نواف التمياط كان يدافع عن نفسه .... والدليل موجود - صفحة رقم 3 - نادي الهلال السعودي - شبكة الزعيم

أبو صالح 1377 · #1 19/12/2005, 08:31 AM

أولاً وقبل أبدا أحب أقول لكم أنه للأسف حصل لي ظرف منعني أحضر الملعب عشان أشوف المباراة ،،، <<<< جاي يطرّ الأخ ؟؟

وحتى للأسف ما قدرت اشوفها في البيت ،، <<< أجل وش تبي
ولكن من خلال اطلاعي على بعض اللقطات ، لفت انتباهي الانقضاضة الخشنة من نواف التمياط ، وما يخفى عليكم خلفية هذا اللاعب من حسن الخلق والحرص على سلامة زملائه من الإصابات ،،

ولكن في المقابل هل نظرنا إلى خلفية اللاعب ((المولد)) أو مثل ما يسمونه ((المولد بلا حمـّـص)) ،،، وهل التفتنا إلى طريقة لعب هذا الشخص من بداية هذي المباراة ؟؟ أنا شخصيـّـاً ما شفت ،،، لكن اللي شفته هو : طريقة لعب المولد في أغلب مباريات الشباب ومع المنتخب طريقة جداً سيئة ولا يصح تسميتها لعب كورة ،،،،

واللي مستغربة أني ما شفت أحد غيري تكلم في طريقة لعب الإنسان هذا ،،،
يمكن أنا ظلمته ،،، أو صادفت المباريات اللي حضرتها للاعب كان مزاجه موب رايق ؟؟

في انتظار التوضيح من الأخوان والتعليق على وجهة نظري ...

سلام

__________________________________________

زيادة بعد إضافة الموضوع

نسيت أقول هنا يا أخوان نقطتين مهمتين وهي اللي دفعتني اساساً أني أكتب الموضوع ....

1- لا أنا ولا غيري يحق لنا نبرر لابو بندر الألعاب الخشنة لأي سبب (( حتى لو كان ضغط الحكم )) ونواف المفروض ما يسمح للطريقة السلبية اللي استخدمها الحكم معه بأنها تأثر على مبادئه الكروية ،،، ولكننا نذكر بأن نجمنا المحبوب تعرض لمؤثرات كثيرة ..

2- لعبة نواف أسلوبها كان خطير ،،، ولكنها في الواقع لم تشكل خطورة على صحة المصاب (( يعني ما تعوّر )) لأن نواف رغم خطأ الإنقضاضة إلا أنه نزل رجالة عشان ما يضر اللاعب ،،، وكلكم تقدرون تلاحظونها في الإعادة ..

أتأسف من الأخوان اللي ردو قبل التعديل لأن الموضوع كان ((ناقص فيتامينات))

سلام مرة ثانية