|
سؤال : من مدرب السعودية في كأس العالم 94 اخواني أبي أعرف من كان مدرب السعودية في كاس العالم 94 اللي أعرفه إنه كاندينو أقيل قبل آخر مباراة في التصفيات طيب من جاء مكانه ؟ وهل المدرب درب في كاس العالم كاملا ولا أقيل في منتصف كاس العالم وشكرا أتمنى أحد يعطيني معلومات صحيحة |
مدرب المنتخب في كاس العالم هو الارجنتيني سولاري |
ولله المدرب على ماأضن اسمه سولاري ووكل المهمة قبل كأس العالم 94 بثلاث اشهر في اعتقادي ودرب المنتخب في كأس العالم كله وعلى ماأضن ان الاتحاد السعودي طلب منه الاستمرار لكن رفض والمدرب والد زوجة اللاعب المعروف الارجنتيني سولاري ومعلوماتي دقيقة بنسبة 85 / الف تحية |
بس أحد يعرف وين راح بعد ماترك تدريب المنتخب؟ |
هو سولاري الارجنتيني كان محاضر في الاتحاد الدولي يعني نفس كالديرون واخويانا يحسبون انها كل مرة تسلم الجرة وكندينو اقيل بعد مباراة المنتخب مع العراق وقبل مباراة ايران بعد رفضة للتدخلات من قبل القائمين على المنتخب |
مشكوريـــــن اخوانـــي واللي عنده ملعلومات أكثر لا يبخل علينا |
أثناء التصفيات كان كندينيو وبعد رفضه التدخلات في عمله وكانت نتائجة كالتالي أمام اليابان صفر صفر أمام كوريا الشمالية 2 \ 1 للسعودية أعتقد العويران وحمزة وماني متأكد أمام كوريا الجنوبية 1\1 وكان الهدف في أخر الدقائق برأس المبدع أحمد جميل أمام العراق 1\1 وكان الهدف من سعيد العويران بعد أن تقدم العراق بهدف سريع أمام إيران 4\3 سامي الجابر وحمزة أكيد والمهلل ومنصور الموسى الظاهر مو أكيدوهذه المباراة درب المنتخب محمد الخراشي ثم تأهل المنتخب وتعاقدوا مع ليوبنهاكر الهولندي ... وبعد مباريات تجريبية قالوا انه مايصلح لأن أسلوبه أوروبي وحنا برازيلييين وجابوا خوزيه سولاري من الأرجنتين ولعبوا مباريات ودية حلوة وأبرزها أمام اليونان وأنصكينا خمسة صفر وقالوا تجربة >>>> اللي الحين انصكينا خمسة طردوا المدرب وبعدها رحنا أمريكا ولعبنا مباراة العمر أمام هولندا .....وفازوا 2-1 بعد ان تقدم المنتخب بهدف فؤاد أنور ولما جاوبوا الهولندييين التعادل كان علي داوود يصرخ هم اللي جابوا التعادل مو إحنا ويرددها حتى سكتوووه بالثاني وكان في أخر 10 دقايق الظاهر لكن قدم المنتخب مستوى معقول وكبير ومن ثم أمام المغرب ... ويسحب فيهم أبو عبدالله وبلنتي ويجي الهريقي بيشوووت قال سامي أنا أسبب وانت تشووووت ههههه امزح وشاته أبو عبدالله هدف ومن ثم يقوم أحمد بهجا يسحب بدفاع المنتخب بقيادة عواد العنزي الظهير الإيمن والبديل لعبدالله صالح المصاب وسحب فيه ومن ثم بأحمد جميل ومررها لمحمد شاويش أعتقد وسجل هدف التعادل ومن ثم يمسطهم فؤاد أنور بذيك الوحدة من نص الملعب وانتهى الشوط الاول بهذه النتيجة والمباراة بعد انتهت كذا أما المباراة الثالثة امام بلجيكا فصكهم سعيد العويران بهدف لاينسى >>لو شكله صدفه لكن يالله ويصرخ على داووود أول هدف في ميشيل برودوم وهو حارس بلجيكا لأن بلجيكا مسويه فيها بطل وصكت هولندا والمغرب بس على مين علينا مايقدرووووون ويستقعد لهم الخليوي رغم الإصابة والدعيع وتضيق بالبلجيك وينزل واحد عليه ضربات راس مهي بصاحية لكن محمد الدعيع كان في يومه ماشاء الله وهذاك ضربات راس والدعيع انواع الاستعراض في الطيران والإمساك والله يابعضها طاحت قلوبنا رايحه القووووول ونقووووول جاوبوا التعادل لكن يطلع لنا القمر ويخطفه وضيع حمزة أدريس هجمة مايضيعها كنيدي مهاجم النصر من هجمة مرتدة ومن ثم فرحنا وتأهلنا ونقابل السويد في عز الحر وقلنا جابهم الله السويد وفي عز الحر وفي عز قوة المنتخب وكان ذاك الوقت مالعبوا المهلل وكان ورقة رابحه عشان دور الثمانية على قولتهم هههههههه المهم الهجوم كان حمزة وسامي وماجد والغشيان وسعيد والمهلل المهلل مالعب للحين والغشيان نزل في مباراة المغرب وسحب فيهم لين عجز وسامي سحب في مالغرب وسجل قول وحمزة كان في قمة مستواه الفني في تضييع الفرص وماجد أول ربع ساعة امام هولندا وبلجيكا المهم في مباراة السويد كانت السويد في قمة مستواها مارتن داهلين ولارسن ومدري من ترى ناسي الأسم المهم صكونا بهدف وقلنا بنتعادل صكونا الثاني قلنا بنتعادل طلع بين الشوطين سولاري ويأشر بعلامة النصر قلنا بإذن المولى خلاص ويصكهم الغشيان بهدف وقلنا يمكن ليه لأ وهم يصكونا على طوووووووووووول ههههه ومن أبرز العناصر التي ظهرت واختفت في ذلك المونديال طلال الجبرين لاعب نادي الرياض المحور وبصراحه فنان وثقة لكن ماادري وين راح وانتهينا وطلعنا من كأس العالم وأخذ هدف العويران من اجمل الأهداف وأصبح الدعيع من افضل الحراس واعطوه نقاط على مستواه واذكر إن جاه عرض من مانشتسر يونايتد ومن غلطة سراي التركي بس ماكان مفتوح الأحتراف في ذلك الوقت أي خدمة نحن في الخدمة سردابووووو |
إقتباس:
شكــــــــــرا يا الغالي والله سردك للأحداث ممتع :thumbup: |
thanks srdab |
السرداب احس انك فاضي جداااااااا |
كلام السرداب الكبير صحيح وماخلى شيء نقوله |
كلام السرداب الكبير صحيح وماخلى شيء نقوله |
السرداب أنت : :thumbup: |
مشكوووووووووووووووووور |
إقتباس:
والباقي صح :D <<<< اوووخص يابلاتر على غفله :D بالتوفيق للصقور |
| الوقت المعتمد في المنتدى بتوقيت جرينتش +3.
الوقت الان » 06:32 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd