#1  
قديم 10/12/2005, 03:22 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
Unhappy [[ ما جاني النوم ]]

[align=center]


واحد ما جاه النوم وش يصلح ؟؟
يفتح الزعيم .. يروح لمنتدى المجلس العام .. يضغط على ايقونة موضوع جديد ..
ويخربط لين ما يجيه النوم ويروح ينام ..

يالله الحين بخربط لين ما يجيني النوم عاد متى يجيني النوم هذي مشكلتكم !!
يعني يمكن تمسك معي وبعد دقيقتين يجيني النوم ارسل الموضوع زي ما هو واروح انام !!
ويمكن تمسك معي ما يجيني النوم وببتل اكتب لين ما يجني النوم !!
يعني الأمر مهوب بيدي !!

ايه اقولكم الحين الواحد اذا ما جاه النوم وش يسوي ؟؟
لا تقولون "يفتح الزعيم .. يروح لمنتدى المجلس العام .. يضغط على ايقونة موضوع جديد ..
ويخربط لين ما يجيه النوم ويروح ينام .. "

لا هذاك منول الحين وش يسوي ..
يروح لـ اقرب مطعم يأكل له شئ خفيف عقبها يرجع ويكسر الفحم ويزين له رأس معسل !!
يؤ صح نسيت اثري تارك الدخان !!
خلاص نغير المعسل !!

وش يصلح الواحد اذا ما جاه النوم ؟؟
اصعب سؤال :sad: !!
خصوصاً اذا كان مديره يقوله لا عاد تتأخر تراك مصختها !!
الناس توقع 7 ونص وانت 8 ونص !!
قلت له يا ابو محمد << طبعاً هو مديرنا << يشرح للأغبياء !!
انت تدري اني مغترب ولازم تراعي فارق التوقيت بين ساعتي اللي جايبها معي من بيتنا وبين توقيت ديرتكم ياخي مهوب ذنبي انكم تفرقون عن الرياض بساعه !!
وش رأيكم بالله ما حجرته بزاويه انا وهالرد المؤلم !!
بالله مهوب معي الحق ؟؟ !!



ايه صح لا تنسون تباركون لـ الدب ;) بـ مناسبة الخطوبة الرجال ما شاء الله جزم يتزوج
تخبرون تقدموا له ناس واجد بس هو رافض مبدأ الزواج يقول منب متزوج الا اللي احبها ;) !!
اقوله وش اللي تحبها !!
اها بس انت مالك الا الزواج والا تبي تبتل عزوبي ويفوتك قطار الزواج !!
همن تبي تجلس بحلق ابوك وامك اللي مغير يعلفون فيك وانت اكل ومرعى وقلة صنعه !!

الا وش رايكم باللي يفوته القطار وهو مستعجل وما فيه كداديه !! وش يصلح !!

صح على طاري السيارات . حالياً وحصرياً في الزعيم فقط ..
ننشر لكم مقتطفات من كتاب قلي وش لوحتك اقولك من انت
للكاتب الكبير " صدى الامس "
واللي قال فيه مدير المرور ;) ..
" انصح فيه عشان نفتك من اللي ينشبون لنا يبون لوحة مميزة مهوب اللي في المنتدى معكم لا "


ا ب ر 005
هذي لوحة دكتور يطق ابر او نقول مدمن بعد ترى تجي

ا ب ل 005
هذي لوحة سيارة السواق حق ابله منيرة

ب ا ر 666
هذي لوحة واحد راعي شراب الله يعافينا :sad:

ب ا ص 666
هذي لوحة واحد ينقل بنات للمدارس

ب ا ك 555
هذي لوحة واحد راعي شات دايم يقول برب همن يقول باك عشان يولكمون له

د ر س 006
هذي لوحة مدرس جديد ناشب له الدرس السادس وملزقينها فيه وهو ما يدري وش يسوي بحكم انه جديد

ر ا س 999
هذي لوحة واحد راسه كبير مره حتى انه لا بغى يدخل للبيت دخل من باب الكراج

ر ي م 222
هذي لوحة الابلة ريم اللي ما تدرس في نفس مدرسة الابلة منيرة

س ا ر 005
هذي لوحة الابله سارة اللي تدرس في نفس مدرسة الابله منيرة

س ا ق 666
ما يحتاج وفي رواية " ما يتاج ;) " نشرح ونوضح ;)

ص ا ع 005
هذي لوحة واحد عنده صعوبة في النطق دايم ينطق حرف الـ " س " " ص "

ص ب ع 005
هذي لوحة اخو اللي فوق ودايم يقول صبعه مهوب سبعه

ص ل ع 005
هذي لوحة واحد مصلع

ع ل ك 005
هذي لوحة واحد يحب العلك لانه يدخن وما يبي اهله يكفشووونه عشان تسذا يأكل علك

ك ح ه 444
هذي لوحة اخصائي انف واذن وحنجره وامراض صدرية وكل شي يتعلق بالإنسان من السر إلى الرأس

م ا ب 222
هذي لوحة مدرس جغرافيا يشرح للطلاب الدرس دايم على الماب يعني الخريطة لغير الناطقين بالباكستانية

م ن و 987
هذي لوحة واحد يحب المنوبولي بس ما قدر يكمل الكلمة قال العوض ولا القطيعة

ب ا ي 888
هذي لوحة واحد كاتب موضوع وجاه النوم

<< تراه حاط آخر لوحه 888 عشان سهل بس


[/align]
اضافة رد مع اقتباس
  #2  
قديم 10/12/2005, 03:29 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
يا حبي لك

أبغى لوحة مميزة ( مو خوينا العضو لوحة مميزة ) لوحة سيارة مميزة بس بشرط تركب على ددتسن 76


وألف ألف مبرووووك الخطوبة حبيبي وعقبال للحاتمي
تحياتي

صلاح-

اخر تعديل كان بواسطة » عاشق الزعيم من اليمن في يوم » 10/12/2005 عند الساعة » 05:41 AM
اضافة رد مع اقتباس
  #3  
قديم 10/12/2005, 05:11 AM
الصورة الرمزية الخاصة بـ سـ الزعيم ـام6
في انتظار تفعيل البريد من قبل العضو
تاريخ التسجيل: 20/08/2005
المكان: بكتيبة الزعماء
مشاركات: 871
حلوه يا امس الصدى اقصد صدى الامس الحال مثلك
بس عندي اجازه خمست ايام مافيه الا تفجير نوووووووووووو ووووووووووووم بعد الفجر

ويعطيك العافيه
اضافة رد مع اقتباس
  #4  
قديم 10/12/2005, 06:57 AM
رحمه الله واسكنه فسيح جناته
تاريخ التسجيل: 19/08/2003
المكان: الرياض عاصمتنا الحبيبة
مشاركات: 3,703
Post



ما يستفاد من الموضوع :

صدى الأمس دب
<<-- طلع من الموضوع ورجع له يبي يرد وما ذكر إلا هذا

على فكرة يا شباااااااااب
أنا أتبرأ من شيء أسمه لوحة مميزة

خلااااص أنا لوحة وبس
يعني موب لوحة مميزة يعني لوحة مميزة
لأ لوحة مميزة وبس << شف الشرح


تحياتي ..
أحسن لوحة
ن ن ب 18*
أو
ص ح ر 911 <<-- منقذ الصحراء
^ بس الله يخلف طارت علي اللحة هذي
وأزودك من الشعر بيت كانت على جيب


تحياتي ..
اضافة رد مع اقتباس
  #5  
قديم 10/12/2005, 09:33 AM
زعيــم متواصــل
تاريخ التسجيل: 05/11/2005
مشاركات: 116
يا خي فيك فضاوة الشرق الأوسط كله

ومع ذلك موضوع وش ملحه و سهل الهضم

و مبروك الزواج و عقبال الملكة .. بس لا تنسى ترى معزومين => عادي هلالية اذب الميانة بدري

بس عندي ملاحظة على اهل اللوح المميزة ..!!

هم من صدقهم يشوفون فيها تميز ..؟؟!! اعنبو بليسهم لاقين الدراهم في الشارع علشان يرمونها بهيك طريأة

مشكور اخوي صدى الأمس .. و يا رب كل لياليك ارق => الله من زين الدعوة
اضافة رد مع اقتباس
  #6  
قديم 10/12/2005, 10:02 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
(( تؤبرني شو مهضضضضضوم صدى عااا هيك موضوع))

^
^
@ صدى الدجة آعلاه رائي احد الشباب . اما رائيي فأكثر من هالدجه .. قصدي المواضيع يا صدى كل الأزمان .
اضافة رد مع اقتباس
  #7  
قديم 10/12/2005, 10:02 AM
رحمه الله واسكنه فسيح جناته
تاريخ التسجيل: 19/08/2003
المكان: الرياض عاصمتنا الحبيبة
مشاركات: 3,703
Post

أكتب هذا الرد وأنا متلطم ( )
إقتباس
الرسالة الأصلية كتبت بواسطة وردة الهـلال
بس عندي ملاحظة على اهل اللوح المميزة ..!!

هم من صدقهم يشوفون فيها تميز ..؟؟!! اعنبو بليسهم لاقين الدراهم في الشارع علشان يرمونها بهيك طريأة

إيه والله أنك صادقه هم ياهم عايشين على بنك
ولا ناس فاضيه



تحياتي ..

اخر تعديل كان بواسطة » لوحة مميزة في يوم » 10/12/2005 عند الساعة » 01:30 PM السبب: ما يحتاج
اضافة رد مع اقتباس
  #8  
قديم 10/12/2005, 10:55 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
" صدى الدجه تدري ليه أنا ما أحب أحارشك ؟! لأني أخاف تصك علي مثل ما صكيت على مديرك !!
من يقدر يجاريك بفطنتك و سرعة بديهتك ؟! بصراحة أنا لست مستعداً لاستقبال رد مؤلم "

أعتقد أنك بحاجة إلى إعادة تأهيل نفسي مع أن ردك على العنا " جايز لي " ..

إقتباس
الرسالة الأصلية كتبت بواسطة صدى الامس
[align=center]

للكاتب الكبير " صدى الامس "

[/align]

مشكلة إذا زادت الثقة في النفس ؟!

بالمناسبه صحوه أخافه ما بعد صحى تخبرون سهران البارح الله يعينا وياه ..

اخر تعديل كان بواسطة » abu_riman في يوم » 10/12/2005 عند الساعة » 12:52 PM
اضافة رد مع اقتباس
  #9  
قديم 10/12/2005, 12:22 PM
عضو سابق في إدارة شبكة الزعيم
تاريخ التسجيل: 11/04/2003
المكان: USA
مشاركات: 13,487
صدى الامس فعلا ضحكت من جد
وسالفة المدير ذكرتي بمرة تاخرت لا الساعه 10 >> مخربها من جد

فسالني المدير وينك والله لو انك مدير المؤسسة ماتجي الحين >> مدير المؤسسة يجي الساعه 9 مايتاخر

فقلت يابو عمر انا سيارتي تريله وخبرك هالايام ممنوع دخول التريلات طريق الملك فهد الا بعد الساعه 9:30

فقام يضحك وضحكت الموظفين كلهم معنا فسامحني وقرب مني وقال >>> لو تعودها خلك ببيتكم

واخوكم من يومها بعد صلاة الفجر ماعاد ينام يجلس لين الساعه 7 ومن ثم داوم واول واحد يدق كرت هو

سابقا متعود اخذ لي (غطه ) يعني غفوه للي مايعرفون حكي البدو << تراني بدوي اصلي بس خربتني الرياض

تحياتي لك واللوحات فعلا مميزة كلها وخاصه

ب ا ي 888

تحياتي
اضافة رد مع اقتباس
  #10  
قديم 10/12/2005, 04:00 PM
الصورة الرمزية الخاصة بـ blueblood_999
زعيــم مميــز
تاريخ التسجيل: 10/09/2004
المكان: United States
مشاركات: 4,406


وهي أول مرة ما يجيك نوم ..!!

دايماً أنا اللي أهدّكـ ..

بس أمس مشغول .. ونمت بدري .. :p

المهم قايل لك أنت وخشّتك .. يوم من الايام بيجيك استدعاء من ادارة التعليم ..

إلا على طاري الدوام ..

وش أخبار الطالب اللي جالس بالزاوية .. وما غير حش فيك ..

وعلى فكرة يا صدى .. بأقولهم سالفتك يوم إنّي أجي للفصل عندك ..

هذا يا طويلين العمر .. مرة من المراريت :p قدّر الله علي ورحت لـ صدى بالمدرسة ..

المهم .. كان الدرس شيّق وصدى يسأل الطلاب .. واللّي يجاوب له جائزة من أبو ريالين ..

المهم ومع كل إجابة صحيحة للطلاب .. صدى يقول وياّشر بـ صح ممتاز .. وينطق بـ صح الله ياخذ عمرك .. خسّرتنا
طبعاً معكم علم إنه يدرّس صقهان << على قولة البدايعي (ولا تسألون من هو ..؟ هو عارف نفسه)



المهم خالو .. عساك قمت تداوم .!! والله لا يهينك شف لي ب ل و 9 5 9


اضافة رد مع اقتباس
  #11  
قديم 10/12/2005, 04:14 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
[align=center]




يؤ !!

أنا كاتب هـ الموضوع ؟؟!!

متى وشلون ؟؟





















الواحد ما يقدر يرتاح حتى في موضوعه !!

يا شينكم بس




ب ر ب 001

يعني اول برب اقوله

[/align]
اضافة رد مع اقتباس
  #12  
قديم 10/12/2005, 07:21 PM
زعيــم مميــز
تاريخ التسجيل: 22/04/2002
المكان: الرياض
مشاركات: 3,583
إقتباس
"يفتح الزعيم .. يروح لمنتدى المجلس العام .. يضغط على ايقونة موضوع جديد ..
ويخربط لين ما يجيه النوم ويروح ينام


وعساه جالك النوم يابعدي

الصراحه موضوعك يطيرالنوم مايجيبه


إقتباس
الناس توقع 7 ونص وانت 8 ونص

حلل راتبك ياولد الأمس

الا على طاري اللوحات مالقيت لوحه بأسم (( د ا ن 5 00 ))


تحياتي وانااخوك

ابودانه

;)
اضافة رد مع اقتباس
  #13  
قديم 10/12/2005, 09:26 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144



صدى بكرة .. يالله حيّوووه
إقتباس
واحد ما جاه النوم وش يصلح ؟؟

واحـــد شـــــاهـــــي ..

إقتباس
ويخربط لين ما يجيه النوم ويروح ينام ..

مثل خربطتك .. مشكلة ذي

إقتباس
انت تدري اني مغترب ولازم تراعي فارق التوقيت بين ساعتي اللي جايبها معي من بيتنا وبين توقيت ديرتكم ياخي مهوب ذنبي انكم تفرقون عن الرياض بساعه !!
وش رأيكم بالله ما حجرته بزاويه انا وهالرد المؤلم !!
بالله مهوب معي الحق ؟؟ !!


مغترب ؟؟ الأخ في المكسيك ..

إلا معك الحق ونص .. شلون اجل ؟؟ :p

إقتباس
ايه صح لا تنسون تباركون لـ الدب بـ مناسبة الخطوبة الرجال ما شاء الله جزم يتزوج
تخبرون تقدموا له ناس واجد بس هو رافض مبدأ الزواج يقول منب متزوج الا اللي احبها !!
اقوله وش اللي تحبها !!


عالبركة .. متى عرسكم ؟؟

صراحة .. مشكلة ياصدى لا صرت مطلوب ..

ص د ى 001

هذي لوحة واحد فاضي ماجاه النوم ..

يعطيك العافية على الموضوع .. ولاعاد تعودها
اضافة رد مع اقتباس
  #14  
قديم 11/12/2005, 12:53 AM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
[align=center]




ووووووووه بس ينااااس <<<<<<< وااحد خاااق معك ولا يدري وش يرد
صدى اكيد بوب جااايك النووم
بلا والله من هالشوااهي والقهااوي الي تسف منها :p


يسلموووو خيوو على هيك موضوع مرتب ومحيووووف <<<< قصيمي راابي بسوريا




تحياااتي لك كلياااتك
اخوك بروق نجد
[/align]
اضافة رد مع اقتباس
  #15  
قديم 11/12/2005, 01:17 AM
زعيــم مميــز
تاريخ التسجيل: 05/07/2005
المكان: :.: Riyadh :.:
مشاركات: 1,687
ح ز ن 666 <<---- لوحة مزعل فرحان

هـ ر ب 999 <<---- لوحة واحد حرامي

ع د هـ 555 <<---- لوحة واحد راعي طقطقه

خ ب ت 444 <<----- لوحة واحد خال حق خبيتيات

ل ب ن 888 <<----- لوحة واحد توه جاي من البر




وسلامتكم والله انكم فاضين ومريضين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube