الـــصــايــــع ؟؟؟ - نادي الهلال السعودي - شبكة الزعيم

الهلالي الثقفي · #1 17/12/2005, 03:24 AM

ضاق صدره ..

حس حتى البيت اللي .. أنو لد به ..

صار قبره .!!

لملم أنفاسه .. وبعض أوراق كراسه

شرب باقي بقايا الشاهي البارد بكاسه ..!!

وخرج ..

وقف على الدرج ..

ولع سيجاره ..!!

أسترق نظره على شباك غرفة جارته ..!!

شاف جاره ..

وأنحرج ..!!

أرخى راسه .. صار نصف أنسان ..

ربع أنسان ..

ماباقي من الإنسان فيه ألا لباسه ..!

كان في حالة ندم ..

لو طعنته وقتها

ماسال منه .. نقطه دم ..!!

والله يا ديما ..

ما أسامح أسلافي ..!!

أخذوا الأيادي .. ما ..

خلوا سوى أكتافي ..!!

أمشي كما الأعمى ..

قدامي خلافي ..!!

والنور والظلما ..

حملٍ على أكتافي ..!

(( وأغض طرفي إن بدت لي جارتي ..

حتى يواري جارتي مأواها ))

على خيال الما ..

هذا الحجر طافي ..

كل النسا : سلمى

وكل الرجال : وافي

لاصارت الأسمى ..

تلمس وتنشافي ..!!

وأمتطى سيارته ..

سار في كل أتجاهات المدينة ..

لف أبو كل الشوارع

مره نازل .. مره طالع

مره نازل ... مره طالع ..!!

قل : يدور شلته

قل : يفكر في عذر ( للجار ) إذا علّم أبوه بزلته

قل : يبي ( كفتيريا ) جايع ..

يبي يشرب وياكل

قل : يدور عن حلول

أو عن مشاكل ..!!

قل : يسوي مايسويه المراهق ..

إنحرافات وخرافات ..

وسخافات .. ومهازل ..

قل : يغازل ..!!

البحر ..

ويش البحر..؟!

لولا رمال الشط ، والأطفال ، واليامال..

والمرجان والأصداف والما.. والسفينه

والمسا ..

ويش المسا..؟!!

لولا دفا لون الستاير من شبابيك المنازل ، والنسا ..

وخشوع جمر الليل في أحظان المباخر ..!

أنت شايف ضحكة الموجه على صدر البحر تختال ؟!

شايف ضحكة الما .. كم حزينه في نوافير المدينه ؟!

شايف الفرق الكبير الشاسع الواسع

شايف كم هي الأشيا تكون أجمل كثير بدون آخر ...!!

في اليمين من التقاطع

أعترض له نور أحمر

نور ساطع

صاح به : أوقف

وكان الصوت حازم حزم قاطع

خفف السرعه .!!

رخى صوت المسجل

أرتجف .!!

صاح نفس الصوت وبقوة صراخ : أوقف

وقف ..

وأستعاذ بطيبته من شر حراس النوايا

وين رايح ..؟؟

أو إذا ماكنت رايح قلنا من وين راجع

ما .... أنا .. ما ...

ما أنت ماعندك ادب

إنت تربية شوارع

إنت شكلك واحد مسوي سوايا

هات إثبات الهوية

حاضر

وماعندي مانع

ها هـ هذي هية :

.
.
.
.

الإسم : راضي سويكت

المؤهل : جامعي

المهنة : صايع

كلمات الحميدي الثقفي

.