بكل بساطة....... انتهى الدوري الانجليزي - نادي الهلال السعودي - شبكة الزعيم

FhOoOoO · #1 29/12/2005, 08:27 PM

نعم انتهى

انتهى الدوري الانجليزي مع انه باقي 17 جولة على نهايته الفعلية

ولكن البلوز ومن وراهم الداهية

مورينهو خربوا على

العالم متعة هذا الدوري وقتلوا المتعة فيه بعد نهاية الدور الاول ففرق 11 نقطة عن تشلسي صعب تعويضها او بالاصح

مستحيل تعويضها فهل تعتقدون ان البلوز سيفرط في 11 نقطة او هل تعتقدون ان الفرق الاخرى ستحقق الفوز في كل

مبارياتها اذا كانت تنهزم من البورو ومن الويست بروتش وغيرها من الفرق الضعيفة فلذلك نبارك للبلوز هذا الدوري

الثاني على التوالي ونقول للفرق الاخرى عقبالكم ان شاء الله ولكن بعد 10 سنوات

مساكين الفرق الثانية

والله اني ارحم الفرق الثانية اذا لعبوا قدام تشلسي فهم مايدرون يهاجمون عشان يسجلون تلقاهم يلقمون واذا دافعوا

تلقاهم يلقمون مافيه حل مع البلوز

ومسكين المدرب اللي يقابل تشلسي مايدري هل مهمته انه يبحث عن هدف او انه يقفل ويحاول مايجيه هدف ولكن

للاسف النتيجة مايجيب هدف ويلقم مرمى فريقة الاهداف

فرصة
نعم هي فرصة للمان يوناايتد وولليفر وللارسنال بالفوز بالمركز الثاني بعد تشلسي وهو شرف لهم وصدقوني ان ياتي

فريق في المركز الثاني بعد تشلسي باقل من عشر نقاط وفي دوري طويل فهو انجاز له

وفي النهاية اعود واكرر ان الدوري الانجليزي انتهى فلذلك فلنبارك لتشلسي ولتتنافس الفرق الاخرى على المركز

الثاني

man united fan · #2 29/12/2005, 08:30 PM

المان يونايتد جي لكم يا تشلسي و تحلمون تاخذون الدوري مننا صح أن 11 نقطة لكن شوفو الخساير إلي بتجيكم

الجيات أكثر من الروحات

المان يونايتد و بس و تشلسي ياكل خس

man united fan · #3 29/12/2005, 08:48 PM

ههههههههههههههههههه

خلصوا الأندية تشلسي أصلاً الإسم من وين جاي

لا تنسون خسرتوا مننا . 41 مباراة ما خسرتوا و جاكم الشياطين الحمر و وقفكم هرررررررررررررررررع

الشياطين الحمـــــــــر = إسم خشن و فريق أخشن

مو

البلوز = فرقة إنجليزية

كتلوني الهلال · #4 29/12/2005, 09:06 PM

مع احترامي لك اخوي FhOoOoO

فعلا ً الوقت بدري عليه

يعني يمكن 60 % الدوري للبلوز بس الواقع

غير ذلك الكوره مالها امان

وان شاء الله نشوف فيها تنافس

I'm In The Dark · #5 29/12/2005, 09:18 PM

صحيح كلامك لانك تتكلم بالواقعيه

يعني نشاهد المان يونايتد ينهزم من اي فريق او يتعادل من اي فريق وه>ا شي سلبي للمان

اما اللي يقول ان الشياطين الحمر فازت على تشلسي احب اقولك ياعزيزي ان هجمه واحده فقط اللي جبتوها ومدري شلون جات اما الباقي كله عند مرماكم عجل نسبة الاستحواذ 80 % لتشلسي استح ياعم

Y A S E R · #6 29/12/2005, 09:22 PM

والعلم عن الله أتوقع ان كلامك صحيح 100%

وحصول تشيلسي على الدوري مسألة وقت فقط !!

ابو حنفي · #7 29/12/2005, 10:50 PM

مادري على اي اساس حكمت ان الفارق 11 نقطه ؟؟

لان الدور الاول مانتهى الى الان
ليفربول لديه مباراتين مؤجلتين الفوز فيها سيجعل الفارق 9 نقاط ..
9 نقاط خلال دور كامل وكل شي يمكن يصير !!

وان شاء الله تنتهي التسهيلات التحكيميه لتشلسي علشان نشوف منافسه حلوه ..

BOOCHI · #8 30/12/2005, 03:57 AM

[align=center]اخوي لا تتسرع

الخير جايك

, تشيلسي فريق قادر انه ياخذ الدوري لكن لا تتسرع وتحكم
هذا كره قدم ماتدري يمكن تلاحق الفريق اصابات الله لا يقوله وغيره من مشاكل

انت جالس تتكلم وكأن الدوري في اخر خمس جوالات !! , لا ياحبيبي الارسنال الي هو يفرق عن تشيلسي ب20 نقطه
عنده امل , يمكن انك تشوف الواقع والي قاعد يصير يدل ان تشيلسي حسم البطوله , لكن اصبر
الليفر قادم بقوه , والمان حتى لو تعثر ترا مانشيستر يونايتد ماهو وسيت بروم ولا سندرلاند , فريق كبير!
بالتوفيق للتشيلسي ان شاء الله

[/align]

G E R R A R D · #9 30/12/2005, 04:14 AM

السلام عليكم

اخوي ترا الكورة الاوربيه غير المحليه

هذا اذا كنت تتابع الكرة المحليه اصلا

مافيه شي اسمه محسوم حتى اخر جوله

ومثل ماقال ابو حنفي ليفربول باقي له مباراتين مؤجلتين لو فاز فيها راح يكون الفرق 9 نقاط

ونفترض انه فاز على تشلسي ...راح يكون الفرق 6 نقاط

وتشلسي باقي له مانشستر يونايتد ايضا مرة اخرى والمان هو الوحيد الذي استطاع ان يفوز على البلوز

ايضا هناك مباريات اخرى ودور كامل

ولاتنسى ان تشلسي نفعته الاخطاء التحكيميه كثيرا ,, واخرها عندما لعب تيري كلاعب يد داخل منطقع الجزاء امام فولهام

ننتظر ونشوف

ابو يعقوب وبس · #10 30/12/2005, 04:20 AM

إقتباس


	المان يونايتد و بس و تشلسي ياكل خس

خس مافيه مانع .. على شرط تجيبه من عتيقّه

BOOCHI · #11 30/12/2005, 04:21 AM

[align=center] شيفا اوين
انت شايف مباراه فولهام كامله؟
ماشفت البلنتي الي ما انحسب لتشيلسي ؟
دفاع فولهام ماخش براسه خش بـ بيده وطلعها ركني !
انا مابي افتحها سيره , لكن مو تشيلسي الي يساعده التحكيم فقط زي ماتقولون![/align]

مدريدي الي الابد · #12 30/12/2005, 04:42 AM

برشلونة واتشلسي حسمو القب

راحت على البقية

الأسد الانجليزي · #13 30/12/2005, 09:09 AM

كلامك 50% صحيح
ممكن ليفربول يفاجئ تشيلسي عند مباريتين مؤجلتين

abo_waled · #14 30/12/2005, 12:19 PM

أخوي لو نحسبها كذا

حتى الدوري الإيطالي خلص وألأسباني كذلك

FhOoOoO · #15 30/12/2005, 02:15 PM

اولا حبيت اشكركم جميعا على تفاعلكم مع الموضوع

man united fan

إقتباس


	المان يونايتد و بس و تشلسي ياكل خس

الله يقطع سوالفك ذكرتني بايام الابتدائي

إقتباس


	41 مباراة ما خسرتوا و جاكم الشياطين الحمر و وقفكم

فرحانين بها الفوز !!!!

وطول المباراة باب واحد هذا وانتوا المان العريق الشياطين الحمر الله يخلف عليكم بس

تذكر مباريات الموسم اللي راح ولا تبي اذكرك احسب كم مرة لعب المان مع البلوز واحسن عدد فوز المان

كتلوني الهلال

إقتباس


	الكوره مالها امان

بس انا اتكلم على حسب المعطيات اللي قدامي واما الامور الاستثنائية او المفاجاة فعلمها عند الله

السعودية+الهلال

إقتباس


	صحيح كلامك لانك تتكلم بالواقعيه

ياسلام عليك هذا اللي ابي اوصله

إقتباس


	اما اللي يقول ان الشياطين الحمر فازت على تشلسي احب اقولك ياعزيزي ان هجمه واحده فقط اللي جبتوها ومدري شلون جات اما الباقي كله عند مرماكم عجل نسبة الاستحواذ 80 % لتشلسي استح ياعم

خلهم يفرحون ياشيخ فازوا على البلوز

تصدق ذكروني يوم فاز الطائي على الهلال

اليورانيوم

إقتباس


	والعلم عن الله أتوقع ان كلامك صحيح 100%

وش عنده محمد البكر

ابو حنفي

إقتباس


	ليفربول لديه مباراتين مؤجلتين الفوز فيها سيجعل الفارق 9 نقاط

انا عارف انه بقيله مباراتين مؤجلة

ولكن هل الليفر قادر على انه يواصل على نفس المستوى

فاللي اعرفه ومن خلال متابعتي لليفر فانه مباراتين في التوب ومباراة زفت

وصدقني ماراح يبتلون على نفس المستوى

إقتباس


	وان شاء الله تنتهي التسهيلات التحكيميه لتشلسي علشان نشوف منافسه حلوه

حيلة العاجز !!!!!!!!

آه يابلوز

إقتباس


	يمكن انك تشوف الواقع والي قاعد يصير يدل ان تشيلسي حسم البطوله

اعيدها مرة ثانية انا اتكلم عن الواقع اللي قدامي

sheva owen

إقتباس


	واخرها عندما لعب تيري كلاعب يد داخل منطقع الجزاء امام فولهام

في ذيك المباراة كان فيه لاعبين كرة يد وليس واحد

ليش دائما تشوفون اللي معكم وتغضون الطرف عن اللي ضدكم

ابو يعقوب وبس

إقتباس


	خس مافيه مانع .. على شرط تجيبه من عتيقّه

ههههههههههههه حلوة منك

مدريدي الي الابد

إقتباس


	برشلونة واتشلسي حسمو القب راحت على البقية

بس تشلسي بنسبة اكبر لانه مسيطر تمام السيطرة على الدوري الانجليزي

اما برشلونة زي ماصار العام كانوا بداية الدوري نار وبعدين بدا الريال يقترب منهم ولكن الريال هالسنة مااتوقع منه شئ

الأسد الانجليزي

إقتباس


	ممكن ليفربول يفاجئ تشيلسي عند مباريتين مؤجلتين

ممكن ليش لا ولكن الواقع يقول غير ذلك

abo_waled

إقتباس


	أخوي لو نحسبها كذا حتى الدوري الإيطالي خلص وألأسباني كذلك

بالنسبة للايطالي دائما مايكون اليوفي سهل اقتناصة من الكبار مثل اي سي او انتر او حتى فيورنتينا

فلذلك اتوقع ان تكون المنافسة اقوى

ماااا هلالي ااا ـستر

إقتباس


	لا تقارن فريق يلعب بمستوى واحد وفريق يلعب بمستويات متذبذبه ودفاعه ليس بالدفاع القوي

صدقت اخوي

مدريدي للابد9

إقتباس


	اذا صار مستوى تشلسي ثابت اتوقع انه بيحسم الدوري مبكر

هذا اللي خلاني اكتب هالموضوع لان تشلسي مستواه ثابت من الموسم الماضي