|
ضرب ... وتكسير سيارة .... وسرقة جولاات السلام عليكم ورحمة الله وبركاته ذهبنا لوداع يوسف الثنيان انطقلنا من المدينه يوم الثلاثاء بعد صلاة العصر مباشرة وصلنا الرياض في الساعه الحادية عشر جاء الموعد الذي اتينا من اجله بصراحه وصلنا الملعب بصعووبه كنا اربعة اشخاص انتظرنا حتى فتحت بوابات استاذ الملك فهد الدوولي دخلنا الاستاذ امتلأت المدرجات تقريبا بعد ساعتين من دخول الجمااهير المهم تفرجنا على المبارة وانتهت الحمد الله لصالح الزعيم بالفوز طبعاً اتجهنا للسيارة نبي نرجع للمدينه زحام شديد بعد المبارة المهم مشينا بالسيارة الا تقريبا قدمنا اكثر من اربعين شخص مسوين تجمهر مرينا من عندهم الا فتحوا السيارة نزل خوينا الشقاوي طبعا عضو موجود بالمنتدي وموقف عن الكتابه من قبل الإدارة مدري ليه المهم يبي يشوف وش السالفه الا جاء واحد اخذ الجوال من يده يبي يجري وراء اللي اخذ الجوال والله ياجماعه اكثر من عشرين شخص وراء خوينا الشقااوي الا بالعصي وبالحجر عليه المهم مجموعه منهم جو للسيارة اخذوا الجولات كلها كسروا قزاز السيارة انا بالسيارة مدري وش اساوي الا جاء واحد نشمي والله يوفقه ركب الموتر وراح بالسيارة بعيد عن هالاشكال بعدها حلفت يمين ما اروح للرياض معاناة صارت لنا والحمد الله على كل شي هذا اللي صار وابي رأيكم بأهل الرياض اللي استقبلونا فيه كفوو الله ابي رأيكم باللي صار يا ابناء الزعيم |
لا والله مالهم حق ...... حرااااااااااام عليهم بعد كل هالمعاناه كمان يصير فيكم كذا؟؟؟؟ الله يسامحهم |
الله لايوفقهم بس انت عميت اهل الرياض اهل الرياض فيهم الصاحي والطاحي زي المدينه فيهم الصاحي والطاحي ولا تواخذ ذا الهمج |
تصرف مرفوض وغريب بس للمعلوميه هناك ناس ليسو هلاليين ولكن امنياتهم افساد المهرجان الثنياني بكل الانواع حسبنا الله ونعم الوكيل والحمدلله المهرجان ناجح بس يوجد تصرفات غريبه من الجمهور في هذه المباراه .. ومثل ماقلتلك هؤلا لايمثلون الهلال ولكن شواذ من انديه اخرى . مع التحيه لك حبايب انا والهلال |
لا حول ولا قوة الا بالله انا اعرف فيه ريد وبف باف مبيدات حشريه ليش مافيه مبيدات بشريه ؟؟؟؟؟؟؟؟؟؟؟؟؟؟ والله حرام فيه ناس عايشه بيننا تسوي كذا ؟ |
ياخوي انت عمٌيت اهل الرياض كلهم حرام عليك... يمكن هذولي مو من الرياض.... |
يااخوي لاتنسى ان بعض الجماهير جايه من خارج الرياض ناس جايه من قرى ومن مدن صغيره ماقد شافوا خير وبعضهم مو هلاليين بس زي ماقالوا الاخوان يبون يفسدون الحفل لكن الله يعوضك خير منه ويرزقك ويعطيك الخير والعافية واشكرك على جيتك الرياض ولاتفكر كل اهل الرياض كذا والله في كل مكان في هالدنيا فيه الطيب وفيه الــ... والله يكون بالمستعان ويعوضك الله ساميووو |
كل شي يهون لا اجل الهلال ويعوضك الله عليك |
ترا في ناس خضرت من انديه آخرى علشان تخرب علينا .. ؟ |
الصراحه ناس ما لهم حقه جاين علشان يخربون كل شيئ |
مازالت هذه الاشكال موجودة |
الله يهديهم |
المهايطيه الله يهديهم ويصلحهم قولوا آمين |
الله يهديهم |
اكبر غلط السكوت على هذه المهازل |
الله يهديهم..:( |
هذولا نصراويين واتحادين ولا بدو |
الناس هذي مو من أهل الرياض .. هذولا أنا أعرفهم زين .. المشردين من الأحياء القديمة بالرياض .. جنسياتهم كثيرة ... لكن اختلاطهم القديم مع اهل الرياض خلا الناس تشك انهم سعوديين ومن اهل الرياض بالتحديد |
موسم سرقه في هالاعتزال الله لايوفقهم |
الله لايوفقهم بس انت عميت اهل الرياض اهل الرياض فيهم الصاحي والطاحي زي المدينه فيهم الصاحي والطاحي ولا تواخذ ذا الهمج |
وش الردود اللي تقول الله يهديهم ... الاشكال هذي الله لايوفقهم لادنيا ولا آخره ... وش هالتربيه جايين يسرقون ويروحون ؟؟؟ الله يعوضك خير الطائر المحلق ... وانا اجزم انهم من خارج الرياض ... او انهم دشير التفحيط وسراقين الكوامري اللي في الرياض الله يبيدهم واحد واحد |
اللي أخذوا جوالاتكم أعرفهم كلهم زين المعرفة ..... والجوالات هي الفيصلية والشيطان ......... لكن الله يعوضك لو أنك بالرياض جبتها لك.... |
اسمع اخوي هذولا همجيه من مدن صغيره وقرى ولا قد شافو الخير |
الله يهديهم وشلون يسون كذا |
ما ادري وش اقول عن ذا البدو؟؟! |
هذولا بدو نصراوين وليس لهم علاقة باهل الرياض |
نتمنى لهم الشفاء العاجل لانهم مرضى |
انا طبعا انهبلت من الي صار مادري وش اسوي طبعا كل الناس لاحضو القصف الي صار بالمويه انا خفت على نفسي وعلى اخوي الصغير لاكن الي قهرني في ذا السلنتح اعذروني على هل الكلمه ونا مدري ونا جالس طبعا فوق الى وهذي المويه جت في كتف اخوووووي انا طبعا انقهرت لاكن الي قهرني زياده اني يوم طالعت ابي ادور الي رمى المويه الى هو يأشر يقول انا الي رميتها وانا تقفل معي رحت اخذت المويه ورميتها عليه حطيت حرتي فيه لاكن انا معذور صح ولالا ترى مو كل شعب الرياض سلنتح قله تري الي كذا من النضيم او النسيم او الروضه ... واذكركم على المجاعه الي صارت بين الشوطين على البوفيه تحت العمال انهبلو يقولون هذولي مجاعه صار طق وطقيق على المويه والاكل انا كل الي سويته اخذت مويه قبل لا يبدأ الحفل وبعدها حرمت اخذ شي انا بعد الموقف الي صار قررت: 1-اني ماروح الى المباريات المهمه يعني على الكاس او فريق اجنبي 2-اعتزالات 3-مباريات المنتخب لا غير بلا وديه بلا نصف نهائي الله يخلي القناة الرياضيه اقصد السعوديه الثالثه طووووووووووووووووووووووووووووووووووووووووووولتها وهي قصيره لا كن تحملو |
انا صارت لنا مشكله اكبر من ما جااااك !! احنا طلعنا من المباراه فرحاانين ومبسوطين ! ووفجأه لقينا سياراتنا مسروووقه !!!!! ونجي عند الدوريات نقول لهم سياراتنا مسروقه يقولون اتصلوا على 999 وقولوا لهم !! طيب وانت وشو !!اتصلنا وقالوا لنا راجعوا قسم الشرطه وبلغوا !!! رحنا وبلغنا ,, وما لقيناها إلا الساعه 3 الفجر ! ولا لقينا فيه ولا شي زين ! القزاز والدروج مكسّره ,, اغراضنا وحاجاتنا مسرووووقه ! الجنط متعفّط .. والكفرااات رايحه فيها ,, الجنا مكسوور ومسروق ! والسياؤه معدومه وكلها صدماااات ! ولقيناها مرميه في مكان كله مويه ,, ووجهيتها في المويه وكللللها تراب وغبار !! والحين ما عاد تسوى ولا 5 آلاف !!! |
صحيح أخوي أنا شفت سيارتك الي أضاهر هي كورلا الموديل جديد وفيه واحد كسروا سيارته وقام يبكي الله يعينه مسكين صحيح همججججججججججججججججججج |
انا كمان ,, حرمت احضر مباريات نهائيه ولا عتزالات ولا مباراه كبيره مثل هذي ! والسبب هالي سرقوا سياراتنا !!!!! |
الحمد لله على سلامتكم أخوي بس وش نقول حسبي الله عليهم ناس حثاله متخلفين رجعيين غير هذا رمي قوارير المويه بس الحمد لله المهرجان ناجح بكل المقاييس |
| الوقت المعتمد في المنتدى بتوقيت جرينتش +3.
الوقت الان » 08:17 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd