#1  
قديم 18/12/2005, 10:31 PM
زعيــم متواصــل
تاريخ التسجيل: 01/09/2005
مشاركات: 197
Thumbs down اللا عبون والمرداس، سببو لي صداع في الراس !

السلام عليكم أول شي اللاعبين كانوا زفت في زفت والحكم ازفت منهم ويجي بعدهم باكيتا

بدايه باللاعبين أصلاً ما كان عندهم روح الفوز وتحقيق الانتصار والحفاظ على الصدارة ما أدري وشبهم هم اخذوا ثقه

زيادة عن اللزوم أوإنهم بعدما فازوا على فالنسيا صار ما أحد يهزمهم شوف ياسر كان بعيد عن مستواه وكأنه ما زال

يفكر في هدفه في فالنسيا وعندي نقطه خاصة بياسر هو دائما يحب اللعب على الطرف أي في اليمين أو الشمال

وشفتوا كيف مع كوريا لكن باكيتا يجبره على اللعب داخل منطقة ال18 وبكذا تكون سهله مراقبة ياسر وهذي ملاحظه

على باكيتا من وجهة نظري أما جيلسون فهو فاشل قبل ما يجي أصلاً والشلهوب نفس الكلام مثل ياسريفكر في

فالنسيا وكماتشو ما كان في نصف مستواه انانيه ومراوغات مالها لازم ام الخثران متحمس زيادة وباين عليه بدا يتصف

بالعنف والخشونه والمفرج يعني متحسن مستواه لأن ما احد عنده والباقين كانوا ممتازين الدعيع تفاريس إلياس الغامدي

الغنام والمدرب شكله ماوضع خطه لللاعبين يمشون عليها تخيلوا يمكن ولا لعبه جات مميزة ومرسومه وخطرة في نفس

الوقت إجمالاً الفريق اليوم صراحه ما قدم المستوى اللي يشفع له بالصدارة ويجب محاسبة الللاعبين و مساءلتهم والجهاز

الفني ايضاً عن الأسباب 0

أما المداس اقصد المرداس شكله والله اعلم انه شغال في البلديه ما خلى ولا لاعب في الملعب في حاله كلهم اعطاهم

كروت يمكن وزع 50 كرت لأن الشغله صايرة توزيع صراحة كان يتحامل على الهلال بشكل غير طبيعي حتى نرفز

اللاعبين والمدرب والرئيس وأنا كمان ما أدري هو موصى من أحد او انهم بيرضون الشباب اوانه ما يعرف التحكيم الا

باسمه أو كيف 0

المباراة بشكل عام ماكان فيها شي حلو او ممتع ومعلق الفاشله الرياضية يقول اثارة وين يا اخوي إلاّ قول ثوارة0

ويمكن القى شي حلو في الباراة أو ثانيه حلوة في الباراة وهي لقطة هدف الصدفه أو الحظ

آآآآآآآآآآآآآآآآآآآآآآآآآآآآ سف على الإطاله لكن ايش اسوي انقهرت يا إخواني بتقولون اصبر صبرت لما فيه الكفايه الى

متى الآن احنا في نصف الموسم والمستوى كذا وباقي فرق اقوى وبطولات أقوى افففففففففففففف
اضافة رد مع اقتباس
  #2  
قديم 18/12/2005, 11:05 PM
زعيــم متألــق
تاريخ التسجيل: 16/09/2004
مشاركات: 1,111
يااخوي هد اعصابك يابعدي والله اليوم قهر قهر قهر اما باكيتا فلا اسمح لك انك تسبه مدرب عالمي وتفداه الصدارة والله ....اما عن ياسر صراحة ياسر اليوم قدم مهارات جميله لكن غابت خطورة لان خط الوسط تراجع بعد هدف الهلال
واما بالنسبه لهدف الغامدي وكما تتدعي انه صدفه رح ارجع للمباريات وشف تسديداته فيها دقه ونادرا ماتروح فوق وا1كرك بحقت النصر وحقت فالنسيا وحقت الاهلي ...والله عمر ابداع لكن الجماهير اللله يهديهم مايبونه لكن يوم سجل قول شف وش يبي يصير !!!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube