أجتمع كلا من :-
سفر المرزوقي+إبراهيم النجيدي+أبو سليمان+نايف +محترف توقعات+الصبحي + عاشق النمر+ الأسير الهلالي +BOW WOW
سفر :- شباب دعوناكم لأننا فكرنا أنا واخوي / إبراهيم ... في وضع ( مجلة الزعيم ) بالمجلس العام ونبي نأخذ أراءكم وأفكاركم ... حول هذا الموضوع وهي تختص فقط عن أخبار الأعضاء من زواج لأحد الأعضاء أو أحد ابنائة ( لا تنسون ترسلون لي بطاقة ) مواليد جدد...نجاحات في أي مجال...الخ... أخبار سارة ومحزنة الله لايقدر.... سواء بالداخل والخارج .

إبراهيم النجيدي :- نعم واخترناكم انتم بالذات لكثرة مشركاتكم البناءة والهادفة اكثر الأحيان مع أن فيه أثنين معنا ما رشحتهم وبصراحة ما ودي فيهم بس / سفر هو اللي اختارهم وضغط علي ووافقت ...( بدا يغلط ).

الأسير الهلالي :- أدري أنك تقصدني ... وأنا أعرف منهو الثاني ... لكن قاعد على كبدك .

BOW WOW :-أنا هو الثاني أدري بس احتراما للحاضرين ماني راد عليك.

سفر :- يا جماعة الخير خلونا هنا للهدف المطلوب وفي المنتدى على كيفكم تخابطو ألين تشبعون نحتاج في المجلة بعد مراسلين ونبي ترشيحكم ونأخذ بترشيحات الإدارة لايزعلون ( دبلوماسي ) .

أبو سليمان :- الفكرة جدا رائعة وأنا مؤيدها ومستعد باللي تبون وإذا هي أسبوعية أفضل بعد ( يلومني فيك دايم فز وع ).

نايف :- فكرة جميلة وبكذا نأخذ علوم كل الأعضاء من المجلة .
محترف توقعات :- فكرة ممتازة وأنا أتوقع لها النجاح ( دايم يتوقع وما تصيب ).
الصبحي :- الفكرة ممتازة بس فيها تعب كثير ... لكن أنا معاكم.
عاشق النمر :- أنا وش دخلني فيكم أنا أحب منتدى الكمبيوتر أشارك فيه أكثر لأني ( أستاذ ) فيه ومتخصص . ( موهوب سهل المدرس ) .
رامبو :- أنا اللي مرشحك يالأثول ... لا تحرجني قدامهم .. وبعدين أبيك تفزع معي يوم دريت أن هالداجين الثنين ذولا جايين.

الأسير الهلالي :- أقول عن الغلط يالدجة أنت ووجهك ... من يوم ما شفت كرشتك الناطة وأنا غاسل يدي منك .

رامبو :- أقول أتثبر أنت ووجهك لا أصكك بإطراق على وجهك يخليك تنسى اسمك ( أخس يابو العضلات ) .
BOW WOW :- أقول ورى ما تلم لسانك احسن لك يكفي أني ساكت لك اللين هالحين .

الأسير الهلالي :- أشوف ورني وش تسوي ... لاأشوتك بوزعلى بطنك يظهر الأكل اللي توك طافحة .

رامبو زعل وأحمر وجهه كان يولم ذيك البنية ( بقس ) ويقول :- خذ هذى يالصتيمة ....؟
بس الأسير الهلالي وبسرعة البرق يوخر وجهه... وإلا ..... تصك اللكمة في وجهه عاشق النمر ..؟؟؟؟؟؟؟؟؟... لا وين ...... على خده اللي فيها حبة خال......؟؟؟..ويطيح المسيكين مغشى عليه ............... وبسرعة يفزع له / أبو سليمان ... ويرشه بالماء ويطمر / نايف ... ويشممه كلونية ....وأشوى يصحا الرجال ...
أنا ويني فيه ... يقول العاشق ... أفا الرجال فقد الذاكرة ...

أبو سليمان :- بسم الله عليك يا عاشق النمر أنت معنا والحمد الله جاءت سليمة .
العاشق :- من انتم ...ومنهو عاشق النمر....؟
الصبحي :- أوف الرجال فقد الذاكرة ... وش الحل يا لربع .

أوفففففف تعبت عيوني وأصابعي بعد نكمل بكرة سامحوني ؟؟؟؟؟؟













لا شوفو التكملة تحت