#1  
قديم 15/12/2005, 02:33 AM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
برافو جمهور الزعيم ولكن !!!!!!!

بسم الله الرحمن الرحيم


اولا : الف الف الف مبروووووك نجاح مهرجان اعتزال النجم الفيلسوف منبع المهارة يوسف الثنيان

صحيح اننا حزينين على فقدة ولكن عزاؤنا نجاح مهرجان اعتزالة

ثانيا : صراحة ماكنت اتوقع هالحضور المبهر وهالجمهور العظيم اللي اثبت ان الهلال اكبر شعبية في اسيا كلها

ولكن اللي نغص علينا فرحتنا بها الحفل وهالفوز هو بعض تصرفات الجمهور الصبيانية

وصراحة انا توقعت يوم صارت التذاكر ب30 ريال عدم حظور بعض العينات من الجماهير التي تسئ للنادي وللاسف انها

تدعي تشجيعة

بداية من دخول اللاعبين لارض الملعب مثل المفرج وخليل وجيلسون واستقبالهم بصافرات الاستهجان

والله اني ضاع وجهي وش بيقولون عنا الاسبان لاعب في فريقنا ونستقبله بهالطريقة الهمجية

والحمدلله ان المفرج رد عليكم وكان من نجوم المبارة

والشئ الثاني هو ترجيم بعض الجماهير لبعضهم والله عيب يعني في المباريات الثانية كنا نقول يرجمون الخصم مع انها

ماتنهضم ولكن نقدر نبلعها ولكن يرجمون بعضهم هذي لو اشرب معها هلستون ماهضمتها

والشئ الثالث بعد المباراة وبينما ( حلوة بينما ) كنت متوجه لسيارتي اللي ملبقها عند كوبري الفحص من زود العجلة

الا اشوف بورش كاين ابيض لوحته ن ص ر 111في وسط الزحمة واشوف الراكب الا هو ماجد عبدالله ومن معه ورى نجيب

الامام ومن اللي يسوق بهم فيصل بن عبدالرحمن رئيس النصر

مهوب هذا المهم الزبدة يوم شافوهم بعض الجمهور الهمج ويحوطون السيارة واللي يركى فوق الصدام الخلفي ويقعد يهز

السيارة واللي ينشب يده في شباك السيارة وينشب واحد لماجد الى ان فتح الشباك وقام ولبسه شال الهلال ويوم

سكر ماجد الشباك على طول وخر الشال ويقعدون حول السيارة يمكن 5 دقائق وهم مداهمينها الى ان وصلوا الى الدوار

اللي عند الاستاد ولقوا دورية ويبغون هالدورية يوخرون هالهمج ماقدروا وماجد المسيكين يتبسم من اللخمة الى ان فتح

لهم الشرطي الطريق ومشوا

يااخوان والله اني راجع للبيت وانا ضايق صدري ودي اجمع كل هالهمج في قفص وادخلهم على تماسيح مجوعة <<< تراني دموي

نقاط من الحفل


@@ ياسر اثبت انه لا يظهر الى امام الكبار واللي حظر في الملعب يشوف اليوم كيف كان ياسر يخلخل الدفاع ووشلون

يفتح صح

@@ مع احترامي لسامي والعنبر والجمعان ( سامي مالومة توه راجع من بعد غيبه ) وضح الفرق بين الهجوم اللي يتحرك

ويقلق الدفاعاتويفتح المساحات وبين الهجوم اللي يوقف ينتظر الكور فاللي شاف ياسر مع جيلسون او الصويلح بيعرف

الفرق

@@ اثبت كماتشو انه القلب النابض لوسط الهلال فمع خروجة نام وسط الهلال

@@ صراحة مافيه اي مقارنة بين العصفور والياس واكيد عرفتوا الافضلية لمين ...........

@@ نواف يمرر بمرحلة صعبة ارجوا ان نقف معه

@@ المفرج يثبت انه نجم ولكن جمهور الهلال عنده قناعات لم ولن يغيرها وابقولكم شئ ترى الاهداف ماتجي الا من اغلاط واحسن المدافعين اقلهم اغلاط ولو رجعنا لكاس فيصل وغلطة تفاريس امام الاهلي ولكنكم للاسف لم تقولو شئ عنها لانه ليس المفرج

@@ الخثران يثبت للمرة المليون انه نجم نجم نجم

@@ الغنام بدى يرجع لمستواه وبدى يوثق بنفسه

@@ الشلهوب نجم دائما


وسلامتكم ................................
اضافة رد مع اقتباس
  #2  
قديم 15/12/2005, 01:03 PM
زعيــم نشيــط
تاريخ التسجيل: 01/07/2005
المكان: الكويت
مشاركات: 904
[

يا عزيزي من رأى كيف يركض سامي امس وراى الانحناء الهائل في ظهر سامي وعدم قدرته على السيطره على الكره

يعرف تماما بان سامي قدم اخر ما عنده الموسم الفائت

ووالله وتالله وبالله ان مشاركة سامي على حساب القحطاني ياسر او العنبر او الصويلح انها ضد مصلحة الهلال100%

واعتقد اكبر دليل مباراة اليوم ...اما انك تقول توه راجع فنحن يا عزيزي في منتصف الموسم فما هو سبب تأخر رجعته الى الان؟؟!!اصابه لا بالتأكيد

واذا عندك استعداد تدافع عن سامي الان في هذا الموسم بالذات فانت مشجع لسامي وليس الهلال[/quote]
اضافة رد مع اقتباس
  #3  
قديم 15/12/2005, 01:07 PM
زعيــم نشيــط
تاريخ التسجيل: 01/07/2005
المكان: الكويت
مشاركات: 904
والله انك ناكر الجميل يامدري شسمك انت صدق انك خي خو يا الخيخه تتكلم عن سامي وكنك ماعمرك صفقتله والله انك ناكر الجميل يا قليل الخاتمه
اضافة رد مع اقتباس
  #4  
قديم 15/12/2005, 02:25 PM
موقوف
تاريخ التسجيل: 02/10/2005
المكان: وسط الهلال
مشاركات: 495
صراحة استغرب من الجمهور الهلالي هذا التصرف الهمجي مع النجم ماجد عبدالله .......... لانه مهما قال ومهما حصل يظل النجم السعودي الاول ......... ولايجوز منا هذا التصرف ........... تقبلوا تحياتي.
اضافة رد مع اقتباس
  #5  
قديم 15/12/2005, 03:45 PM
زعيــم متواصــل
تاريخ التسجيل: 21/06/2005
المكان: السوبر ماركت
مشاركات: 120
أقول روح لمنتديات الحالمي شوف التعليق على موضوعك يالحبيب


http://www.alnassrclub.com/vb/showthread.php?t=98696
اضافة رد مع اقتباس
  #6  
قديم 15/12/2005, 06:46 PM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
اخوي خي خو

ماراح اشكك في هلاليتك لانك ان شاء الله اكبر من هالشئ

وصدقني سامي لو يبي يغيب طول الموسم ويرجع يلعب النهائي ماعندي مشكلة لانه من اكبر المساهمين في الشركة الهلالية

وله الفضل بعد الله في انجازات هلالية كثيرة

وصدقني حتى لو ماله عذر ابطلع له من تحت الارض عذر لان هذا هو الذيب سامي جابر عثرات الهلال

وان كان كلامي مااعجبك رح دور لك منتدى ثاني
اضافة رد مع اقتباس
  #7  
قديم 15/12/2005, 09:04 PM
زعيــم متواصــل
تاريخ التسجيل: 11/07/2005
المكان: الجــ سكاكا ــوف
مشاركات: 136
يا عزيزي من رأى كيف يركض سامي امس وراى الانحناء الهائل في ظهر سامي وعدم قدرته على السيطره على الكره

يعرف تماما بان سامي قدم اخر ما عنده الموسم الفائت

ووالله وتالله وبالله ان مشاركة سامي على حساب القحطاني ياسر او العنبر او الصويلح انها ضد مصلحة الهلال100%

واعتقد اكبر دليل مباراة اليوم ...اما انك تقول توه راجع فنحن يا عزيزي في منتصف الموسم فما هو سبب تأخر رجعته الى الان؟؟!!اصابه لا بالتأكيد

واذا عندك استعداد تدافع عن سامي الان في هذا الموسم بالذات فانت مشجع لسامي وليس الهلال
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:38 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube