الله على ابداع يوم الأربعاء ليلة ولا أروع جماهير هزت استاد الملك فهد "رحمه الله" اعتزال لنجم نجوم الكرة السعودية يوسف الثنيان ومباراة لفريقين كبيرين الهلال السعودي vs فالنسيا الأسباني

قمة في الإمتاع والإبداع بصراحة..

نقاط من ليلة الأربعاء

•من العصر ابتدى استاد الملك فهد الدولي يمتلي على آخره بالجماهير اللي عشقت فن وابداع وتسحيب الثنيان ، من كل الأندية انا متأكدة إن في نصراويين وشببايين وأهلاويين واتحاديين وغيرهم حضروا " أتذكر صديقتي نصراوية متعصبة جدا أيام كاس الخليج وكان الثنيان يلعب واظاهر كنا خسرانين ولاخر دقيقة كان عندها أمل يوم سألتها عن السبب قالت ماادري اذا شفت الثنيان يلعب ارتاح مرة واحس ان بأي لحظة بنفوز" ، عشق كبيرة لهذا اللاعب الفنان..

•عند دخول اللاعبين الهلالين للملعب كانت صرخات الجمهور متعالية ففي البداية دخل سامي وماادراك ماسامي فاهتز الملعب وبعده دخل العملاق الاخطبوط الدعيع وآآآآآآآههههههههه يادعيع واهتز الملعب وبعده دخل الكابتن الخلوق الفدائي الوفي فهد المفرج فانخفضت صرخات الجماهير بشكل واضح أنا متأكدة إنها أثرت في هذا اللاعب اللي ماراح تلاقون زيه ابد في خانته من اداء ولا أروع واخلاق ماعدا المنتشري "عيني عليه باردة" ، ومباراة المنتخب خير دليل أجل القاضي والا الجحدلي..

•ويدخل ياسر الياس وتتعالى الصرخات للاعب الصاعد رفعت من روحه المعنوية كثيرا ولما يدخل عمر الغامدي يختفي صوت الجمهور آآآآآآآآآآآآآآآهههههههههههه ياهلال الأوفياء !!!!!!!!!!!!!!!!!!!!!

•يجب على جماهير الهلال أن تشجع الهلال كفريق ومن يشجع سامي والشلهوب والقحطاني بس فهذا لا يطلق عليه هلالي أبدا..

•تبدأ المباراة وتبدأ الإثارة ثقة كبيرة لدى لاعبين الهلال في الدقيقة الرابعة الخثران (يسّحب) المدافع الفالنسي ويمررها للشلهوب اللي (يرّقص) المدافع الاخر ويسقطه اللللللللللللللللللللللله ياهلال الفن..

•في منتصف الشوط الأول فرصة هلالية خطرة (انبح صوتي فيها ) صرخت 3 مرات وكل مرة أحسبها هدف اللين مااخرجها المدافع الفالنسي ..

•تمريرة جميلة من عمر عفوا المبدع عمر للقناص وصاروخية هدف هلالية فتاااااااااااااااااااااااااااااااك..

•تتوالى الفرص الهلالية بكل ثقة وكل ماله ينبح صوتي أكثر وأكثر وانتهى الشوط الأول وانتهت أحبالي الصوتية..

•الشوط الثاني قل الأداء لكثرة التغيرات لكن مهما كان انت تلعب ضد الهلال مو ضد (الله يستر علينا وعليهم ) صمد الهلال وكانت هناك هجمات هلالية على خفيف اللين ما ارتكب الخطأ وتقدم له الجمعان..

•بصراحة ولحد يضحك علي انا كنت مستغربة ان سامي وتفاريس كانوا قبال الجمعان وقاعدة افكر وشلون بيشوتها اكيد بتصقع فيهم بعدين قلت لا اكيد بيمرر للتمياط المتمركز ورا والتمياط ماشاء الله عليه صاحب رجل حديدية بعدين المعلق قال انها مباشرة لكن يوم تنفذت واللللللللللللللللللللللللله على التنفيذ لولبية والحارس الفالنسي صدق ( كيف الحال؟؟؟)..

•وجا هدف لفالنسيا فقط اكراما للضيف لا أكثر عشان مايزعلون بس ويقولون ماضيفونا  ..

•وانتهت المباراة وانتهى إبداع يوم الأربعاء ولكن للإبداع بقية..



نقاط من أرض الواقع

•لم أتحدث عن الثنيان في هذا الموضوع لأن ماشاء الله بقية الأعضاء كفوا ووفوا..

•ياسر القحطاني ابتدى يرجع للحس التهديفي وهذا شي مطمئن ومريح للاعب نفسه..

•الغامدي حرث الملعب حرث إلى الأمام يا كابتن..

•الخثران في وجهة نظري مابدر منه من تصرفات لا يمحي حقيقة تألقه في جميع مباريات الهلال وخاصة يوم الأربعاء..

•حمد المنتشري وجهة نظري تستحق اللقب وتستحق الاحتراف الخارجي ..

•حزنت لخروج الاتحاد وخاصة انه خرج من ضربة جزاء فلا احد ينكر انه شرف الكرة السعودية هناك..

•سامي جميع الهلالين ينتظرون عودتك وبقوة..

•بداية رائعة للجمعان اتمنى الإستمرارية له..

•إصرار باكيتا على اللعب بوسطيين أيسريين (الشلهوب ، وكماتشو) وعدم إشراك التمياط بدل كماتشو المتراجع المستوى أمر غريب جدا..

•وأخيرا .. الدعيع مازلت الأغلى في نظري..

الرسالة الأصلية كتبت بواسطة غلاب ياهوى موضوع أكثر من راااااااااااااااااااااااائع أختي هلالية . وأشكرك على هذا الإبداع ... وهذا هو الزعيييييييييييييييييييييم ..