13/12/2005, 08:23 AM
|
زعيــم نشيــط | | تاريخ التسجيل: 16/01/2002 المكان: وسط بطولات الأزرق
مشاركات: 762
| |
لكل من يسأل عن نقل الاعتزال : عسى ماشر ؟! ++ رسالة جوال لاتفوتك بمناسبة الاعتزال استغرب من بعض الاخوان اللي يسألون عن القنوات الناقلة لمباراة الثنيان حيث ان اكثر المواضيع
تتكلم عن النقل التلفزيوني
اقول لهذي الجماهير : عسى ما شر ؟؟!!
لاتكونون ماانتم ناوين تحضرون المباراة ؟؟؟؟
والله شكلكم بتفشلون ابو يعقوب والهلال والسعودية كلها ياجماهير التلفزون والحب والفصفص
بصراحة اللي بيقعد في بيته ولا يحضر وهو قادر على الحضور احسن له لا يشجع
الهلال ويشوف له نادي ثاني اصرف له
اذا مباراة افضل لاعب في تاريخ السعودية من حيث المهارات و الانجازات ماحضرتوها اجل متى بتحضرون ؟؟؟
تخيلوا الثنيان بكبره يعتزل في ملعب فاضي يافشيلتاه والله اكبر مهزلة
وش بيقولون العالم ؟؟
وش بيقولون فالنسيا ؟؟؟ هذا اللاعب اللي جينا على شانه من اخر الدنيا طلع بدون شعبية
والنادي اللي يقولون الاشهر في اسيا طلع خرطي ....... ترضونها للثنيان والهلال ؟؟!!
ترضون يقولون ياليتنا ماجينا ؟؟!!!!!!!
بصراحة في مثل هذي المباراة البيت للبنات بس .... واللي مايحضر الاربعاء لا عاد يحضر
ثاني مرة مانبيه ولا نبي تشجيعه مع احترامي ملاحظة : لاحد يتعذر بالمسافة ترى فيه ناس من الامارات ( 1500 ) كيلو جايين عشان ابو يعقوب
وانتم مع وجيهكم تسالون : اي قناة بتنقل المباراة ؟؟!!
رسالة جوال:
اتمنى من كل هلالي وثنياني غيور ان يمررها ( يرسلها ) الى كل من يعرفه من الهلاليين وعشاق
الثنيان ( مافيه حد مايحب الثنيان ) الرسالة تقول : يوم الاربعاء الثنيان يحتاج وقفتكم في ليلة وداعه فلا تخذلوه
وهي فرصة لرؤية النمر لاخر مرة في الملعب والتمتع بقمة الهلال
وفالنسيا
اذا لم تحضر فأنت لست هلالي ولا ثنياني!! |