سلام عليكم يامعشر الهلاليين
ذا الموضوع أبقعد أشخبط , أبقعد أخربط
, يعني لا شفتوا الموضوع ماتدرون وش يبي لاتشرهون
وراي أمتحان اليوم بالليل , وباكيتا راح , ونماء طايحه
<<< أعصابك
المهم
-باكيتا
, لحظه لحظه , من عطاك الحق تنساني وتروح
, صدقني الاماكن كلها مشتاقه لك
, وينو حبيبي
وأبو صالح سرى ليله هل الدمع من عينه
..
.
هي أنا وين وصلت
, مشكله اللي يتحمس واجد
, قسم بالله لاشفت باكيتا , واقف , وحاط يده على خصره , والثانيه ماسك فيها نظارته , ولاجاه له هدف يبتسم , ولاجاء عليه هدف بعد يبتسم
- أذكر مره , مباراه أبها والهلال , نص نهائي الامير فيصل , كنت جالس بالمنصه , وكان جمبي [ تفاريس + كماتشو + جيلسون + باكيتا + خمس طعشر برازيلي مدري منهم ] , المهم , كنت اناظر الوضع , وأقول ياباكيتا الحين مهوب أحسن أن ألكساندر يطلع فلان ويدخل علاّن :req: , ويجي يفهمني ويقول لو طلعت هذا شف هذاك اللي مع ابها , يبي يستفيد من الوضع ’ حتى ان الهجمات تبي تصير يمين , يعني القمني حجراً بحجته ;) , كم مره ناقشته وكل مره يلقمني : , مليت وأنا أتلقم
.
-على طاري مباراه أبها , أذكر مره كووره جلاها المرشدي , بغت تجي قول على الهلال
, زعقت زعقه نسيت إني بالمنصه ولازم إني أشخص وأصك الياقه
, وش أسوي متعود أدخل بـ 22 ريال , 20 تذكره , وريالين للاسفنجه وأزاعق على كيفي , بس ذا المره مسكت غلط مع اللي معي إلا غصب المنصه
, المهم زعقت زعقه , كل اللي حولي فزوا , تفاريس فز زياده :
, قسم بالله قعد نص دقيقه يطالعني :
, كأنه يقول : الحين لاغلطت وجليت الكوره مثل المرشدي , فيه ناس تبي تزعق مثل هذا
, أبوها من كوره ياشيييييييخ
- حتى مره قابلت باكيتا , ودايم أبلشه بـ أحمد الجري , أٌقول ليش ماتلعبه , المهم أول ماشفته ذاك اليوم , بدون سلام وبدون أي شي , على طول قال أحمد الجري مصاب :
, والله ياهو مايعرف يصرف
-الهلال يعيش أستقرار فنّي لم يشهده الهلال منذ أمدِ طويل
, لأول مره مدرب هلالي يخوض سنه ونصف السنه , وغالبيه الهلاليين مجتمعين عليه
- لكن الكساندر فيه الخير
, مدرب واثق , طموح , كوّن من العناصر توليفه رائعه
.
- ميزات الكساندر , أنه يحب الناس تناقشه , أذكر مره شفته بأكسترا
, سلمت عليه , وعلى طول قالي وش رايك أمس الهلال وألانصار , وقمنا نسولف عن المباراه وفلينا أمها
- يعني الكساندر وسيع صدر , بس أنك تفرض عليه قناعاتك , معصي ! , عجزت وأنا أقوله أحمد الجري خلوه يلعب
, قام يساسيني , وبالاخير قلتله توعدني أحمد يلعب ؟ قال متى ماشفت أنه يلعب لعبته , مهوب طيب منك أنت (( وش فيه قلب علي
))
- عاد تدرون أنه اليوم عندي أمتحان الساعه 7,30
, وش ذا النحس
باكيتا ماقدر أكحل عيني فيه أخر مره
يوووهـ , يادكتور الحماد تكفى ماتقدر تأجل الامتحان
, طلبتك .
-للعلم , ترى الكساندر , نسخه مصغره من باكيتا , لكن يعيب الكساندر , هو أنه اللاعبين , لن يتقبلوه بالسهوله , أو حتى فرض أوامره عليهم , لأن الكاسندر أتي من الفريق الرديف , لكن بأذن الله رجال الهلال قدها وقدود ;)
-خوووفي , أن يخضع الكساندر للضغوطات اللتي تطالب بأقصاء كماتشو
, ياجماعه كماتشو أهم لاعب وسط هلالي , كماتشو يقوم بادوار خفيه , أهمها الربط مابين الوسط نفسه , ففرضاَ لو لعب التمياط بدلاَ من جيلسون , صدقوني الشلهوب في جهه , والتمياط في جهه , والغامدي فيه جهه , وغيره في جهه , لكن وجود كماتشو , يربط فيما بينهم , حتى أنه من أفضل اللاعبين أستحواذاً على الكره , ذلك يفيد الهلال تكتيكياً
- صدقوني , مالم نعلم أن أبو سطلطان يقف خلف الهلال , أقسم بالله أستبشر خيراً , وأقول فعلاً الهلال بأيدي أمينه
-عموماً الموضوع كما قلت هو فقط مجرد خواطر مالبثت ألا وأن تخرج
, تحياتي القلبيه لكم
خاتمه: أبو سطان , الياس + العصفور = !
-نبي ظهير أيمن