد العيان على أمجاد الهلال ومحرك الأجيال القديمة والحديثة والمستقبلية 000 جماهير العاصمة هم وقود الأزرق في الصالات والملاعب تحت حراراة الشمس ومع زخات المطر وفي أيام الغبار والعج والبرد 0

جماهير العاصمة في بدايات الأزرق زفته لأول بطولة دوري ممتاز في تاريخ الكرة السعودية 000 جماهير الهلال في الرياض زفته لإمتلاك كاس الملك إلى الأبد عام 1404هـ رغم غياب أهم عناصر الأزرق يومها ولكن الوقود الأزرق كان مشتعلاً في كل جنبات الملز فكان الكأس للهلال والخلو مدفوع الثمن والدولاب جاهزاً للإنغلاق بالشمع الأزرق على كأس ملك الدولة




جماهير العاصمة هي من زف الهلال لأول لقب خارجي تحت أمطار 1406هـ الشهيرة ، في ذلك المساء كان الهلاليون يشاهدون المباراة التاريخية بجانب الدفايات ومع أباريق الشاهي الساخن فيما هلاليو العاصمة في المطر بمظلاتهم يملأون ملعب الملز تشجيعاً ورعاية لأول بذرة في أرض هلال البطولات الخارجية

جماهير العاصمة زفت الهلال لأول لقب عربي بحضور وصل دخله لمليوني ريال وهو أعلى دخل شهده الإستاد حتى تاريخه وكان ذلك ضد الإتحاد في بطولة الوفاء للراحل عبدالله بن سعد الذي كان قائد جماهير العاصمة في بطولة المطر الشهيرة

جماهير العاصمة حضرت بكثافة في نصف نهائي كاس ولي العهد عام 1412هـ أمام القادسية رغم الأتربة والغبار الذي أجل المباراة إلى يوم لاحق أو أُستكملت في يومها ( لا أذكر بالتحديد هل أُجلت أم أُستكملت وإن كنت أرجح التأجيل )

جماهير العاصمة زفت الهلال بكثافتها التي لم يشهد لها الإستاد الدولي مثيلاً إلى أغلى بطولة في تاريخ الكرة السعودية ألا وهي كاس المؤسس امام الأهلي عام 1420هـ وشاهدت يومها جماهير لم تستطع دخول الملعب والذي كان سيشهد دخلاً تاريخياً يفوق الثلاثة ملايين لو أن المباراة غير مجانية

جماهير الهلال في الرياض هي من أسس حركة أعلام الأسطح الشهيرة والتي تتزين بها اسطح هلاليو الرياض مدمنو فن الأزرق الذي فاض

جماهير الهلال في الرياض هي الطرف الأول في أي نهائي يقام في الشرقية أو جدة وخطوط الطيران تشهد وعلى ذلك طريق خريص يبصم

جماهير الهلال في الرياض هي من يساند الفريق في التمارين وتسدي النصح والتوجيه للإدارة واللاعبين وتزور أعضاء الشرف وإعلاميو الهلال لتؤدي دور معنوي جبار يجهله من لم يعاشر الهلال في الرياض وينام معه تحت سماء واحدة وفي مدينة واحدة

هلاليو العاصمة صفحتكم بيضاء ورايتكم زرقاء تسر الناظرين ولا زلنا نحن عشاق الهلال خارج الرياض ننظر لكم نظرة إجلال وإكبار ونتمنى مشاركتكم دوركم الرائع تجاه هلالنا 00فأنتم نحن ونحن والحق يقال لسنا أنتم فالفرق واضح والهوة وسيعة ولكن عذرنا معنا وقلوبنا معكم 000


نريدكم دوماً مع هلالنا وأنتم كذلك دائماً ولم نشهد منكم تقصير ولم نلحظ منكم خمول وحتى المحطات الفضائية العالمية أوردت جموعكم للملأ وأعرضتها على شاشاتها لتبين كم أنتم عاشقون وبالهلال مغرمون وله دوماً تشجعون 00

ولكن البعض يخونه التعبير ويجهل ترتيب الحروف فالرد عليه لا يحتاج منكم لعنف أو شدة أو تقريع فالملعب ردكم والمدرجات فعلكم والتذاكر صنيعكم الخالد ما بقي هذا الهـــــلال


*** قـــفـــلــــة :

هــلاليــــــو العــاصمــــة 000 هـــم أصل وفصــل وكل أجــــــزاء الســـالـــفــــة

الرد منقول
اضافة رد مع اقتباس
  #80  
قديم 31/12/2005, 09:28 PM
موقوف
تاريخ التسجيل: 19/09/2005
المكان: الرياض <<== يكفيني هواها ..
مشاركات: 926
جمهورر الرياااااض لا تعليق بصراحه


اما عن اللي يجون والله ما عليهم كلام والله يعطيهم العافيه
اضافة رد مع اقتباس
  #81  
قديم 31/12/2005, 09:50 PM
زعيــم متألــق
تاريخ التسجيل: 24/09/2005
المكان: ربـــ الأسياح ـــوع
مشاركات: 1,358
تبغى جمهور الهلال لاتدوره بالرياض أبد أبد


شوف جمهور (( القصيم )) وجمهور (( الشرقية , وابها , جدة , ومكة , المدينة , حائل ))

هذا الجمهور الصح
اضافة رد مع اقتباس
  #82  
قديم 01/01/2006, 12:28 AM
زعيــم نشيــط
تاريخ التسجيل: 01/07/2005
المكان: غرب الرياض
مشاركات: 708
هل من مجيب
اضافة رد مع اقتباس
  #83  
قديم 01/01/2006, 06:37 AM
زعيــم مميــز
تاريخ التسجيل: 26/05/2004
المكان: الرياض
مشاركات: 1,589
بـصـرآحـة مـدري وش آقـول ..

لآنـي تـعـبــت مـن كـثـر الـقـول

وتـعـبـت مـن كـثـر آ’خـتـلآق الآعـذآر

لـن آمـدح فـ نـفـسي ومـآ آبـالـغ
آذا قـلـت اننـي حـضرت جميـع مبـآريات الدوري
وجميع مباريات الكاس وحتى الدورات التنشيطه ..

ولـكـن قـد بـلـغ الـسـيـل الـزبـا ..
وآصـبـح الـجـمهـور الـهـلآلـي بـمـنـطـقة الـريآض مـثـل

(الـجـدآر الـقـصـيـر)

آخـوي الـمـشذآب آشـكـرك عـلـى مشـآعـرك الـطيـبه وآمنيآتـك
بـ نـقـل مبـآريـات الـهـلآل لـمـنطقة الـقصـيـم ..
وذكـركـ لـنآ عـن مشـآهـدة طـريق الـقـصـيـم ممتـلـي بـآلسيآرات الـقادمه للمسـآنده
( وكـآن الـجـمهـور الـهـلآلي الحـآضر والـمالي لـمـلـعـب الـفـهـد آو آسـتـآد الـمـلـز
فـقـط مـن مـنـطـقـة الـقـصـيـم) ..

وآشـكر الآخـوان مـن الـمـنـطقـة الشـرقيـه الـلـي مـآ آبـالغ آذا قـلت (صـجـونـآ)
بـتـكرآر الآسـطـوآنـة وتـردديـهـآ بـعـدم حضـورنـا
وآذكـر حـضـوري لمـبـآرآة الآتـفـاق الـعـآم الـماضي بـآلدمـآم
والـتي آنـتـهـت بـ 3-0 سـجـل مـنـهـآ سـامي هـدفيـن ..

وعـنـد دخـولـي لآرض الـمـلـعـب تـوقـعـت آن الـمـلـعب سـيـكـون ممـتـلئ عـن آخـرة
فـكآن الـحـضـور آشـبـه بمـباريـات الـهـلآل الـوديـه الـتي تـقـآم فـ الـنـآدي ..

حـبـايـب قـلـبـي ..

لـكـل وآحـد ظـروفـه ..

ومـآ آعـتـقـد آنـنـا رآح نـكـون آقـل مـنـكـم فـ محـبتنـآ لـزعيـمنـآ
هـذآ آذا مـا كـان آكـثـ..!!..ـر ..

آعتـقـد آن الآسـبـاب كـثـيـرة ..
وطـفشـنـا مـن كـثـر مـا نـكـرر ..

خـصـوصـآ آنـك رآح تـشـتري رآحـتـك وآنـت جـآلـس فـ بيـتـكـم
ومـن دون آزعـاج ولآ تـرجيـم ولآ حـر وبـرد وعـجـعـجة دخآن
ونـاس مـا تمـسـك الـسـنـهـآ
وجـمـاهـير مـحسـوبـة عـلـيـك مـن فـئة الـمـرآهـقين وطـوال الـطـوآقي

ولآ تـنـسـى لـو تـم نـقـل جـميـع مـبـآريـات الـهـلآل لـ آي مـن مـنـآطـق الـممـلـكة
صـدقـنـي مـهـمـا كـان الـحـضـور فـ آول مـبـاراة رآح يـنـخـفـض مع مـرور الـوقـت ..

لآن الـجـمهـور الـهـلآلـي مـن الـريـآض تـشبـع ..
خصـوصـآ وآنـت تـلـعـب آمـام فـرق لآ تـحـمس وتـلـعـب بـخـطط دفـآعيـه مـثـل الآنـصـآر وفـرق الـمؤخـرة ..


آخـوي وعـزيـزي آتـمـنـى بـدآل طـرح هـذه الـمـوآضيـع الـتـي تـسـبب الـبـغـضـآء
بيـن جـمـآهير الـريـآض والـمـنـآطق الآخـرى

طـرح مـوآضـيـع تـنـشـد وتـشدد مـن آهـميـتـهـم كـجـمـهـور عـآصـمـي ..

ومـثـل مـا قـآل الـمـثـل : مـالـك الأ خـشـمـك حـتى لـو كـان آعـوج ..


ومـهـمـآ آخـتـلـفـنـآ فـ الأراء نتـفـق فـ مـحبـة الـزعـيـم ..

وسـآمـحـونـآ ع الآطـالـه ..


يالله يالله وداعة الله ’’

آخــــــــــــــــــــــــــوكم مــــــــــــــــــــــراوغ
اضافة رد مع اقتباس
  #84  
قديم 01/01/2006, 07:45 AM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
إقتباس
هذه المعاتبة والتهجم الشديد اللهجة من بعض الهلاليين خارج الرياض ليس له اي مبرر سوى الفراغ والفضاوة التي تجعل البعض يثرثر بل فائدة ويبربر بلا نهاية !!

هاللي يثرثر بدون فايدة .. دافعن دم قلبه علشان بنزين وزيت ومصاريف .. وخير ماله كسرة طالب عزوبي ..
هاللي يثرثر بدون فايده ضحى بدراسته علشان الهلال .
هاللي يثرثر بدون فايدة .. متغطي بفروته ونايم على جنب الخط بطريق الرجعه.. من زود التعب ماقدر يسوق ..
هاللي يثرثر بدون فايدة يقول ليش اتعب واقطع 300 كيلو واذا جيت ابوصل الملعب لقيت القهاوي مليانة ..
هاللي يثرثر بدون فايدة هو من مشى من بيتهم الى ملعب التعليم على رجوله يوم مالقى احد يوديه .. وهو بزر عمره 14
هاللي يثرثر بدون فايدة
هاللي يثرثر بدون فايدة ..

بعدين اخوي كل الامثلة اللي ذكرت مباريات نهائية قديمة مهيب مقياس لكلامنا عن الحضور من تالي ..
بعدين الغالبية من الجماهير راحت عقب الجيل الذهبي للهلال ..
مابقى يحضرون الا الاوفياء اللي ماتهمهم الاسماء ..



اخواني من ردودكم تبين لي انكم تشبعتم وتتحججون بأن مباريات الهلال كثيرة بالرياض .. وليس من المعقول ان تحضرونها كلها ..

اذن تبرعوا لاخوانكم لو مبارة واحدة حتى تشتاقون للهلال ..

خصوصا ان من سيحضر لمبارة الحزم في بريدة اكثر ممن سيحضرها بالرياض .. وبيشجعون بحماس ..

وشكرا ..



اخيرا يا اخوان ان عارف ان الامل بنقل المبارة مايجي ولا 10%

لكن اعتبروا موضوعي تحفيز لجمهور الرياض حتى يجي ..
اضافة رد مع اقتباس
  #85  
قديم 01/01/2006, 08:15 AM
زعيــم متألــق
تاريخ التسجيل: 25/11/2002
المكان: بريده
مشاركات: 1,140
والله يالمشذاب موضوعك رووعة وانا كنت من زمان ناوي احط موضوع زيه لكن خايف ردود الفعل...

على فكره أنا أذكر حضرت مباراة الهلال والنصر الموسم الماضي (الدور الثاني 1/1) وكان طريق الرياض القصيم السريع مليان أعلام هلالية ويوم وصلنا الملعب شفت أغلب الشباب اللي أعرفهم اللي معي في الجامعة واللي من الحارة واللي معرفة قديمه يعني ملينا الملعب...

أتمنى أقامة مباراة ودية في القصيم وليس نقل مباراة من الدوري أو من الكأس..
اضافة رد مع اقتباس
  #86  
قديم 01/01/2006, 08:28 AM
الصورة الرمزية الخاصة بـ هلااالي الماااسي
زعيــم مميــز
تاريخ التسجيل: 07/08/2005
المكان: jeddah - london
مشاركات: 3,276
صراحه كلامك جميل وصحيح

جماهير النصر وفيه مع فريقهاوتحضر مبارياته بكثره والهلال يحقق البطولات ولانجد حضور كبير


ومباراه العين قربت وانشاء يمتلاء الملعب بالكامل
اضافة رد مع اقتباس
  #87  
قديم 01/01/2006, 08:30 AM
موقوف
تاريخ التسجيل: 23/07/2002
المكان: قلب كل هلالى (مدينة نواف )
مشاركات: 1,229
Talking

ثبت الموضوع ياااامشرف

خل النايمين واصحاب الاعذار الواهيه يشوفون

ومالومك يا ابو مساعد

يوم قلت الظاهر راح نطلب نقل مباريات الهلال الي خارج الرياض بسبب جمهوره

صدقت اخووووووووووووووووي المشذاب
وياليت تتحقق الامنيه و يتم وضع مبارة الحزم في ملعب الملك ((( عبد الله بن عبد العزيز )))

كأن تشوف الجماهيرررررررررررررر على اصولهااااااااااااا والى تقدر النجوووووووووووم
اضافة رد مع اقتباس
  #88  
قديم 01/01/2006, 10:27 AM
زعيــم جديــد
تاريخ التسجيل: 02/10/2005
مشاركات: 2
مشكور يالغالي
اضافة رد مع اقتباس
  #89  
قديم 01/01/2006, 01:08 PM
الصورة الرمزية الخاصة بـ الألـمـعـي
مشرف منتدى الجمهور الهلالي
تاريخ التسجيل: 04/09/2004
المكان: رجال ألمع - عسير
مشاركات: 9,259
جماهير الرياض مالهم عذر نهائيا
اضافة رد مع اقتباس
  #90  
قديم 01/01/2006, 02:11 PM
زعيــم فعــال
تاريخ التسجيل: 30/10/2005
المكان: في المويه وبالهلال
مشاركات: 250
الزعيم المشذاب

بصراحه مشكور

وقصدي اللي في الرياض ( وصفناهم وقلنا اشباه هلاليون )

قدملي دعوه وعطني تذكره مجانيه ,,,,,,,, ويمكن احضر

اخوي المشذاب
جمهور الهلال الذي يحضر نعرف من وين ( الدلم بريده ( عنيزه الرس ) والشرقيه والخرج والمدن القريبه من الرياض بل بعيده

يقطعون مئات والالاف الكيلومترات واللي في الرياض ( قصدي اكثرهم ) لان هناك جمهور يستحق الاحترام
مايقدرون يمشون ( امتارقليله )

وعلى العموم حتى ولوثبت الموضوع ( الاداره الهلاليه لن تنفذ بس وينك يالامير عبدالله بن مساعد اللي اقسم انه لواستمر في الرئاسه لنقل المباريات
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube