|
300 ألف ريال مبيعات تذاكر اعتزال الثنيان في ساعتين سجلت مبيعات تذاكر مهرجان يوسف الثنيان قائد المنتخب السعودي ونادي الهلال سابقا رقما قياسيا, إذ ورد الخزائن ما يربو على 300 ألف ريال خلال ساعتين، في فندق راديسون ساس مقر استقبال الهدايا والجوائز إلى عريس الكرة السعودية. جريدة الاقتصادية |
الله يستر حنا من الشرقيه وناوين نجي عسى ماتخلص التذاكر بس |
والله يستر حنا جاايين من الجووف وان شاء الله نحصل تذاكر |
انتوا تعالوا راح تحصلون تذاكر باذن الله |
آه ياليت أقدر أحظر بس... المشكلة أنا فالشرقية.. لا .. وعني اختبار 6 الليل بعد!!!!! |
ان شاااااااااااااااااااااء اللــــــــــــــه بجي يوم الاربعااااااااء الصبح مع انه عندى اختبااااااااااااااار بس كل شي لاجل ابو يعقوووووووووب يهوووووووون |
أعتقدئ عادي جدا أن تسجل خلال ساعتين 300 الف ريال بالنسبه لحف أعتزال الفيلسوف الآسيوي |
بكل صراحة مواضيع مثل هذي مفروض أن لا تذكر في الجرائد قبل المباراة فقد يكون لها ردت فعل عكسيه على المترددين في الحضور للملعب. فاللي كان ناوي يحضر يمكن يتراجع عن الحضور بسبب خوفه من عدم وجود مقاعد فارغه في الملعب. فيا اخوان اللي من خارج الرياض حاولوا الحضور قبل المباراة بأربع ساعات أو خمس ساعات واشتروا لكم تذاكر أو اذا لكم اقارب أو تعرفون احد ساكن في الرياض وصوه يشتري لكم تذكره. اما سكان الرياض فيقدرون يشترون لهم تذكره قبل يوم المباراة . واللي ما كان ناوي يحضر و غير رايه قبل المباراة ولو بساعه فأذا يعرف واحد حاضر للملعب يدق عليه ويسأله عن اذا مازال فيه اماكن فارغه والا لا. واذا ما يعرف احد، يروح بنفسه للملعب ، فملعب الملك فهد ضخم و صعب يمتلي بسهوله فأكثر حضور جماهيري لمباريات الهلال في الخمس سنوات الماضيه كان امام الشباب على نهائي الدوري السنه الماضيه و كانت المقاعد الفارغه اكثر من 20 الف مقعد على يسار المنصه. اما اكبر حضور بشكل عام فكان السعوديه و اوزباكستان في تصفيات كاس العالم، امتلا الملعب قبل بداية المباراة بساعه ونصف، ولكن هذي المباراة كانت مجانيه و فيها سحب على سيارات و يا كثر اللي حضروا علشان الجوائز فقط . اما بالنسبه لوصول مبيعات التذاكر الى 300 الف ريال فهذا يقدر بـ 10,000 تذكره على الاكثر وباقي 65,000 تذكره فيا جماهير الهلال لا تبخلون على من خدم ناديكم لاكثر من 20 سنه ما خل بطوله الا وحققها مع الهلال على الاقل مره واحده من اسيويه و عربيه و محليه و خليجيه. |
بقي 65000تذكره يعني المجال مفتوح للكثير أن يحضر للملعب زيي من جده وجاي الأربعاء الصباح |
والله لو انط الشبك جاي جاي هذا ابو يعقووب ماهو حمد المنتشري لا ومع من مع فريقي المفضل فالنسيا ماني مصدق اشووف ايمار على الطبيعه |
ان شاء الله الملعب بيصير مليااااااااااااااااان من محبي الزعيم والثنيان |
Pablo Aimar والله انك سخيف وفاضي شدخل حمد المنتشري في سالفه الاعتزال الناس تفكر في الاعتزال وانت حتى في الاعتزال متعصب |
| الوقت المعتمد في المنتدى بتوقيت جرينتش +3.
الوقت الان » 02:33 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd