@@ احداث من مباراة الهلال وابها انقلها لكم من ارض الحدث @@ - نادي الهلال السعودي - شبكة الزعيم

^*اموت في سامي*^ · #1 24/12/2005, 01:18 AM

بسم الله الرحمن الرحيم ..

اباركـ للجميع اولا هذا الفوز الكبير واللي امتعونا فيه نجوم الزعيم
وتوجوا مجهوداتهم بالنتيجه الكبيره خمسه مقابل صفر ..

بداية كان تواجد الجمهور قليل وبصراحه مسكت على قلبي قلت وش هالجمهور
اكيد مو جمهور الزعيم << خويكم جاي قبل المباراة بـ 3 ساعات ..

لكن قبل بداية المباراة شفت منظر وربي جناااان وهو منظر جمهور الهلال ..

امتعنا الغالي (( ابراهيم حقوي )) بأهازيجه الرووووعه واللي تراقص معاها كل من كان بالملعب
وكان الجمهور يردد معاه بكل حرافه ..

دخل زعيمنا الملعب وهو كله عزيمه واصرار انه يحتل الصداره من امام فريق ابها وفعلا حصل اللي نبيه
جاء الهدف الاول والثاني والثالث وقلنا كفايه لكن بعد الرابع والخامس قلنا زيادة الخير خيرين ..

بصراحه حصلت مواقف مؤسفه من الجمهور وهو اكيد مو من جمهور الهلال لكن أناس دخلاء حاولوا تشويه المباراه
برمي القوارير والفصفص << مايسويها جمهور الزعيم ..

بعد نهايه المباراه حصل احلى موقف وهو سلامي على سمو الامير (( محمد بن فيصل )) الله يحفظه << قمة التواضع الله يخليه ...

المهم طلعنا من الملعب وكنا وراء باص فريق ابها وكان فيه من جمهور زعيمنا اللي يحاول اغاضتهم ويأشرون بيدهم ويقولون لهم خمسه
تدرون واش اللي صار ..؟؟
اخذوا قوارير المويه وعلب بايسن << مسوي انهم حقين طاقه ،، ورموا الجماهير لكن الحمد لله جت سلامة ولا اصيب احد
فعلا عرفت ان الهلال قابل له فريق حواري مو فريق يستاهل انه يلعب بالممتاز ..

وختاما اقول للجميع الكبير كبير والصدارة راحت للي يستحقها وهو زعيمنا (( الهلال )) ...

عاشـــــــ سامي ـــق · #2 24/12/2005, 01:41 AM

شكرا لك

إقتباس


	المهم طلعنا من الملعب وكنا وراء باص فريق ابها وكان فيه من جمهور زعيمنا اللي يحاول اغاضتهم ويأشرون بيدهم ويقولون لهم خمسه تدرون واش اللي صار ..؟؟ اخذوا قوارير المويه وعلب بايسن << مسوي انهم حقين طاقه ،، ورموا الجماهير لكن الحمد لله جت سلامة ولا اصيب احد فعلا عرفت ان الهلال قابل له فريق حواري مو فريق يستاهل انه يلعب بالممتاز ..

نتمنى ايقاف هذه المهازل من رياضتنا للرقي بهذهـ الرياضة

بالتوفيق للزعيم

حبايب انا والهلال · #3 24/12/2005, 01:44 AM

شكراً لكم جمهور الهلال في ابها

حقاً كل يوم يثبت ان الهلال صاحب الشعبيه الاولى في المملكة

430LS · #4 24/12/2005, 01:47 AM

الله يعطيك العافيه

الافضل · #5 24/12/2005, 01:47 AM

اللي أعرفه ان مشروبات الطاقه بايسن يعتبر من المنشطات

^*اموت في سامي*^ · #6 24/12/2005, 01:57 AM

مشكورين على المرور و يستاهل زعيمنا الحضور ...

هلالي توب · #7 24/12/2005, 02:05 AM

الله يعطييكم العافيه على الحضوور والمسانده للزعيم وماهي غريبه علييييكم

والزعااااااااااااااااااااااااامه لاتليييييييييييييييييق الا بالهلال

وننتظر وقفت الجميع يوم الاربعاء القادم

ومااافي زعيم غير الهلال ..............................