19/12/2005, 07:49 AM
|
| زعيــم فعــال | | تاريخ التسجيل: 10/07/2005
مشاركات: 275
| |
|
باكيتا وتخبطاته هي سبب؟؟؟؟؟؟
بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
راح أتكلم بكل صراحة عن لقاء الهلال والشباب في نقاط عديدة منها
1ـ صحيح إن الحكم أفسد المباراة وأنه كان علامة فارقة في اللقاء؟؟؟ ولكن ماراح أتكلم عن التحكيم .
2ـ حقيقة السبب الحقيقي وراء التعادل الأشبه بالخسارة هو المدرب (((باكيتا))) وهذه الحقيقة والسبب هو إننا لاحظنا الزعيم في مباراة فالنسيا لعب الزعيم بخطة 4-4-2 وقدم الاعبين مستوى عالي وفزنا على فالنسيا قدم الدفاع مستوى كبير والوسط والهجوم وفي المباراة مع الشباب لعب المدرب بخطته الشهيرة 4-5-1 العقيمة كان ياسر يلعب لوحده في الهجوم وكان يرجع للخلف كثير ولو كان في مهاجم ثاني كان سجل ياسر وسجل المهاجم الثاني لأن تحصنات الشباب الدفاعيه ممكن كسرها لاحظنا ياسر كم كورة عدى فيها ولكن مافي مهاجم يسانده الشوط الأول عدى وقلنا في الشوط الثاني راح يغير تكتيكه باكيتا وكانت الطامة بدى الشباب الشوط الثاني مهاجم وأمر طبيعي ولكن الأمر الغير طبيعي أنه مانشوف ولاهجمه للهلال في الشوط الثاني حتى سجل الشباب هدف والمعروف خير وسيلة للدفاع هي الهجوم حقيقة نادي الشباب إذا تراجعت وعطيته فرصة يلعب راح يبدع لأن عندهم تفاهم كبير وتمريرات سريعة وإبداع وفكر ولكن كان على باكيتا أنه يضغط على لاعبي الشباب وعلى مرماهم مهب يفاجئ الجميع ويخرج محمد الشلهوب وينزل خالد عزيز يعني صار الهلال يلعب بثلاثة محاور (ياقهري ياليته فاد هالتغيير شي ) وكان المفروض على باكيتا أنه إذا مصمم يدخل محور أنه يطلع كماتشوا إلي ماقدم أي شي يذكر في المباراة همسه(كماتشوا راجع حساباتك مستواك !!!!!!!!!!) أو يطلع أسوأ لاعب جابه الهلال جلسون والله يرفع الضغط والله مصارع مو لاعب ياإدارة وياأعضاء شرف بالله هذا اللاعب هو طموحكم والله أمر غريب والله إن اللاعبين إلي في الإحتياط كلهم أفضل منه بس ذبحتنا المجاملات نرجع للمباراة كان المفروض على باكيتا أنه في الوقت إلي ضغط فيه الشباب إنه ينزل نواف بدل جلسون ويلعب على المرتدات مع الشلهوب وكماتشوا وياسر القحطاني وينزل الجمعان بدل كماتشوا ويخلي ياسر مع الجمعان وخلفهم عمر ونواف والشلهوب وخالد عزيز والغنام ويلعب الهلال بشكل متوازن حقيقة تغييرات باكيتا في تخبط وعدم قراءة اللعب بشكل سليم لأن تغيير ياسر إلياس غلط كبير وصدقوني أقول الحمد لله إنها إنتهت بالتعادل ماخسرنا بسبب تخبطات باكيتا في التغيرات.
بالله عندي سؤال بأطرحه على باكيتا وعلى الإدارة وعليكم ياجمهور الزعيم هل هجوم الشباب أقوى من هجوم فالنسيا وهل وسط الشباب أفضل من وسط فالنسيا ؟؟؟؟؟؟؟؟؟
طيب ليه نلعب بثلاثة محاور وليه نتحفظ في الدفاع وليه مانشاطر الشباب الهجوم ليه وقت الضغط تراجع كل الهلالين ليه ماوجه باكيتا اللاعبين بالإنتشار والإرتداد السريع ليه يكسر مجاديف الزعيم بإخراج ياسر والشلهوب وياسر الياس
حقيقة مستوى الهلال سيئ والشباب تعادل معنا وكاد يفوز بأخطائنا وليس بمستواه لأننا شفنا في الشوط الأول ماقدم الشباب أي مستوى لأن اللاعبين مسكرين المساحات ونلعب في نص ملعبهم أما الشوط الثاني والله اللعب باب واحد للشباب ماعدى بعض المحاولات العقيمة حقيقة باكيتا ماله عذر لأن يوجد لديه فريق ولاعبين يتمنى أي مدرب في العالم تدريبه وسبل النجاح متوفرة عند الزعيم بس الغريب إن باكيتا لم يستغل ولم يوظف الاعبين بشكل سليم .
لانعلق أخطائنا بالحكم رغم أنه أخطأ كثيراً ولكن فيه مستوى سيئ ومدرب متخبط ياعالم والله قهر تشوف الأسماء إلي موجوده في التشكيلة أو في الإحتياط ويطلع الهلال متعادل أو خاسر أو فائز بنتيجة 1/0 ومستوى سيئ والله شي يحير .
على العموم هذه وجهة نظر شخصية أتمنى لاأحد يزعل والإختلاف في الرأي لايفسد للود قضية
وبالله التوفيق |
الوضع العادي
