بسم الله الرحمن الرحيم
بصراحة شديدة فيه شي في نادي الهلال ماقدرت استوعبه
كيف نادي الهلال برجاله واعضاء شرفه يتعرضون لهذه الضغوطات الخارجيه وماقدروا يحركون ساكن
كيف يصير هذا في نادي الهلال وهو الي معروف ان اغلب اعضاء شرفه من اصحاب السمو
معقوله مايقدرون ياثرون على الاتحاد السعودي
كل يوم يسلب شي من نادي الهلال واخرها المدرب والصداره الي خسرها الهلال وماحركوا ساكن

البعض راح يقولي لازم تلوم الاتحاد السعودي

طيب اقول له لو فيه واحد معاه مبلغ من المال وقام صاحبه كل يوم يسرق منه
كل يوم يسرق وصاحب المال شايف وساكت بالله تلوم مين الحرامي والا الي ساكت وقاعد يتفرج

ياناس لازم الاداره الهلاليه تصحصح شوي
لازم تستعمل كل قدراتها ونفوذها علشان نحافظ على كيان الهلال

صدقوني برحيل باكيتا راح نخسر بطولات وتشوفون
حتى لو جاء للهلال مدرب عالمي قدير لازم ياخذ اقل شي 4 او 5 شهور علشان يتاقلم مع الفريق , واصلا ماعاد فيه وقت للتاقلم

مااحب اطول عليكم هذا الشي الي مكدر خاطري وماني فاهمه ومشكورين