كاريكاتير قوي جدا ::: ياترى من المقصود فيه ؟ - نادي الهلال السعودي - شبكة الزعيم

Mr.GoaL · #1 13/12/2005, 07:22 PM

السلام عليكم

مساكم الله بالخير

اعزائي المشاهدين يسرني ان ارحب بكم في بدايه حلقه جديده من برنامجكم الاسبوعي من الباديه

لاتصدقون اني ابن شلاح <<< الله يذكرك بالخير يابن العم وايام الراديو

الا على طارئ الراديو ياشباب منكم احد سبق ان استمع للمباريات القويه في الراديو

تصدقون اني اقول وش هالمباراه القويه اللي كلها هجمات خطيره

تلقى الكورة في نص الملعب والجمهور يصيح والمعلق يصحيح <<< ايام البكر والاحمد وصدقه

المهم مالكم في الطويله <> قام يسحبكم من موضوع في موضوع <> كنه الثنيان ودفاع النصر

الاخوان في لجنة التطوير عودونا على تقديم الكاريكاتيرات كل يوم الا هاليومين وينكم؟

اليوم حصلت لكم كاريكاتير خطير من منبر الحريه جريده الجزيره

شوفوا الكاريكاتير واتحداكم تعرفون ابو غترة من هو ؟

طيب فيه واحد ثاني تحداكم تقولون لي الليموزين هذي تشبه سيارة من في المنتدى فيه واحد في

توقيعه سياره ياترى هو المقصود ؟ والله منت بسهل وصلت الجزيرة بددسنك

معذرة على رقم اللوحه بس ذكرت ددسنك

وردة الهـلال · #2 14/12/2005, 01:09 AM

امممممم انا اتوقع غازي القصيبي !!!

مادري بس جا على بالي ..

مشكور أخوي ...

الـــوردة الزرقاء · #3 14/12/2005, 03:21 AM

الا على طارئ الراديو ياشباب منكم احد سبق ان استمع للمباريات القويه في الراديو

ايه والله قد سمعت والله احس نفسي عمياء.......

والكر كاتير اعتقد القصيبي الاول عاد مايبليله كلام
والثاني مو تقصد سياره خالد333 بس سيارته احلى

شكر سلام ياهلال

Mr.GoaL · #4 14/12/2005, 08:11 AM

مشكورين ياشباب

بس السيارة لا خطا عليكي يالورده

السياره سيارة ........................

لاحقا سنعلن عنها

لوحة مميزة · #5 14/12/2005, 10:19 AM

أهلين سلام يا هلال
شعلة المنتدى الإقتصادي

الكاريكتير الأول سياسي مانيب قده

الثاني خخخخخخ
والله من جد ياهالأفغان حقين الليموزينات مدري وش يعجبهم بهالتزيين
تلقى الواحد معه كامري 2003

يروح يركب طياس برتقاليه مع أخضر
ويحط على النسافات سلاسل ويكبر النسافات

والله مشكله ذا أنواع الـ ق ب ح

إقتباس


	الا على طارئ الراديو ياشباب منكم احد سبق ان استمع للمباريات القويه في الراديو

مره سألت واحد المباراة منقوله على الراديو ولا لأ لأن كنا بالسياره
ضحك علي

عجزت أقنعه إن المباريات تنقل على الراديو
بس مدري إلى الحين تنقل بالراديو ولا لأ !!!!!!!

Mr.GoaL · #6 14/12/2005, 11:46 AM

لوحة مميزة شكرا لك

وليش مانت بقده

دام الرسام وصله >>>> بيوهقك

والسيارة تراة واحد من اعضاء مجلس التطوير واسمه بنفسجي

الا والله الى الان تنقل على الراديو واساليني وخاصة النهائيات والمباريات المهمه

واخر مبارة سمعتها كانت مباراة النصر والاتحاد العام الماضي 6/0 كنت برى الرياض

وخارجيا قبل اسبوع كنت اتمشى والف الراديو وسمعت مباراة صليبيخات والجهراء في الدوري الكويتي

تحياتي لمرورك الكريم

ssuss · #7 14/12/2005, 11:51 AM

اما الكاريكاتير الاول فهو مثل المثل الي يقول عشم ابليس في الجنة بعد الرضعه وبعد مايفطمونهم بياكلون اكل الهوايل جعله اكل سحت

راشــد · #8 14/12/2005, 12:43 PM

إقتباس


	شوفوا الكاريكاتير واتحداكم تعرفون ابو غترة من هو ؟

هذي صورة الشايب اللي على علبة شوربة كويكر !!

لوحة مميزة · #9 14/12/2005, 12:51 PM

إقتباس

الرسالة الأصلية كتبت بواسطة ssuss


	اما الكاريكاتير الاول فهو مثل المثل الي يقول عشم ابليس في الجنة بعد الرضعه وبعد مايفطمونهم بياكلون اكل الهوايل جعله اكل سحت