السلام عليكم

انا كنت في الملعب امس من الساعه اربع العصر وشفت أشياء والله ماشفتها في أي مباراه ثانيه

راح اتكلم كثير وفي ناس واجد ماراح يعجبهم كلامي بس تبقى هذي وجهة نظري وشي من اللي شفته أمس

اول شي راح اتكلم عن فالنسيا واللي وعد انه راح يجي بكامل نجومه وشفنا 6 لاعبين ما احضروا والسبب معسكر المنتخب الاسباني ؟؟؟؟؟

براخا و فيا وفيسنتي و البيدا وكلويفرت وايالا والاخير مصاب

اول ثلاثه قالوا انهم في معسكر لمنتخبهم والكل يدري انه مافي معسكر للمنتخب الاسباني

مستوى فالنسيا السئ واللي كانوا يلعبون بدون نفس واولهم ايمار اللي كان يتظاهر بالاصابه والثاني حارسهم كاريسارس اللي كان يستهبل ونرفزه بعض لاعبين فالنسيا

وثاني شي ( بعض ) من الجمهور كان سئ الى ابعد حد واحلى ترويشه بالمويه والعصيرات للي كانوا تحت وأولهم أنا

بعض من الجمهور المتخلف كانوا يرمون علب المويه على المصورين الاسبان ويافشيلتاه واحد حط شال الهلال ولفه على رقبته ويجي واحد ويحذفه بعلبه مويه ؟؟؟؟؟؟؟

وجهة نظر الاعتزال كان حلو بس توقعت احلى بكثيييييييييييييييييييييييير

تحياتي واسف على الاطاله وتبقى وجهة نظر مشجع هلالي يحب فريقه