#1  
قديم 18/12/2005, 11:22 PM
زعيــم مميــز
تاريخ التسجيل: 01/12/2003
مشاركات: 4,262
يحكى أن !!!!!!!!

يحكى ان نادينا الزعيم احتاج ان يجلب اجنبي ثالث لتدعيم صفوفه

واتفق الجميع على ان كل شي في هلالنا اكتمل اللهم خانة الوسط الايمن

وقلنا لازم نجيب اجنبي من الطراز الرفيع يسد هالخانة

مع انه عندنا فيه المبارك ( لاعب دولي ) , احمد الحربي ( دولي سابق) , الموري ( لاعب صاعد بقوة )

بس هضمناها وقلنا معليش نبي لاعب يكون متمرس واكثر خبرة ويقدم حلول جديدة للهلال


وبعد اخبار متناقضة بنجيب اجنبي ما بنجيب

جاءوا لنا بجيلسون

وانتظرنا بطاقته يوم ورا يوم وقلنا عسى بس يقدم ما يستحق هذا الانتظار

والان بعد ست او سبع مباريات يتسائل الجميع ما هو مركز جيلسون

اقنعتمونا انكم تحتاجون للاعب في الوسط الايمن وهضمناها

بس لاعبكم ما هو وسط ايمن !!!!!!!!!!!!!! ولو كان وسط ايمن اراهن ان الموري صاحب 17 سنة افضل منه بمليون مرة فما بالك بالمبارك اللاعب الدولي او احمد الحربي

وان تم جلبه على انه لاعب وسط متقدم فشتان ما بينه وبين التمياط او الجابر عندما يلعب وسط متقدم

وان اقنعتمونا انه مهاجم فما الذي يمتلكه هذا الجهبذ ولا يمتلكه الصويلح والعنبر والجمعان ؟؟؟؟؟؟؟؟؟

والله تمنيت من مباراة اسبانيا لو لعب الهلال باجنبيين ولا خلينا انفسنا تحت رحمة باكيتا

سابقا كان هناك كماتشو عندما يكون في اسوء مستوياته وقلنا لاعب واحد وباكيتا مصر عليه وقلنا قناعات مدربين وهضمناها

الحين صار في الملعب اثنين !!!!!!!!!!!!!!

وان كان كماتشو نقدر نطرح العذر لباكيتا انه قادر على حسم المباراة من ضربة زاوية او خطا ثابت

فهذا الجيلسون لا يمتلك شيء الا اسمه ديسلفا ( والكل يعرف ما اعنيه )

هذا الجيلسون اليوم ارتكب اخطاء اكثر مما ارتكب فهد المفرج

الهلال يا سادة يتفوق على اغلب الاندية ولا يوجد مقارنة بين نجوم الهلال وبين بقية الاندية اللهم الاتحاد نقدر نقول فيه تنافس عناصريا

لكن باكيتا يصر على حرمان الهلال من اوراق تفوقه اما بمجاملته الممجوجة لبني جلدته او بابعاده مصادر القوة في الهلال

وبصراحة بديت اقول لعل وعسى يكون تدريب باكيتا للمنتخب السعودي فيه خير للهلال

صحيح الهلال مبدع نتائجيا مع باكيتا وحقق بطولات عديدة ويظل مدرب يحقق الانتصارات باسهل الطرق

بس يظل لكرة القدم هدف اخر غير الفوز

هو متعة كرة القدم التي فقدناها مع باكيتا

لا مانع ان نخسر بطولة من اصل ثلاث مقابل ان يقدم الهلال مستوى نظل نتغنى به ويجبر الجماهير على الحضور للملعب

بالله عليكم هل الشباب مخيف الى درجة ان يلعب باكيتا بثلاثة محاور ؟؟؟؟؟؟؟؟؟

والمشكلة ان باكيتا يتخوف طيلة المباراة ولما باقي عشر دقايق يقوم بتغييرات متهورة !!!!!!!!!!!



المشكلة الكبرى ان باكيتا ليس من المدربين الذين يعتمدون على النجوم اعتماد كلي

شاهدناه يخرج سامي ويخرج نواف ويخرج الشلهوب ويخرج الغنام والبرقان والغامدي

لكن جميع هاللاعبين كوم وكماتشو وجيلسون كوم ثاني

باكيتا بالله عليك الم تشاهد مستوى الهلال بعد خروج جيلسون ودخول الصويلح في مباراة فالنسيا
اضافة رد مع اقتباس
  #2  
قديم 18/12/2005, 11:46 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
اخوي سبنش ايز من فتره والجمهور حايس في باكيتا ,,,! خصوصا من بداية الموسم الحالي

- بالنسبه لي انا ماكنت اعلق الا على كلمة وحده اذا جاب احد طاري باكيتا وهي (( انه ابخص بلاعبيه ))
لكن من اخر مباراتين وباكيتا مدري وش صار فيه

- السلبيه الوحيده على باكيتا ان التمياط بالاحتياط وهو احوج انه يلعب اغلب المباريات ودقايقها حتى يرجع لمستواه
وبرضوه الهلال محتاج للاعب مثل التمياط

- خلنا في مباراة اليوم بالنسبه لجيلسون انا معك انه اركتب اخطاء اكثر من استلامه للكوره ولكن انا مستغرب مقارنة اخطائه انها اكثر من اخطاء المفرج اللي ماشفت منه سلبية وحده بالمباراة ..... ياليت توضح وش كان قصدك يمكن ظالمك انا

- انا ماني مدرب لكن من كثر مدربينا بالخليج اخذنا خبره ماهي سهله بالتدريب خصوصا بالتغييرات والتكتيك وخطط اللعب وغيره
المهم باكيتا بعد هدف الشباب كان المفروض منه بدل مايدخل عزيز ويلعب بثلاث محاور واللي اثبتت فشل ذريع جدا في مباراة الاتحاد والهلال في اياب ولي العهد العام الماضي وربي ستر في مباراة اليوم ,, كان المفروض منه بدل مايدخل عزيز ويطلع الشلهوب ويرجع ثانيه ويطلع الياس ويدخل التمياط ,, ياليته مادخل عزيز وخل التمياط بدل الشلهوب والجمعان بدل جيلسون ,,,

- بصراحه باكيتا الله يهديه ولاحظته فيه في مباراة النصر يغير تغيير واحد وبعد مايقتنع انه اخطأ بالتغيير يغير تغيير ثاني عشان يصلح خطأ الاول

نرجع لجيلسون اللي بصراحه اتمنى يعطونه كرسي ويتكي عند الاسعاف اصرف له واريح لنا

- اما عدم اخراج كماتشو من قبل باكيتا خصوصا انها زادت عن حدها فهذي كان المفروض الادارة تناقش باكيتا فيها
لانه اللاعب المدلل بالنسبه لباكيتا مع احترامي الكامل لكل من يخالفني

- عموما باكيتا بيودع ولو انه هالشي مو عاجبني ولو على مصلحة منتخبنا وان شاء الله يكون الكسندر افضل منه
خصوصا انه يلعب بطريقة 4-4-2
تحيه لك
اضافة رد مع اقتباس
  #3  
قديم 18/12/2005, 11:54 PM
زعيــم مميــز
تاريخ التسجيل: 01/01/2005
مشاركات: 2,439
اتوقع انه يجامله لانه برازيلي .....



>>>>>>>>>>لا يقطع لقمة عيشه وين يلقى نادي يرضى فيه
اضافة رد مع اقتباس
  #4  
قديم 19/12/2005, 01:04 AM
زعيــم مميــز
تاريخ التسجيل: 01/12/2003
مشاركات: 4,262
اخوي هلالي سمعا وطاعة بس حبيت اعلق انك ما فهمت قصدي لما طريت المفرج

بالعكس المفرج قدم مباراة كبيرة ولو ارتكب اخطاء فهو مدافع

بس لما تشوف المهاجم يرتكب اخطاء على الخصم اكثر من المدافع اغسل يدك منه

وانا ظليت طول الموسم اطرح العذر لباكيتا مرة انه يبي يثبت على تشكيلة ومرة انه ما يبي يخرب انسجام الفريق

بس المشكلة باكيتا من اكثر المدربين عناد من اول ما جا للهلال فما بالك بعد ما حقق بطولات الموسم مجتمعة

الموسم الي فات ظل باكيتا على قناعة ان ديسلفا هو المهاجم الاول وتحملنا ديسلفا بما فيه الكفاية مباراة بعد مباراة وحتى الادارة ما تكلمت ولا قالت شي .... تخيل عزيزي ديسلفا يصاب ويلعب العنبر والصويلح ويثبتون انفسهم وبمجرد ان يعود من الاصابة تراه اساسي على حسابهم

الى ان طفح الكيل جماهيريا واداريا وتم الغاء عقد ديسلفا لكن باكيتا والاجر على الله ما تغلبه

بمجرد الغاء عقد ديسلفا صار يلعب بخطة 451 مع انه كان يشرك مهاجمين لما كان ديسلفا موجود

والان رحل ديسلفا وجاء ديسلفا اخر

والقهر صار اكثر

ان قالوا ديسلفا مهاجم قلنا فيه العنبر والصويلح والجمعان والخراشي

وان قالوا ديسلفا وسط قلنا نواف وحتى سامي ولا الموري ولا الحربي ولا المطرف حتى راح يفيدون الفريق افضل

وان قالوا انه يلعب خلف المهاجمين فكمان نواف وسامي ما يقصرون

انا اتسائل الى متى راح نصبر على هالمستوى فاللاعب واضح ان مستواه مكانك سر ست مباريات لم يقدم اي لمحة تدل على انه يملك شيء يذكر

هل سيكون كماتشو اخر ويكشف عن وجه ثاني غير هذا على الاقل يعوضنا عن المباريات الي راحت والي تحملناها فيه

والا راح يخلص الموسم وتيتي تيتي تيتي مثل ما رحتي جيتي يروح البرازيل بعد ما ناخذ اشكال القهر والضغط وفقر الدم


وكمان اقول لعل رحيل بكيتا خيرة للهلال فالهلال يمتلك افضل من المستويات الي جالس يقدمها
اضافة رد مع اقتباس
  #5  
قديم 19/12/2005, 01:16 AM
زعيــم مميــز
تاريخ التسجيل: 27/08/2003
مشاركات: 2,228
اقول خيرة عيون ............

باكيتا راح أنا ما ودي وكل طموحي هو أن ياخذ أبنا النادي حقهم في إثبات وجودهم .

مشكور أخوي هذي المواضيع اللي تهم مستقبل الزعيم .

يعطيك العافية .
اضافة رد مع اقتباس
  #6  
قديم 19/12/2005, 01:56 AM
زعيــم مميــز
تاريخ التسجيل: 01/12/2003
مشاركات: 4,262
معليش راح اقلبها شات وراح اطرح سؤال ثاني لادارة الامير محمد وللجماهير

في كأس ولي العهد يقولون لنا مباريات خروج المغلوب والمستوى غير مطلوب

في المربع يقولون مباريات خروج المغلوب والاهم النتيجة

طيب في المباراة الدورية امام الطائي ولا الوحدة ولا القادسية كمان المستوى غير مطلوب

انا اقول اذا هدف مباريات كرة القدم هو الفوز وبس يخلون النتائج بالقرعة بدل كل هالتعب والمجهود

وما المانع ان يبدع الفريق وهو يسخر له ما لم يسخر لاي فريق مر على تاريخ الهلال

برشلونة متصدر ويبدع ويطرب

سمو الامير هل تلوم الجمهور اذا لم يحضر وهو يشاهد هذا العك الكروي الذي تكرر من بداية الموسم

الموسم تناصف والهلال لم يقدم مباراة وحدة تنفتح نفسك منها
والقهر ان الهلال عامل الهوايل ضد فالنسيا

ابي حد يقنعني ان الهلال قادر على الابداع امام فالنسيا لكنه عاجز عن تقديم مستوى يليق فيه امام خصوم كالموجودين في الدوري السعودي!!!!!!
اضافة رد مع اقتباس
  #7  
قديم 19/12/2005, 02:04 AM
موقوف
تاريخ التسجيل: 12/08/2005
المكان: روح الهلال
مشاركات: 11,780
اتمنى يا اخوان عدم الاستعجال على جيلسون

من وجهة نظري ان هذا اللاعب تكتيكي

فلا تنتظر منه اهداف كثيرة
اضافة رد مع اقتباس
  #8  
قديم 19/12/2005, 02:09 AM
موقوف
تاريخ التسجيل: 05/11/2004
مشاركات: 223
اعجبني في كلامك اخر جملة
بكيتا لعب باكثر من لاعب في مباراة فالنسيا ولكن افضل مستوى هي التشكيلة الي بدا فيها المباراة وخاصة عندما دخل الصويلح مكان جيلسون تحس الهلال تنفس والله جيلسون حتى ليس وجوده زي عدمه ياليت بس المشكلة انه قاتل الهجوم الهلالي
اضافة رد مع اقتباس
  #9  
قديم 19/12/2005, 02:19 AM
زعيــم جديــد
تاريخ التسجيل: 18/07/2005
مشاركات: 47
ياشباب وين احمد الحربي
اضافة رد مع اقتباس
  #10  
قديم 19/12/2005, 11:27 AM
زعيــم فعــال
تاريخ التسجيل: 08/03/2005
مشاركات: 493
انا من رأيي يا جماعه نصبر ونشوف وش بيصير




وعندي احساس ان باكيتا - رغم حبي له وكفاءته كمدرب _ بس عندي احساس انه بيطرد طردة ....... من المنتخب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:21 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube