|
من الي كان ماسك المكرفون وبأي حق ماسكه ؟ السلام عليكم ورحمة الله وبركاته تحيه طيبه لأعضاء شبكتنا الغاليه شبكة الزعيم والقائمين عليها . في البدايه عندي اعتراف ابقوله لكم ... الحقيقيه اني في الفتره الماضيه ابتعدت شوي عن الهلال ومتابعة مبارياته ومتابعة اخباره " الا الموجود في الصحف " بسبب مشاغل وظروف الدراسه الخ. المهم وبسبب اني انا والشباب ماكنا ندري ان المباراة مشفره ولا هي منقوله على الرياضيه قررنا في اخر لحظه اننا " نتجه " للأستاد , نودع لاعب يما امتعني بفنه ولعبه ورفع راسي ايام الغربه , عيب والله عقب الي سواه لنا نجحده في ليلة تكريمه , وحتى اننا " تهورنا " ودخلنا ولأول مره مدرجات " ام 150 ريال " :d المهم واحنا جالسين ننتظر المباراه الي ما ادري ليه تأخرت ( توقعت ابو يعقوب سحب عليهم :d ) استعدت شريط الذكريات , ذكريات كلها تسحيب وجرجره وكباريات وكعوب وترقيص وظهير ايسر يطيح هنا ومدافع يطيح هناك ( وجزمه وانتم بكرامه تنفصخ وسراويل تتشقق ) وبينيات من نوع انت وظميرك , ولا الفاولات .. ياكثرها ولها طعم خاص اذا كانت قدام الكويت ولا النصر :) اخخخخ بس ياحظهم الي كانوا يجلسون في المدرجات الشماليه في الملز , ياهم يستانسون ونااسه :) .. يازين هلال اول وبس , هلال اليوم مايقصر والله ابداع مستمر , لكن ولو هلال اول شي ثااااني , مدري بس انا الي اشوف كذا ولاحتى انتم ؟ والله مباراة الاربعاء رجعت ذكرياات حلووه مع الأزرق صح ولا لا ؟ من زمااان ماشفنا يوسف وسامي ونواف والدعيع مع بعض . الزبده يا شباب انا ابي اعرف ... الرجال الي ماسك المكرفون وش يصير ؟ اول مره اسمع صوته ؟ وبأي حق مسك المكرفون ومن الي معطيهياه ؟؟ اتكلم من جد ياناس الرجال فشلنا ؟ انا كنت متوقع بندخل الملعب ونسمع الـ 70 الف كلهم وبصوت واحد ينادون " يوسف يوسف يوسف يوسف ... " ويرجون الاستراحات القريبه رجا مبرحا وتوقعت انهم ينادون يوسف مره ثانيه مطالبين بدخوله مثل ما يصير مع سامي , لكن للأسف الشديد ماسمعنا الا راعي المكرفون يقول " يوسف يوسف وي لف يو " على دقة اغنيه غربيه, وييين احنا فيه ؟ قسم بالله كان فيه اثنين اجانب قدامي مدري هم ألمان ولا اسبان المهم انهم يسمعون راعي المكرفون وينظارون بعض مبتسمين وكاتمين الضحكه !! انا استحيت بصراحه . وكل الجماهير الي حولي يزاعقون :" سكتوه سكتوووه " . الجمهور ما الومه حاظرين من العصر وتعبانيين كالعاده لكن راعي المكرفون فشلنا قدام الاسبان .. ولا يوم يقول " ون تو ثري " يبي يسوي امواج !!! عسى ماشر ؟ بزارين ؟ حتى محد عطاه وجه ! . وشباب انكان الي ماسك المكرفون واحد معروف وتحبونه انتم رجاءا لا احد يطب فيني , انا اول مره اسمعه وهذا رايي وراي الي الجمهور الي حولي فيه . كم نقطه اخيره : * اكثر ما ضحكت عليه اثناء المباره يوم طلعت صورة المفرج وبعدها صورة الخثران , واحد من الاجانب الي قدامي التفت على خويه وهو ساكت ..ولسان حاله يقول : " .. مشينا ؟ ... " :d:d . والشي الثاني يوم ابو يعقوب حاول انه يجر بلاعب اسباني وطاح .. رقعها بسرعة بديها ومسك رجله على انه مصاب مدري لاحضتوها ولا لا ؟ المشكله انه قام مافيه الا العافيه يوم رجعت له الكوره :) حركاته مايخليها ابد ههههههه . * الحكم وش فيه متحمس ؟ يوزع كروت ما كأنها مباراة وديه . * قهرني الأسباني الخسيس الي نفخ على الخثران والظاهر مد يده عليه . * واحد من الشباب الي معي , انتهت المبارة ورحنا تعشينا وهو ما يدري يحسب النتيجه 2-2 !!! الله يخلف عليك يا ...... :) اشكر الي قرأ الموضوع الى اخره , ادري اني طولت حكي , بس هذا الي في قلبي و ودي اقوله ولا لي غير هالشبكه الغاليه :) تحياتي للجميع :) |
اول مبروك الفوز اخوي وثانيا هذا الي ماسك المكرفون ومو عاجبك هذا اسد المدرجات الهلاليه هذا الي يقطع مسافة 700 كيلو لكل مبارة للهلال عشان يجي يمسك الرابطة هذا هو رئيس رابطة جماهير الهلال الاخ الكبير ابراهيم حقوي في كل مبارة يجي ويأزر ويضحي بصوته لعيون الزعيم فااتمنى منك انك تتاسف منه لاننا نحب الرجال الي ماقصر والله ..وحركة يوسف يوسف اي لف يو تراها احلى حركة سمعتها صراحة لانه غربيه ..وون تو ثري عشان يسمع الاسبان ويشوفون الموج وكلن عطاه وجه الله يهديك اخوي.. |
صحن قلابه شكلك ماكل فول بالسمن قبل ما تروح المباراه علشان كذا جادت علينا قريحتك بهذا الموضوع تحياتي لك وعقبال ما تصير صحن فول جره |
بالله واحد صحن قلابه مشكل وكثر البيض :D :D اما سالفه المفرج والخثران اعقل لا يفجرونك:eek: |
أقول تعال أمسك المكرفون بداله وورنا شطارتك!! هذا أسد المدرجات الهلاليه هذا أبو خليل إبراهيم حقوي.. وتقول بعد ما أحد عطاه وجه هاه؟؟ كل الجمهور يرددون معه ويسوون الأمواج ولا أحد من الجماهير قال ما أحد عطاه وجه أتمنى إنك تتأسف لرئيس رابطة الجمهور الهلالي الأخ العزيز إبراهيم حقوي |
اخوي هذا ابراهيم حقو ي يعني معقوله واحد يشجع الهلال ولا يعرفه... |
هذا اسد المدرجات ابو خليل(ابراهيم حقوي) الله يعطيه العافيه هو اللي ماسك الرابطة ويقطع على كل مباراة للزعيم 700 كيلو من جيزان الى الرياض لحضور المباراة واهزوجة(يوسف يوسف ..تايقر تايقر..)هذي من افضل الاهازيج واذا ماتعرفه الحين اتوقع انك عرفته وياليت تعتذر منه لانه مسوي كل شيء من اجل جمهور الهلال والله يعطيك الف عافيه يابو خليل سر ونحن من خلفك |
- انت احضر المباريات بعدين انتقد اجل بآخر لحظة توجهت للاستاد .. والله انك ماتسوى حمادة وش عاد الحقوي .. والله ان حمادة يسواكم كلكم يا اللي ماتحضرون المباريات .. جيدين بالانتقاد بس .. عجازين لاخر درجة .. ان كنت تجي للمباريات علشانها مشفرة .. لاتجي والهلال في غنى عن امثالك .. اعذرني اخوي لو قسيت بكلامي .. لكن هذا الواقع وما اسمح لك توجه اي كلام للحقوي لانه ماقصر .. واصل يالحقوي واصل .. ولايهموووونك ... احنا معاك .. |
هذا ابراهيم حقوس اسد المدرجات انا متاكد انك اول مره تروح الملعب عشان كذا ماتعرفه هذا من دونه جمهور الهلال ساكت بالملعب مايتكلم يوم جاء ابو خليل حرك المدرجات وصار جماهير الهلال مختلف ارجو انك تتاسف له وشكرا |
لـو بـآحـلـف آحـس آنـك مـا تـ..ع..ـرف من الـهـلآل الآ آسـمـه :) الـلـه يـخـلـف علـى كورهـ آذا كـان جمـهورهـآ من هـآلنوعيـه .. آبـــــو خـلـيــل .. سـر ونـحـن خـلـفـك يـآسـد المـدرجـآت .. ولا يـهـمـونـك .. ;) يالله يالله وداعة الله ’’ آخـــــــــــــــــــــــــــوكم مـــــــــــــــــــــــــراوغ :) |
الله يعين ابراهيم الحقوي بس كل يوم والثاني يطلع واحد ويتكلم كأن الهلال ملكه. اخوي اذا تقول بأي حق يمسك المايك فأنت بأي حق تتكلم عليه وانت ماتعرفه. اتمنى تراجع حساباتك قبل تنزل اي موضوع. |
إقتباس:
الظاهر انك نعسان حيل |
مشكووور |
تصدق اني مادخلت الموضوع الا علشان اقول الحمدلله على السلامه يا صحن قلابه اذكرك عضو مغبر بس حبيت اسلم مع اني اختلف معك في كثير مما طرحته بس برضوا الحمدلله على السلامه و لاتقطع |
يااخوان اكـــــــــــــــــــــــــاد اجزم لكم بان الاخ حــــــــــــــــــاقد على الهلال وارجوكم ترفعوا عن الـــــــــــــرد سلمت انــــــــــــــــــــاملكم يازعمــــــــــــــــــــــــــــــــــــاء |
شكلك من حقين القهاوي والشات و اول مره تروح للاستاد ابراهيم الحقوي اشرف واوفى هلالي واذا مو عاجبك لا تحضر احسن فالهلال في غنى عنك |
يا اخوان وراكم طبيتوا في الرجال .. تراه من قدامى الاعضاء في المنتدى .. شوفوا عدد مشاركاته تشهد له .. ان كانت وجهة نظره في الحقوي تختلف عن وجهة نظركم مو معناه انه مو هلالي ولا حاقد .. ما قال شي في الهلال كل اللي قاله انتقاد للحقوي .. أنا لا مع كلامه ولا ضده .. أنا محايد في سالفة الحقوي وادري انه في ناس مع وجوده وناس ضد وجوده .. ولكن ما عمري اتهمت شخص بانه غير هلالي لأنه مدح أو ذم الحقوي .. ومن ناحية الاهازيج اللي يغني بها الحقوي .. الناس اذواق منهم اللي تعجبه ومنهم اللي ما تعجبه .. اتمنى ما أكون زعلت احد ولكن مجرد وجهة نظر .. |
اقول كيف الحال ياقلابة ورى ماتروح لمنتداكم الحالمى احسن لك يامندس |
انتم شوفوا الاسم وبعدين احكموا |
لا تعلــــــــــــــــــــــــــــــــــــــــــيق. |
تبقى وجهه نظر نحترمها وحقوي اسد المدرجات |
أقول تعال أمسك المكرفون بداله وورنا شطارتك!! هذا أسد المدرجات الهلاليه هذا أبو خليل إبراهيم حقوي.. وتقول بعد ما أحد عطاه وجه هاه؟؟ كل الجمهور يرددون معه ويسوون الأمواج ولا أحد من الجماهير قال ما أحد عطاه وجه أتمنى إنك تتأسف لرئيس رابطة الجمهور الهلالي الأخ العزيز إبراهيم حقوي |
معقوله ماتعرف (ابوخليل)ابراهيم حقوي:confused: والله اشك في أمرك يا (صحن قلابه ):rolleyes: s13s الهلااااالي ( أبوشهد ) |
الله يعينك شبو فيه الشعب الازرق ولاينلامون راجع حسابتك |
ياناس الرجال يستفسر وانتم طبيتوا فيه تقطيع مالها داعي فهموه بالطريقه اللي تنفع معاه وبعدين ماهو ذنب إذا كان مايحب حقوي كأني ولسان حاله يقول الله لايعيده من يوم نزلت فيه موضوع |
الله يرجك هذا ابو خليييل واللي مايعرف ابو خليييل اجل مايعرف الهلال انتبه لايفجرونك بعض الناس :D اررررررررررررركد :d وبعدين كل الجمهور مراوح وموج وترديد مع ابو خليل وانت تقول محد معطيه وجه اقول كيف الحال |
ياشباب هوو مايقصد ابو خليل يقصد رئيس رابطه الاهلي <<<<<<< يصرف:D الله يعينك يابو قلابه ههههههههههههههههههههه |
وين الغيبات عسى المانع خير ؟:rolleyes: على العموم هذا ابراهيم حقوي اسد المدرجات ...:eek: اتمنى انك تعتذر منه لأنه من الاوفياء للنادي ...:yes: وياهلا فيك ... s13s ونبي الحضور في مباراة الشباب ...:thumbup: بس لاتسب احد ولا لا اشوف وجهك:D :D |
ياقلابة جعل عيونك تتقلب قل امين هل الحين الاسبان منهبلين من التشجيع وانت ناقز على ابو حقووي اذلف جعلك ماترجع |
شباب تبون الصراحة بدون زعل الهلال اوول بدون رابطة افضل بكثيييييييييير الجمهور يشجع مع بعض ويهز الملعب مو الحين ذكرونا بجماهير جدة اتمنى من الاستاذ الحقوي ان يقعد بجدة ويريح حنجرته الذهبية :d |
هذا ابراهيم حقوي اسد المدرجات هههههههههههههههههههههههههههههههههههههه |
المشذاب و جزرة كفيتوا ووفيتوا |
إذا ما عندك سالفه لا تتكلم والله أنك سخيف بكل سطر كتبته |
اللي ماسك المكرفون اسد المدرجات الاستاذ ابراهيم حقوي ...... ورينا شطارتك يا ناقد يا محترم..... هذا حقوي بتزعلو ليه |
السلام عليكم اشوف رأيي ما اعجبكم :) المشكله ان كل ردودكم واحده وغير مقنعه ابد " الرجال يقطع 700 كيلو كل مباراة " " ابوخليل اسد المدرجات " طيب وبعدين ؟ مهب شرط اذا قطع 700 كيلو يعني يجيد التعامل مع المايك ويجيد قيادة 60 ألف متفرج صح ولا لا ؟ ولاهب شرط اذا سميتوه اسد المدرجات يعني هو احسن واحد :) ولا الشباب الي يقولون اذا ما تعرف ابوخليل ماتعرف الهلال ! او اني مندس , احب اقولهم كلمه : الهلال ياشاطر اكبر من فلان وعلان واقفين فالمدرجات ,, الهلال ياشاطر تاريخه ما بدا مع ظهور الأخ حقوي عشان تجي انت وياه و تقولي اذا كنت ما تعرفه منتب هلالي ! . عقول و تفكير ما ادري شلون ارد عليه . والشي الثاني عمره ماكان حضور مباريات الهلال مقياس لدرجة هلاليتك . وخاصه اذا كان عندك مشاغل وظروف اهم من الكوره كلها , لعنة الله عليها اذا كانت بتسبب مشاكل زي كذا !!! فالأخير مافيه ولا رد اقنعني بأنه شخص يستطيع قيادة رابطه , ومن عرفت الهلال الي فتره قريبه والمدرجات تصدح وتردح بدون رابطة ولا قايد ؟, وفي رأيي اول كانت الحال افضل , لكن مشكلتنا ان الشكليات وصلت عندنا للكوره !! . وسؤال .. هل الاخ ابراهيم حقوي هوالسمين شوي ؟ إقتباس:
إقتباس:
سرتني مشاركتك يالطيب واشكرك عليها :) بالنسبه للي شككوا فيني لاني ما احظر مباريات اقولهم : مهب انتم الي تشككون في هلاليتي .. يبابا انا اعرف الهلال واحظر مبارياته قبل لا يصير في شي اسمه شبكة الزعيم ورابطة وخرابيط بزارين ... ياشطار انا من الجيل الي قبلكم :) لاكن مثل ما ذكرت في اول موضوعي مشاغل الحياة ابعدتني عن الكوره .. واذا تبوني انزل لمستواكم فأنا اكثر واحد يحب الهلال في الموضوع هذا والسبب تاريخ التسجيل في هالشبكه . كنت اتمنى مشاركة كبار الاعضاء والقدامى فالموضوع لكن للأسف اغلب الي دخلوا ..... وتحياتي للمخلصين , مهب لفئة " اذا ماتعرف الحقوي وماتحظر مباريات منتب هلالي :d ) |
لا يهمونك اخوي صحن قلابة بعض الناس لا تحتمل نقد حقوي ابدا وكأنه يقود الرابطة ببلاش !!! عموما هذا اصبح حال المنتدى في الفترة الاخيرة مع كثرة وجود صغار السن اللي متحمسين على غير سنع .. (يا تقول زي مااقول او انك مندس !!!) يا جماعة الحقوي مخلص ما قلنا شي ... يسوي اللي يقدر عليه ووالله مقدرين له تعبه .. لكن ياخي اسلوب التشجيع حقه من وجهة نظري ووجهة نظر الكثير مزعج على غير سنع .. صرنا مثل جماهير الغربية .. ازعاج وقلق طول المباراة ... الجماهير اذا ما شجعت بصوت واحد ما يصير للتشجيع معنى .. بل يصبح ازعاج ليس له محل ولا يؤثر في اللعيبة ويحمسهم ولا يخيف المنافسين !!! صدقوني نقدر كل جهودكم وخصوصا الاخ ابراهيم حقوي اللي اتمنى له كل خير لكن اتمنى انه يعود تشجيع الهلال مثل ما كان بس بتنسيق وبشكل مطور اكثر : ياهلال عزك عزنا .. ياهلال .. ومثل هلال .. هلال اوه اوه .. ومثلها الكثير من اساليب التشجيع القديمة اللي عرف الهلال بها واصبحت علامة مسجلة للهلاليين .. كما انها ترج الملعب رج ... ولكن مشكلتنا الوحيدة زمان ان الجمهور ما يتحرك ولا يتفاعل الا كل 10 او ربع ساعة او في حالة الهجمات .. بس مع شوية تنظيم سيردد الجمهور او اغلبهم هذي الاهازيج الرائعة طول المباراة ..وفكونا تكفون من النشاز |
أخوي صحن قلابه مرحبا فيك من جديد وأرجو انك ما تهتم لهالردود المتهورة أكثرهم من صغار السن والدليل شف الإملاء شلون والاسلوب مكركب على بعض ولا فيه حجة المهم لا تكلم بابو خليل !!!! المشكلة واللي أعرفه ان ابو خليل كان في رابطة جماهير الأهلي وانتقل لرابطة الهلال !!! وانا اشجع الهلال حد العشق من قبل لا يتحول ابو خليل للعمل في رابطة الهلال بخمس طعش سنة !!! ومع ذلك لو اقول رايي بصوته النشاز وإزعاجه المزمن وكلماته اللي تدعو للفشيلة يبي يطب فيني عشر مطافيق وثلاثين صغير على الشيلة وخمسين واحد ما يدري وش السالفة ويبي يقولون بصوت واحد : انت ما تعرف ابو خليل ... أسد المدرجات ... أنت منتب هلالي ... أنت مندس !!!! إقتباس:
إقتباس:
أيوالله انك صادق تقول يقود الرابطة ببلاش |
إقتباس:
s60s s13s s13s :thumbup: :D |
إقتباس:
إقتباس:
السلام عليكم اخى العزيز صحن قلابه تبقى وجهه نظر شخصيه اتمنى من الاخون فى المنتدى انا يقبلوا النقد ووجهه النظر الاخرى وصدقونى بدون النقد لا نستطيع ان نطور من مستوانا فيجب علينا تقبل النقد وتقبل جميع الاراء بصدر رحب لانها وجهه نظر تعتبر شخصيه ... ويجب علينا انا لا نكون مع المثل القائل اذا لم تكن معى فأنت ضدى الرجاء من الاخوان واعضاء المنتدى اعطاء هذة النقطه بالذات اهتمام كبير تحياتى لكم جميعا |
| الوقت المعتمد في المنتدى بتوقيت جرينتش +3.
الوقت الان » 01:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd