|
أبوراس- كندينو- باكيتا -- نجاح في الهلال--إلى المنتخب--إلى المطار باي باي@@ السلام عليكم طبعا الكل عرف الخبر اللي شكل لي صدمة مثل أكثركم الذين تفاجؤوا بالخبر أبي أعرف ليش اختاروه بالذات وكلامي كله مو معناه أن النادي مقدم على الوطن لكن في ثقتي التامة أن المنتخب يمشي بالبركة وبدون أي إدارة صحيحة يعني بالفزعة يمشي إذا فزت بقي المدرب والفوز ينسب للرئيس فقط وإذا انهزمت اقضب الباب وقرارات ............. ( لاتعليق ) أي سياسة هذه أو أي تخطيط هذا الذي يمشي عليه المسمى بالاتحاد السعودي لكرة القدم أنا صراحة منذ أن عرفت أن نائب الرئيس نواف سيحضر الاعتزال ويدفع مبلغ لتكريم الثنيان وأنا شكيت بالوضع.. وين نتائج دراسة 8 ألمانيا ( كل يوم مدرب ) فاندرليم الجوهر كالديرون والبقية تأتي........ صراحة مملنا من اتحاد اللخبطة أتذكرون عمر ابوراس مدرب سابق ناجح للهلال انتقل للمنتخب ومن ثم للمطار لبيته كندينو نفس الكلام أخذ من الهلال لا ومنع بعد طرده من العودة للسعودية ( من أسباب طرده رغبته في ضم الثنيان في تصفيات كأس العالم 94) شروط النجاح في المنتخب إنك تقول سم على عيني ورأسي وطلباتك أوامر وكذلك أن تكون مقبول إعلاميا أظن كلكم يعي ما أقصد وما ودي أكتب زيادة لأني أحبطت ( مدرب ناجح يسرق في منتصف الموسم وقبل أهم المباريات ) مافي غيره مدرب في العالم للمنتخب :upset: طبعا أؤكد أن مصلحة المنتخب أهم إلا إذا كنت تعرف مايجري بالمنتخب ( أن لم يتمكن المدرب من البروز في كأس العالم فلن نراه في السعودية وهذا احتمال كبير لأن المنطق يقول إننا أضعف فرق المجموعة وهذه حقيقة) بانتظار آرائكم وشكراااااااااااااااااااا |
والله معك حق انا اتحدث كمشجع هلالي الهلال في خدمة الوطن لكن لانريد خدمه قد تؤدي الى تدهوووور في مستتوى الهلال.. هذا لا اسميه خدمه امامنا مباريات قويه مع الاتحاد والنصر والاهلي الله يهديك ياسلطان |
خطة تنفذ خطوة خطوة اكبر حتى من رعاية الشباب والهدف اسقاط الزعيم ولايمكن فصل مثل هذا القرار عن رفع ايقاف اسامة المولد والبقية تاتي تباعا |
كلامك عين الصواب لكن ما نقول الا حسبي الله على من كان السبب حسبي الله على من كان السبب حسبي الله على من كان السبب !!! |
ياشيخ والله مهزلة مهزلة اي خدمة وطن واي خرابيط المدربين العالميين مالين الكرة الارضية يعني مالقوا الا مدربنا وين خططهم المدروسة حسبنا الله ونعم الوكيل :( |
مشكورين على تفاعلكم بعدين مافي خطط مدروسة الموجود عنجهم خطط معفوسة |
مشكوووووووور اخووووووويـ والمنتخب اهم وبالتوفيق للمنتخب والهلال وشكرا والهلال بنجومه اي مدربي يبرز فيه وشكرا |
هالخطط ما جت الا من راس البلوي وطبعا الامير سلطان ما يقدر يقوله لا لانه ما يقدر ينسى جمايله في دورة سلام عندما انقذهم من ازمة ماليه |
والله فيه بعض انواع التفكير متخلفة لدرجة كبيرة ممنوع جلب اللعيبة الايرانيين ممنوع جلب اللعيبة الليبيين اي مدرب يتم اقالته من المنتخب ويختلف معاهم في وجهات النظر يتم اقصائه ومنعه من التدريب في المملكة !!!!!!!! ويقولون ليش الكورة في المملكة ما تتطور |
والله حاجة تقـهرررر :upset: هالأتحاد السعودي كل ماشاف مدرب ناجح مع الهلال التفت يمه وياليت هذا ينفع معهم اشد التوقيفات تحصل للاعبين الهلال ومطالبته بفريق القرن الأسيوي لا يتم دعمها من قبل هذا الأتحاد المتخبط |
وش ترجوون في اتحاد كل همه الرد على الصحفيين المساكين وترهيبهم ولكن هذه الأمور تضيع والقرارات تمسح بتصال من ابو ثامر والله يرحم فيصل,,, |
إذا كان الغرض من إنهم ياخذو باكيتا للمنتخب هو غرض وطني حنا كمان عندنا مهمة وطنية لا تقل أهمية عن مهمة المنتخب وهي كاس آسيا والتأهل لكاس العالم،،،، وإذ كان المنتخب ماراح يسوي شي والإتحاد ماسوا شي في كاس العالم ليش يسلبو منا فرصتنا وياخذو باكيتا هو مافي في العالم كله مدرب غير باكيتا...... وللا كاس العالم حلال للإتحاد والنصر وحرام على زعيم آسيا:confused: |
ابو فهد فعلا حطيت يدك على الجرح و معروفه الربع يبون مدرب يحطون له التشكيلة و الأحتياط و هو بس للياقة و للخطة بشرط توافق هواهم و طبعا التغييرات تتم بامرهم و ياويله اذا اذا انهزم المنتخب لازم اجتماع مساءلة .........صحيح حنا قلنا كذا بسسسسسسسس كان مفروض تنبهنا !!!!! و هكذا العجيب ان العالم كانوا يلعبون تصفيات كأس عالم كورة و حنا على بعارينا و ما بعد سمعنا عن السيارات فكيف بشوفتها ( 1930 م ) و نبي هالحين كاس العالم و الا ياويلك يالمدرب و كالديرون وش مشكلته ..بس علشانه يطبق خطته اللي بيلعب بها في كاس العالم براس حربة واحد و يحاول يجرب اللاعبين ذوي البنية القادرة على مصارعة و مقارعة اجسام الأوربيين و الأفارقة و حتى الآسيويين بس فعلا خطط علمية مدروسة دارسينية من اصل الفعل درس فهو دارسين يحشى داخل السنبوسة !!!!!!!!!! |
مشكورين على ردودكم وبالنسبة لرد the only one يوضح الصورة عن اتحادنا العظيم وياليت إنك تغير اليوزر لأن تراه في شك في معناه وخاصة في ترجمة التوراة والإنجيل |
إقتباس:
s13s |
| الوقت المعتمد في المنتدى بتوقيت جرينتش +3.
الوقت الان » 01:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd