23/12/2005, 03:56 PM
|
زعيــم مميــز | | تاريخ التسجيل: 06/02/2005 المكان: في قلب الزعيم
مشاركات: 1,646
| |
قصتي مع النصراوي في المباراه الخيريه ضد الفقر وحقده على سامي في المشاركه يا مرحبا بالزعماء
ابارك لسامي المستوى الرائع اللي قدمه في المباراه الخيريه
والصراحه ان المباراه فاتتني يوم الخميس فتابعتها على قناة ابو ظبي الرياضيه اليوم الجمعه
وراح احكيلكم قصتي اللي حصلت مع النصراوي خويي (سليمان) اللي ما شاف المباراه ( مباشر)وما يدري عن أي شي صار فيها
فقلت له اليوم الجمعه وبيعيدون المباراه على قناة ابو ظبي الرياضيه واحنى معزومين عند خوينا (عبدالله) بعد صلاة الجمعه
قاللي أوكيه
طبعا انا و عبدالله هلاليين والاخ سليمان نصراوي متعصب ويكره شي اسمه سامي
سمع ان سامي شارك لكن بدل مين ووش سوى وكم ما يدري
فاسمعو المحشات اللي كان يقولها
اتوقع اليوم زيدان بيعتزل علطول بعد المباراه لأن اكيد سامي بيبلشهم
اتوقع النتيجه 8-0 لفريق رونالدو
اليوم راح يحطون سامي الكبتن علشانه صاحب الرقم العالمي في السنتره
بدأت المباراه وهو يشجع فريق رونالدو (مع انها تسجيل ).. ليش؟؟ علشان سامي في فريق زيدان
واحد من الاهداف (أعتقد انه الهدف الثاني) اللي دخل لفريق زيدان وحطها اللاعب من فوق الحارس بعد ما موه انه يحطها من تحت واحتكت رجلينهم
اول ما دخل الهدف هذا قام النصراوي يصارخ : غش يا حكم مو قول انا وعبدالله قاعدين نطالع فيه بكل استغراب
وفي داخل منطقة 18 طاح رونالدو والنصراوي بغا يموت من الفرحه علباله بلنتي
ولما كولينا ما احتسبها طاح سب فيه
وطلعت منه كلمه تقطعنا عليها ضحك : والله ان الحكم هلالي
طول المباراه وهو يصارخ ( رونالدو .... رونالدو )
انتهى الشوط الاول سليمان : وين مارادونا حقكم ليه ما دخل والا المدرب وده تصير نص الثمانيه أربعه لا تفرحون كثير بلاعبكم تراه داج بس جايبينه علشان يقولون له تراك لاعب قوي وينسونه حقت المانيا انا وعبدالله انواع الطنش مخلينه يقرق
بدا الشوط الثاني
ودخل سامي بدل زيدان سليمان : اما يطلع زيدان ويدخل سامي هاذي قويه حتى الرشاوي سرتم ترشونها يا هلاليين في الخارج فضحتونا الله يفضحكم
مرت كم فرصه على سامي حلوه وخوينا النصراوي : يا شيخ كلها صدف ويبغون يعطونها سامي علشان ما يبكي عليهم
وجت اخطر فرصه لسامي اللي كان احد لاعبين فريق زيدان منفرد في المرمى مع سامي لما كان المرمى فاضي امام سامي والحارس مغطى على اللاعب اللي معاه الكوره
وقام شات وضربت في الحارس وطلعت سليمان النصراوي : لو جت لسامي كان طلعها برا
نظرة حقد واسخفاف في نفس الوقت لهالنصراوي
لما خرج سامي قاعد يصيح النصراوي ( برا يا سامي برا برا ) سلمان النصراوي : شفتم قايللكم ان ما عنده سالفه مدخيلنه خمس دقايق وبعدين طلعوه
انتهب المباراه
هذا احد النماذج اللي اسمع فيها دائما لكن هالمره شفتها بعيني وقعدت معها
المفروض الوطنيه هذا وقتها لكن وش تتوقع من هالاشكال
نــــــقـــــــــاط*
النصراوي طاح في المعلق ( معلق ابو ظبي الرياضيه )سب لما كان يمدح سامي وقال هذا معلق كذاب ومنافق وتعليقه بايخ
ذكر المعلق ان سامي يأتي بعد ماجد عبدالله وقام يمدح في المعلق ويقول شوفو الناي الفاهمين كيف مو زيكم يا هلاليين
وعلطول ذكر المعلق ان الآن اصبحو يقارنون سامي في ماجد وان سامي افضل من ماجد والنصراوي وهو معصب : انطم والله انك اغبى معلق والشرهه مو عليك الشرهه على اللي يسمعك
وبعدها علطول ذكر ان ماجد يبقى اسطوره ولا احد يستطيع ان يجاريه وابتلش النصراوي مسكين مايدري وش يقول خلاص ما يقدر يرقع
اخر تعديل كان بواسطة » هلهول الزعيم في يوم » 23/12/2005 عند الساعة » 04:13 PM |