قابلني البارحة أحد اصدقائي المقربين جدا
وهو مقيم في مدينة الرياض ويتواجد حاليا في الخبر
دار بيننا حديث طويل في الكره وغير الكره وهو مشجع شبابي!!!!
قال لي هذه القصه:-
قابلت الشلهوب ومعه اثنان من اصدقائه في مركز الفيصليه التجاري
ولأني من المعجبين به ذهبت للسلام عليه فكان خلوقا جدا وبشوشا
سألته عن أشياء كثيره أجاب عليها بصراحه وبرحابة صدر
قلت له وش أخبار أبو يعقوب؟
قال: والله طيب ماعليه ولو اني صار لي اسبوع ماشفته
قلت :كيف نفسيته بعد الوقف؟
قال: (والتأثر واضح عليه جدا)الثنيان بطبعه مايبين اللي بداخله
بس والله ادري انه متضايق كثير خاصة انه كان ينوي يكون ختامها مسك
قلت :انت وش رايك في يوسف؟
قال:من هو انا عشان اقول لك رايي في أبو يعقوب؟؟
قلت :بصراحة وش يعني لك الثنيان؟
قال: اذا كان لاحد فضل بعد الله في اني صرت لاعب كوره و هلالي فهو لبو يعقوب وبس
قلت: كيف؟
قال: وحنا صغار في الحاره كان كل واحد منا يقول اناالثنيان وكلنا نلبس رقم 15 وكلنا يبي يسحب ويرقص مثل الثنيان وكلنا نبي نلعب في الجناح الايمن !!!يقولهاوهو (متأثر)
وكلنانحضر الملعب ونشجع الثنيان حتى أخوياي كانوا أكثرهم نصراويين
لكن الثنيان جعلهم هلاليين!!!
كان حلمي اني البس رقم 15 بس المصيبيح رفض خايف علي من الغرور
وقال لي : كل لاعب لازم يكون له اسلوبه الخاص ومع ذلك مازلت اتمنى ان ارتدي هذا الرقم ولكن اتمنى اكثر ان لايعتزل يوسف فأنا لااتخيل الكوره بدون يوسف !!!

انتهت قصة صديقي
ان كان مايقوله صحيحا(لم اعهد منه الاالصدق) فكم انت كبير والله يا شلهوب وكم انت كذلك ايها النمر وكذلك فهد المصيبيح

فعلا والله لقد صدق الشلهوب فالدكتور يوسف الثنيان علمنا ان نعشق الكره وبه زاد عشقنا للهلال!!