نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   وصيــه أبــو يعقــوب لســآمـــي .. !! (http://vb.alhilal.com/t264551.html)

ــــ يا هلال ــــ 28/12/2005 01:07 PM

وصيــه أبــو يعقــوب لســآمـــي .. !!
 
قصيدة أبو يعقوب لسامي :




يا ذيب انا راحل على غير رجعـة
واوصيك انا ياذيب تاخـذ مكانـي
بيتر قتلني لجل يرضـون ربعـه
و ربع لنا ياسـام تبغـى هوانـي
اللي شمت واللي بخل لي بنفعـه
واللي تجاهلني وسكت ثم نسانـي
قالوا: أبو طبع جنى ذنـب طبعـه
وانا من طبوعي الذهب ماعصاني
كم كاس استعصى على الغير رفعه
وجيت انا واصبحت فارس زماني
كم من هدف احسنت للغير صنعه
وكم حارس استسلـم لعنفوانـي
حتى الظهير اللي بذل كل وسعـه
أصبح يهز الوسط ((ياليل داني))
خمسة عشر ماكان له أي سمعـة
والحين رقمي صار الاول وثانـي
لجل الوطن لعبت ببـره وجرعـه
تسكن آلآم الوجـع فـي كيانـي
و جيت انتظر تكريم حصلت صفعة
هدت طموحات الفـرح والتهانـي
والحين انا راحل على غير رجعـه
واخشى عليك انك تضيع بثوانـي
مادام بيتر في يده عـود شمعـه
لاتحرقك نـار الحسـد والامانـي







وهذه قصيده الرد علي لسان اللاعب سامي الجابر
وتقول القصيده:






بعض العرب لاغاب بنقول :قلعـة
بس النمر لاغاب شفنا الهوانـي
يا روح الازرق كيف ترحل بسرعه
ابقى على شان الهلال وعشانـي
كل علـى فرقـاك بيهـل دمعـه
وأنا علـى فرقـاك كـل بكانـي
لا يارفيق الدرب ماهـي بسنعـه
ترحل لجل بيتر وفـلان وفلانـي
ياللي جعلت اللعب موضه وصرعه
ياللي بك الكـوره تغنـي أغانـي
ياللي لك الجمهور عاشق بطبعـه
ياللي عليك اعلامنا صـار جانـي
ماقدروا تاريـخ حافـل بنصعـه
ماقدروا هـذا التعـب والتفانـي
آعز رقمـك كنـه الرقـم تسعـه
و امضي معك عام يمـر بثوانـي
دمك خفيف والثقل فيـك صنعـه
والفلسفه دكتورها اللـي عطانـي
ترفع لي الكوره ولاهـي برفعـه
وتقبل علي تطلب دفاي وحنانـي
تمريرتك كنهاهدف بـس لسعـه
آحطها في القـول وآنـا مكانـي
أرجوك لاترحل على غير رجعـه
حتى لو انك نلـت كـل الامانـي
خل القهر والظلم تعطيـك دفعـه
وترجع مثل اول تذل (الحصاني )

10 الشلهوب الأزرق 10 28/12/2005 01:33 PM

صح لسانك والله قصيده حلوههه

عزوز azzooz 69 28/12/2005 01:37 PM

مشكووووووووور
ههههههههههههه

ــــ يا هلال ــــ 28/12/2005 07:16 PM

مشكـوريــن جميعــآ ع المــرور ..

بيكاتشو911 28/12/2005 07:23 PM

صح لسااااااااااااااااااااااااااااااااانك والله

المشذاب 28/12/2005 07:28 PM

فكرة القصيدة والرد رائعه ..

صح لسسسسسسسسسسسسسانك .. والله انك شبح الملاعب ..

ــــ يا هلال ــــ 28/12/2005 07:30 PM

صــح بدنكــم و مشكــوريــن عـلـى المشـآركــه ..

الذئـــــ 999 ـــــب 28/12/2005 08:39 PM

صح لسان الشعراء سامي ويوسف هههههههههههه


لا والله صراحة موضوع ولا أحلى

تأبط هلالا 28/12/2005 09:47 PM

اخواني القصيدتين هذي للكاتب المميز "سيف الزعيم"
اتمنى ان الاخ "ــــ يا هلال ــــ" لم يقصد نسب القصيدتين لنفسه.

سعيدان2005 28/12/2005 09:54 PM

قصيدة روووووووووووووووووعة
اتمنى نشرها في الصحف

S U L A I M A N 28/12/2005 10:00 PM

صح لسان الكاتب ( سواء سيف الزعيم أو ــــ يا هلال ــــ )

صراحة قصيدة رووووووعه أشكرك أخوي

أســ القلوب ــيـر 28/12/2005 10:02 PM

صـــح لــســـانـــكــ ...

قصيدة رائعه ...

ــــ يا هلال ــــ 28/12/2005 10:23 PM

إقتباس:

اخواني القصيدتين هذي للكاتب المميز "سيف الزعيم"
اتمنى ان الاخ "ــــ يا هلال ــــ" لم يقصد نسب القصيدتين لنفسه.
أخــوي أنـآ لـم أنسبهـآ لــي ..

قــرأتهــآ فــي أحـد المنتديـآت و أعجبتنــي و أريتكم أيـآهــآ ..

مشكــوريــن جميعـآ ..

هلالي # جبلاوي 28/12/2005 10:49 PM

s13s s13s s13s s13s


لايهمووووووونك يابو يعقووووب عمر نبح الكلاب ماوقف القطار

ساميو حضر 28/12/2005 11:29 PM

صح لسانـ قايلهااااااا .:)

ومشكور على النقــــــل ..


الوقت المعتمد في المنتدى بتوقيت جرينتش +3.
الوقت الان » 05:44 AM.

Powered by: vBulletin Version 3.8.7
Copyright ©2000 - 2017, Jelsoft Enterprises Ltd