في اعتزال اسطورة كرة القدم السعودية
يوسف الثنيان .. هل سوف يكون المدرب باكيتا .. ايضا ؟؟!
هل سوف يركن يوسف الثنيان ويلعب كماتشو مثل نواف برضه
او انه بيجلس يغير في السعودين عشان البرازيلين يطقونها كلهم اساسيين ؟؟!

اتمنى احضار مدرب وطني .. بدل من باكيتا دامه اعتزال الفيلسوف .. وهو اللي يختاره ويختار التشكيله برضه
لن باكيتا بيقول لعيال عمه مادري عيال حارته هذي فرصه جتكم تبدعون عشان تحترفون في فلنسيا ..

كل اللي اتمناه .. ابعاد فكر باكيتا في مباراة اعتزال يوسف الثنيان .. لكي تكون وداعيه ممتعه وليست مأساويه وقهر وضيم .. يكفي نواف مظلوم ومحرومين منه من هالباكيتا .. وبكره بيسويها مع ياسر وسامي .. لن مو من المعقول بيلعب في مهاجمين .. وايضا مستحيل بيطلع جيليسون .. او كماتشو يعني ثلاث مقاعد برزيليه مضمونه في التشكيل الاساسي مافيه امل يغير
..
ادري بيجون راعين تقليعات .. ويلفون ويدورون .. وانواع الاعتراضات ..

كل اللي اطلبته واتمناه .. نلعب في مهاجمين .. والشلهوب ويوسف ونواف التمياط يلعبون .. ومحور واحد ..
وروس الحربه سامي وياسر


يعني نلعب بالتشكيل هذا


----------------------الدعيع--------------------------
الخثران---المفرج--------تفاريس--------(الياس او العصفور)
--------------------( البرقان- عزيز-الغنام)-----------------
الشلهوب---------------------------------------نواف التمياط
-------------------------الثنيان--------------------------
----------------ياسر------------سامي الجابر--------


ولو اني اشوف انهم يجيبون مدافع بدل من تفاريس ..

اولا .. فرصه ممكن يحترف لاعب سعودي في ايا نادي اوروبي
ثانيا.. هو اعتزال افضل لاعب سعودي انجبته الملاعب السعوديه .. يعني من المفترض اللي يتشرف في اللعب مع الثنيان .. لاعبين سعوديين ..

في النهايه لا تزعلون ..

انا ما احارب باكيتا بس من القهر اللي اشوفه في تشكيلته وفي بعض اللاعبين المظلومين ..

وش دعوى الاندية الاوربية زينا من لاعب يبرز ويقدم لمحة قمنا حطيناه في السما

العديد من المباريات صارت بين الاندية السعودية والاندية الاوروبية وما شفناها تمخضت عن احتراف اي لاعب

ومسئلة ان الهلال يلعب بمحور واحد

يا اخي دفاع الهلال مع احترامي لعناصره شوربة مع كونه يلعب بمحورين

لاعب مثل الكويكبي ضحك خلق الله عليهم

وتبي نلعب قدام فالنسيا وقدام لعيبة مهاريين بمستوى ايمار وغيره بمحور واحد ؟؟؟؟؟؟؟؟


ثانيا لكل مجتهد نصيب ونواف اول واحد يعرف انه لاعب راجع من اصابة قوية ولسه ما قدر يسترجع مستواه الطبيعي وحساسيته على الكرة فشي طبيعي تكون الاولوية للاعب الجاهز

واي مدرب في العالم يختار افضل العناصر الي يحسها هو انها راح تناسبه لانه يبي يفوز فهذا مصدر رزقه

ممكن تكون افكاره خاطئة بس صدقني لو المدرب حاس ان نواف راح يعطيه اكثر من كماتشو راح يخلي كماتشو احتياطي

وفيه نقطة هامة كمان

كماتشو باقي مع الفريق بينما نواف مباراة موجود ومباراة مع المنتخب

ونواف نفسه تكلم عن هالنقطة

^^^ كفى ووفى ..



اخوي والله ملينا من هالحكي .. باكيتا وباكيتا ! ..


الفريق قاعد يلعب ويقدم مستوى .. ليش الاعتراض ! ؟

والله عجيب امركم ! .. شوفوا حال الجيران وتحمدوا ربكم !

يا اخي بتدمرون نفسيه الاعب بمثل هالكلام .. بكون بعلمك ،، ترا اغلب الاعبين يتصفحون الموقع .

تتكلمون عن بكيتا وكانه عله على الفريق ولا مسبب مشكله .. !!

فريقنا ما يلعب صح الا بها الطريقه .. لعبنا في نهائي كاس فيصل بمهاجمين وتعرف انت ذيك المباراه كيف كانت !


تحمدوا ربكم لا يطلع باكيتا بس !!


تحيتي ..

باكيتااااااااااااااااااااااااااااااااااااااااا

خخخخخخخخ


والله انك دقيق

إقتباس اخوي والله ملينا من هالحكي .. باكيتا وباكيتا ! .. الفريق قاعد يلعب ويقدم مستوى .. ليش الاعتراض ! ؟ والله عجيب امركم ! .. شوفوا حال الجيران وتحمدوا ربكم ! يا اخي بتدمرون نفسيه الاعب بمثل هالكلام .. بكون بعلمك ،، ترا اغلب الاعبين يتصفحون الموقع . تتكلمون عن بكيتا وكانه عله على الفريق ولا مسبب مشكله .. !! فريقنا ما يلعب صح الا بها الطريقه .. لعبنا في نهائي كاس فيصل بمهاجمين وتعرف انت ذيك المباراه كيف كانت ! تحمدوا ربكم لا يطلع باكيتا بس !! تحيتي ..

اخوي

اترك المدرب لأنه فوق نقدنا

مدرب داهيه