قررنا انا والشباب في احد الايام الذهاب الى البر ... المهم اخذنا معنا العزبه والمعاميل والخيمه وغير ذلك من اغراض البراري ...
عاد خويكم باواوا ... راعي بر .. الله يستررررررررررر

نصبنا الخيمه .. وجهزنا الاغراض .. وطلع علينا المغرب ... واخوكم باواوا هالحزه قاعد يجهز العشاء

انا جالس برا الخيمه وبعض الشباب جوا وبعضهم قاعدين برا ... وواحد قاعد معي نسولف <------------- كيف يتحملك

المهم انا سمعت صوت من ورا الطعس ,, عووووووووووووو .. عاد خويكم باواوا نقز ذيك النقزه وكب العشاء فوق النار .. ومن الروعه ركبت السياره ودقيت ذاك السلف .. وعيونك ما تشوف الا الغبار ....

وبعدين تنبهت لنفسي .. اني وحيد في وسط الصحراء ... نزلت من السياره واستكشفت المكان والدنيا ظلمه ... طلعت التريك واشحط نور السياره على العالي ,, ووالع الفليشر .. وحطيت النمره على الريوس .. عشان تزداد الاضاءه ...

قعدت اشوي اترقب .. الا واشوف سرب من الذئاب تركض ... يعني الذئاب وش تبي فيني كلي عصاقيل .. يمكن تستخدمني منقاش ..... واررررررركض من الخرعه والرعب وينقز علي واحد من الذياب ويعض سروالي و (( الوصول الى هذه الصفحه غير مسموح به ))

المهم بالاخير قدرت اتخلص منه ( لاحد يسئلني كيف ؟؟؟ .. مدري ) ... واربط الشماغ مكان سروالي .. صاير كني طرزان ...

على طاري طرزان ..
مره طرزان رجع من جولته بالغابه .. اول مادخل بيتهم قعد يهاوش على امه تدروووون ليش ؟؟؟؟؟ ... امه قاعده تسوي ورق عنب بسراويله ...:p


المهم ما علينا ... اقولكم ويجي علي الصبح وانا على هالحاله .. واشتدت الشمس علي من الحر ...
وبدات ازحف على الارض من العطش والتعب والجوع وكلش ...
ترا كلش هذي اهم شيء ...
واخيراً اصابتني دوخه .. وقاربت على الاغماء ... وفجأه


















جاني رجال يقول :



















نعنش مع سفن اب ...



تحياتي ...