لن ينجب الهلال لاعباً يقف بوجه النمر ابداً ... ابداً - نادي الهلال السعودي - شبكة الزعيم

ماسح الطبلون · #1 12/12/2005, 07:02 PM

ياحليل المعصبين وياحليل المتوترين وياحليل اللي جاين يتهاوشوا في ذا

ويش يبي ها العضوا ؟؟؟

وش يقصد هالخبل ؟؟؟

ناظروا عدد مشاركاته واذا غلط ياويله هالمندس

ايه بالله ... بنربيه هالماسح الطبلون وبنمسح العلم من راسه

ها وش قصدك بالنمر اللي مافي لاعب هلالي بياقف في وجهه ؟؟؟؟؟

ولا تراك حاط عنوان بوادي وهرجك بوادي ثاني ؟؟؟؟

هذا توقعي للي داعمين في ذا وهم شابكين الدبل

وباجيبكم ايه بالله اني عند كلامي وما احيد عنه ابد ..... ابد

والعنون والموضوع بوادي واحد مجتمعين وما ينفصلوا

نعم لن ينجب الهلال لاعباً ياقف بوجه النمر

ها زادت عصبيتكم ؟؟؟؟؟

احمريتوا من الزعل وصارت وجوهكم كما الطماط ؟؟؟؟

خلاص والله حنيت عليكم وبادعم في صلب الموضوع

والله يستر من تاليها

اهبطوا هبوط اضطراري

اتوكل على الله واقول ياساده ياكرام

اذا استثنينا الامبراطور ( صالح ) والذئب ( سامي ) واخرجناهم من ها المقارنه

فان ملاعب الزعيم وكل الملاعب السعوديه لم ولن تنجب

في المستقبل القريب ولا البعيد لاعب فنان وموهوب ويطرب الجماهير عامة

بالفن والمتعه ويبعد عنا جو التوتر ويعمل لنا داخل المباراه مباراه اخرى كلها طرب

كما يفعل ( النمر الآسيوي )

( ابويعقوب )

واتحداكم جميع تسموا لي لاعب يتقدم بكل ثبات وياقف بوجه النمر

( يوسف )

ويقول له انا باحمل الرايه من بعدك

وباخلي الجماهير تنسى اسمك وفنك

واللي يقول لي ان ولد القحطاني هو البديل

باشغل موتري وبامسح الطبلون

ولاني بماخذ طاري اللومينا كعادتي

اما الفرامل خليها على الله

والبركه في كرش هالمتحدي

ويازين موتري زينااااااااه ه ه

وياشين اللومينا شينااااااااه ه ه

وكلمه اخيره قبل الوداع

مين فيكم عد هالابنسامه (

)

قبل مايقرأ موضوعي

لوسواها كان عرف من عددها مين اقصد بموضوعي

وسلامتكم يازعماء يامعصبيين

الــhilalــوادي · #2 12/12/2005, 07:21 PM

يعطيك العافيه

ويوم حزين للجميع بوداع الفيلسوف...:sad:

انا الهلالي وبس · #3 12/12/2005, 07:25 PM

مشكور........ياماسح الطبلوون

المقلع 99 · #4 12/12/2005, 09:47 PM

مشكووووووووور

الكاتب الهلالي · #5 12/12/2005, 10:30 PM

الله يوفقة في حياته

نزيه المشاعر · #6 13/12/2005, 04:52 AM

الله يعطيك العافيه اخوي

ماسح الطبلون · #7 13/12/2005, 05:03 PM

اشكركم جميع

ودعواتنا وامنياتنا للفيلسوف بالتوفيق في حياته الخاصه

أســ القلوب ــيـر · #8 13/12/2005, 05:06 PM

يعطيكـ الف عافيه ....

اموت فيك يالأزرق · #9 13/12/2005, 07:41 PM

أتمنى يجي اليوم اللي نشوف فيه لعيبه مثل أو نقول أفضل من ابويعقوب
لاتقول لن تنجب الملاعب قل ان شاءالله تنجب الملاعب خاصة في نادي الهلال
وهذا لمصلحة زعيم نصف الكرة الأرضية

ومشكوووور يالغالي وهد السرعة ترى عليها مخالفة وسجن هاليومين