يقال والعهدة على الراوي ان الاتحاد السعودي سيفرغ نصف الدوليين من كل نادي وفي المقابل سيسمح للاندية التي تمتلك اكثر من دوليين بجلب اجنبي رابع
طبعا الهلال الحين عنده من الموسم الماضي تفاريس وكماتشو وهم اثبتوا انفسهم وقدموا الكثير للفريق
وفي المقابل عنده جيلسون لاعب من هالموسم انقسم عليه الجمهور الهلالي ثلاثة اقسام قسم يقول مبدع لانه يسجل اهداف ويتحرك وقسم يقول جيد ولازم نصبر عليه وقسم يقول انه يا من شرى له من حلاله علة
وانا اميل للقسم الثالث وبقوة لان طموحي في اللاعب الاجنبي يتجاوز كم هدف ولياقة جيدة
عموما انا اقول ان جيلسون لحاله يرفع الضغط ويحوم قلبك فاذا كان الاجنبي الجاي بمثل مستوى هاللاعب وهذا هو المتوقع اقول ثلاثة اجانب كفاية والمؤمن لا يلدغ من جحر مرتين
حتى لما كانت الادارة تقول سنكتفي باجنبيين كنت اقول ضروري يجيبون اجنبي ثالث والهلال فيه نقص وووو
وفي الاخير انصدمنا بجلب لاعب ما يجي حتى مستوى لعيبة الهلال الشباب مثل الصويلح والموري والمطرف وكون اللاعب مش في المستوى مو مشكلة نقول اجتهدت الادارة واخطئت في الاجتهاد بس كونه يتسطح في الملعب كاساسي وما يطلع وعلى حساب لاعبين دوليين في الهلال طموحهم يلعبون عشان يشاركون في كاس العالم مثل العنبر والصويلح فهذي عاد كبيرة وصعب تنهضم
بذمتكم يا ادارة الهلال اذا كنتم ستبقونه عشان اهدافه اليس العنبر هداف لكأس الامير فيصل بن فهد ثلاث مرات متتالية مناصفة مع ( الخراشي - ديسلفا- العامري )؟؟؟؟؟؟ اليس العنبر هداف لدوري الشباب في اول موسم له مع الهلال ؟؟؟؟؟؟ ما ادري كيف راح يتم استدعاء العنبر او الصويلح وهم على دكة الاحتياط
وللقسم الاول الي يقول ان جيلسون مبدع لانه يسجل اهداف ويتحرك
فما ادري وش يفرق فيه اللاعب عن محمد العنزي الي كان يلعب كوسط ايمن على ايام اديموس ونسقته الادارة بسبب الضغط الجماهيري الكبير
اذا كنا راح نتحمل جيلسون بس لانه التوفيق يحالفه ويسجل فمن باب اولى نعيد محمد العنزي على الاقل مع سوء مستواه الا انه لاعب سعودي
المشكلة ان كل موسم ضروري يكون في الهلال علة بداية من المسعري في فترات ومرورا بالمفرج والعنزي وذياب مجرشي سابقا ناهيك عن صوماليا وديسلفا 1 والحين ديسلفا 2 والله يستر ما يجي اجنبي رابع وتكون علتين في الفريق
العنزي